کسان کے حالات بہت برے ہیں، حکومت کو 2 روز کا وقت دیتا ہوں: صدر پاکستان کسان اتحاد
اشاعت کی تاریخ: 10th, April 2025 GMT
صدر پاکستان کسان اتحاد خالد کھوکھر—فائل فوٹو
صدر پاکستان کسان اتحاد خالد کھوکھر نے کہا ہے کہ کسان کے حالات بہت برے ہیں، حکومت کو 2 روز کا وقت دیتا ہوں۔
ایک بیان یمں ان کا کہنا ہے کہ وزیرِ اعلیٰ پنجاب مریم نواز کے کہنے پر گندم کی فصل اگائی، آج کسان کو اس گندم کی پیداواری لاگت نہیں مل رہی، جب آپ کے پاس زراعت کے علاوہ کچھ نہیں ہے تو اس کو ترجیحات میں کیوں نہیں لاتے ؟
خالد کھوکر نے بتایا ہے کہ 25 فیصد منافع ہمارا حق ہے، سب سے زیادہ خدمت ہم کرتے ہیں، لیکن ہمیں کوئی سہولت میسر نہیں، بجلی اور کھاد کی قیمت قوتِ خرید سے باہر ہو چکی ہے۔
صدر کسان اتحاد خالد کھوکھر نے کہا ہے کہ زراعت اب منافع کا نہیں خسارے کا کام بن چکا ہے۔
صدر پاکستان کسان اتحاد نے مزید کہا ہے کہ کاشت کار کے گھر اور کھیت کے حالات اچھے نہیں ہیں، بچوں کی صحت کے حالات اچھے نہیں، ڈھائی کروڑ ایکڑ پر گندم کاشت ہوئی ہے، آج گندم کا کاشت کار پریشان ہے، کسان کے حالات بہت برے ہیں۔
انہوں نے شکوہ کرتے ہوئے کہا ہے کہ کوئی شک نہیں کہ اسمبلیوں میں پاکستان کے لیے بات بہت کم ہوتی ہے، کیا زراعت کے لیے سب اکٹھے نہیں ہو سکتے؟
.ذریعہ: Jang News
کلیدی لفظ: صدر پاکستان کسان اتحاد کسان اتحاد خالد کے حالات
پڑھیں:
صوبائی عہدیدار ڈی آئی خان میں طالبان کو کتنے پیسے دیتا ہے؟ محسن نقوی کا طنز
وفاقی وزیرداخلہ محسن نقوی نے ایک طنز آمیز ٹویٹ کے ذریعے ایک اہم صوبائی عہدیدار پر خیبر پختونخوا کے ضلع ڈی آئی خان میں طالبان کو ماہانہ چندہ دینے کا الزام عائد کیا ہے۔
وفاقی وزیر داخلہ محسن نقوی نے سماجی رابطے کی ویب سائیٹ ایکس پر اپنی ٹویٹ میں لکھا کہ ایک اہم صوبائی عہدے دار ڈیرہ اسماعیل خان میں طالبان کو کتنے پیسے ہر ماہ دیتا ہے؟
وزیر داخلہ نے یہ بھی کہا کہ دہشت گردوں کے خلاف تمام وسائل استعمال ہوں گے۔
محسن نقوی کے اس بیان پر ابھی تک صوبائی عہدیدار یا حکومتی حلقوں کی طرف سے کوئی باضابطہ ردعمل نہیں آیا۔
یاد رہے کہ وزیراعلیٰ کے پی علی امین گنڈاپور نے پشاور میں اے پی سی سے خطاب کرتے ہوئے کہا تھا کہ صوبے میں گڈ طالبان کی کوئی گنجائش نہیں، دہشتگردوں کیخلاف اب ڈرون استعمال نہیں ہوگا۔
علی امین گنڈا پور نے یہ بھی کہا کہ ہم کسی صورت فیڈرل فورس کو صوبے میں مداخلت کی اجازت نہیں دیں گے، میرے صوبے کے حوالے سے محسن نقوی کو فیصلے کرنے کی کوئی اجازت نہیں۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست