بیساکھی میلہ: 7 ہزار سے زیادہ سکھ یاتریوں کی پاکستان آمد، محبت اور بین المذاہب ہم آہنگی کا شاندار مظاہرہ
اشاعت کی تاریخ: 13th, April 2025 GMT
سکھ مذہب کے اہم ترین تہوار بیساکھی میلہ میں شرکت کے لیے بھارت سمیت دنیا بھر سے قریباً 7 ہزار سکھ یاتری 10 اپریل کو پاکستان پہنچے۔ واہگہ بارڈر سے انڈین یاتریوں کو سخت سیکیورٹی حصار میں گوردوارہ سری پنجہ صاحب حسن ابدال پہنچایا گیا۔
’شاندار استقبال، مکمل مذہبی آزادی‘تین ہزار سے زیادہ بھارتی سکھ یاتری حسن ابدال پہنچے، جہاں ان کا شاندار استقبال کیا گیا۔ ڈپٹی کمشنر راﺅ عاطف رضا، ڈی پی او سردار غیاث گل اور اسسٹنٹ کمشنر عارف قریشی سمیت دیگر ضلعی افسران نے یاتریوں کو پھولوں کے ہار پہنائے اور گلدستے بھی پیش کیے۔
یہ بھی پڑھیں بابا گرو نانک کا 555واں جنم دن:پاکستان میں سکھ یاتریوں کی سیکیورٹی کےلیے فول پروف انتظامات
’مذہبی رسومات کی مکمل آزادی‘انڈین یاتریوں نے گوردوارہ پنجہ صاحب میں مکمل آزادی کے ساتھ اپنی مذہبی رسومات ادا کیں اور حکومت پاکستان کی جانب سے کیے گئے کھانے پینے، رہائش، سیکیورٹی اور دیگر انتظامات کو سراہا۔
یاتریوں کا کہنا تھا کہ وہ نہ صرف مذہبی لحاظ سے مطمئن ہیں بلکہ پاکستان میں ملنے والے احترام اور محبت سے بے حد خوش ہیں۔
بھارت سے آئے سکھ یاتری دلجیت سنگھ اور دیگر نے ’وی نیوز‘ سے گفتگو کرتے ہوئے کہاکہ ہماری خواہش ہے دونوں ملکوں کی عوام میں یہ پیار، محبت اور احترام کا رشتہ ہمیشہ برقرار رہے۔ انہوں نے بہترین انتظامات پر حکومت پاکستان اور ضلعی انتظامیہ کا شکریہ بھی ادا کیا۔
’پاک بھارت تعلقات میں بہتری کی خواہش‘مہمان یاتریوں نے اس موقع پر پاکستان اور بھارت کے درمیان تعلقات میں بہتری اور دوستانہ ماحول کی خواہش کا اظہار کیا۔ ان کا کہنا تھا کہ بیساکھی میلہ صرف ایک مذہبی تقریب نہیں بلکہ یہ پاکستان کی بین المذاہب ہم آہنگی، رواداری اور محبت کے جذبے کی عکاسی کرتا ہے۔
’سیکیورٹی کے سخت انتظامات‘بیساکھی میلہ کے موقع پر گوردوارہ پنجہ صاحب کو خوبصورت برقی قمقموں سے سجایا گیا ہے، یاتریوں کی حفاظت کے لیے 1500 سے زیادہ پولیس اہلکار اور 26 سیکشنز پر مشتمل ایلیٹ کمانڈوز تعینات کیے گئے ہیں تاکہ ہر ممکن تحفظ کو یقینی بنایا جا سکے۔
یہ بھی پڑھیں ’وساکھی میلہ‘: دنیا بھر سے سے 45 ہزار سکھ یاتریوں کی پاکستان آمد متوقع
اگلا پڑاؤ: ننکانہ صاحبدو روزہ قیام کے بعد سکھ یاتری ننکانہ صاحب روانہ ہو چکے ہیں، جہاں وہ 14 اپریل کو بیساکھی میلہ کی مرکزی تقریب میں شرکت کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بیساکھی میلہ بین المذاہب ہم آہنگی پاکستان آمد سکھ یاتری وی نیوز.ذریعہ: WE News
کلیدی لفظ: بیساکھی میلہ بین المذاہب ہم ا ہنگی پاکستان ا مد سکھ یاتری وی نیوز بیساکھی میلہ یاتریوں کی سکھ یاتری پاکستان ا
پڑھیں:
شہر اقتدار کے ماسٹر پلان کی 65ویں سالگرہ کی تقریب،اسلام آباد شہر میلہ کا انعقاد
شہر اقتدار کے ماسٹر پلان کی 65ویں سالگرہ کی تقریب،اسلام آباد شہر میلہ کا انعقاد WhatsAppFacebookTwitter 0 30 October, 2025 سب نیوز
اسلام آباد(سب نیوز)اسلام آباد کی 65ویں سالگرہ اور عالمی یوم شہر کے موقع پرایف نائن پارک، گندھارا سیٹیزن اینڈ ہیریٹیج سینٹر میں مختلف تقریبات کا انعقاد کیا گیا۔ ان تقریبات میں سی ڈی اے نے عزم کا اعادہ کیا کہ وہ 1960 کے بانی ویژن جو پائیداری، جدید منصوبہ بندی اور جدت پر مبنی ہے اسکو ازسرنو اجاگر کیا جائے۔چئیرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا اور آئی جی اسلام آباد نے تقریب میں بطور مہمان خصوصی شرکت کی۔ تقریب میں سی ڈی اے بورڈ ممبران، یو این ہبٹیٹ ، شہر ساز، ڈی ایچ اے سمیت ملک کے نامور آرکیٹیکٹس، ٹان پلانرز اور مختلف شعبوں سے وابستہ پروفیشنلز نے بھی شرکت کی۔ اسی طرح تقریب میں سول سوسائٹی کے نمائندگان، یونیورسٹی کے اساتذہ اور طلبا و طالبات سمیت کثیر تعداد میں شہریوں نے بھی شرکت کی۔
چیئرمین سی ڈی اے و چیف کمشنر اسلام آباد محمد علی رندھاوا نے تقریب سے خطاب کرتے ہوئے کہا کہ آئیے اپنے شہر اسلام آباد کی خوبصورتی کا جشن منائیں۔ انہوں نے کہا کہ آج ہم اسلام آباد کے ماسٹر پلان کو خراج تحسین پیش کرتے ہیں جو 65 سالوں سے شہری منصوبہ بندی و ترقی کی علامت ہے۔ چیئرمین سی ڈی اے نے کہا کہ شہر کے بنیادی انفراسٹرکچر میں ماسٹر پلان پر عملدرآمد ریڑھ کی ہڈی کی حیثیت رکھتا ہے۔ چیئرمین سی ڈی اے نے کہا کہ ہم خوش قسمت ہیں کہ ہمیں ایک اعلی پلان کا حامل شہر وراثت میں ملا ہے جسکا شمار دنیا کے خوبصورت ترین شہروں میں ہوتا ہے۔ انہوں نے کہا کہ سی ڈی اے کے تمام ونگز بالخصوص پلاننگ، انوائرمنٹ، فنانس، ایڈمنسٹریٹریشن اور انجینئرنگ نے شہر کی پلاننگ، تعمیر و ترقی اور ماحولیاتی تحفظ کیلئے اہم کردار ادا کیا ہے۔ انہوں نے کہا کہ سی ڈی اے اسلام آباد کے قدرتی حسن کو برقرار رکھنے کے ساتھ ساتھ ماحول کے تحفظ کیلئے بھی دن رات کوشاں ہے۔چیئرمین سی ڈی اے نے کہا کہ گزشتہ کئی برسوں سے شہر کی تعمیر و ترقی، خوبصورتی اور ماحولیاتی تحفظ کیلئے بھرپور اقدامات اٹھائے گئے ہیں۔ انہوں نے فنانشل خود مختاری، ڈیجیٹل اقدامات اور شہری منصوبہ بندی کیلئے سٹلائٹ امیجز کیلئے سپارکو کے تعاون جیسے اقدامات کو شہر کی تعمیر نو میں اہم قرار دیا۔ انہوں نے کہا کہ آنے والے میگا پراجیکٹس میں ایکسپو سینٹر، فائیو سٹار ہوٹلز اور کرکٹ اسٹیڈیم سمیت دیگر ترقیاتی منصوبے شامل ہیں۔چیئرمین سی ڈی اے نے کہا کہ سی ڈی اے C-14، C-15، C-16، I-12، E-12، E-13، D-13، اور F-13 سمیت کئی دیرینہ رہائشی سیکٹرز کی فراہمی کیلئے ہمہ وقت تیار ہے، جبکہ مارگلہ انکلیو پراجیکٹ، ڈیفنس ہاوسنگ اتھارٹی (ڈی ایچ اے)کے اشتراک سے تیار کیا جارہا ہے۔چیئرمین سی ڈی اے نے کہا کہ تمام ترقیاتی منصوبوں میں ماحولیاتی اثرات کے جائزے کو ترجیح دی جا رہی ہے۔
انہوں نے مزید کہا کہ سی ڈی اے جدید ٹیکنالوجی اور پائیدار شہری طریقوں کو اپناتے ہوئے اسلام آباد کو ایک ماڈرن اور ماڈل سٹی میں تبدیل کرنے کیلئے پرعزم ہے۔انسپکٹر جنرل (آئی جی)اسلام آباد سید علی ناصر رضوی نے کہا کہ اسلام آباد دنیا کے خوبصورت ترین دارالحکومتوں میں سے ایک ہے جو قدرتی حسن سے مالا مال ہے۔ انہوں نے کہا کہ اسلام آباد پاکستان کا دل ہے جہاں ملک کے تمام صوبوں کی نمائندگی موجود ہے۔آئی جی اسلام آباد پولیس نے کہا کہ اسلام آباد پولیس اور دیگر محکمے شہر میں امن و امان، سلامتی اور ترقی کیلئے بھرپور کوششیں کر رہے ہیں۔ انہوں نے کہا کہ اسلام آباد کے پہاڑ، سرسبز ہریالی اور محفوظ ماحول شہر کی اہم خصوصیات میں شامل ہیں۔آئی جی اسلام آباد پولیس نے کہا سلامتی ہی ہماری طاقت ہے اور سلامتی کے بغیر ہم کسی بھی شہر کی خوبصورت ٹوپوگرافی اور سکون سے کبھی بھی لطف اندوز نہیں ہو سکتے۔ انہوں نے کہا کہ چیئرمین سی ڈی اے اور انکی پوری ٹیم اسلام آباد شہر کی خوبصورتی اور تعمیر و ترقی میں نمایاں کردار ادا کرنے پر مبارکباد کے مستحق ہیں۔ آئی جی اسلام آباد پولیس نے مزید کہا کہ اسلام آباد دنیا کے محفوظ ترین شہروں میں سے ایک ہے جہاں شہریوں کو بہترین سہولیات میسر ہیں۔ انہوں نے کہا کہ اسلام آباد پاکستان کی وحدت اور تنوع کی عکاسی کرتا ہے۔ انہوں نے مزید کہا کہ پولیس سیف سٹی پراجیکٹ کے تحت جدید نگرانی، ڈیجیٹل سسٹمز اور پولیس اسٹیشن آن وہیلز کے ذریعے شہریوں کی خدمت میں مزید بہتری لارہی ہے۔یو این ہیبٹیٹ پاکستان کے سینئر ایڈوائزر جواد علی خان نے سی ڈی اے کی کاوشوں کو سراہتے ہوئے کہا کہ ادارے کا ویژن اس سال کے عالمی یومِ شہر کے موضوع People-Centred Smart Cities سے ہم آہنگ ہے۔ایگزیکٹو ڈائریکٹر شہر ساز، الماس شکور نے شہری شمولیت اور ماحول دوست منصوبہ بندی کی ضرورت پر زور دیتے ہوئے کہا کہ قدیم شہروں سے جدید دارالحکومتوں تک، حقیقی استحکام شہریوں کی شمولیت سے آتا ہے۔ انہوں نے مزید کہا کہ ہمیں ایسے شہر بنانے ہونگے جو نہ صرف اسمارٹ بلکہ انسان دوست ہوں۔تقریب میں سی ڈی اے کے سنیئر افسران اور مختلف شعبوں سے تعلق رکھنے والے ماہرین نے شہری پلانگ، ماحولیاتی تحفظ اور ترقیاتی منصوبوں پر بریفنگ دیں۔بعد ازاں دن کے دوسرے حصے میں اسلام آباد شہر میلہ کے عنوان سے ایک رنگا رنگ کمیونٹی فیسٹیول F-9 پارک میں منعقد ہوا جسمیں اسلام آباد کے 65 سالہ منصوبہ بندی کے سفر اور عالمی یومِ شہر کا جشن منایا گیا۔ فیسٹیول میں اسمارٹ انوویشن ڈسپلے، الیکٹرک گاڑیوں کی سواری، میوزیکل پرفارمنسز، ڈرم سرکل، بچوں کے تفریحی زونز اور مقامی کھانوں کے اسٹالز شامل تھے۔ اسلام آباد شہر میلہ نے شہریوں کو اپنے شہر کی شناخت سے دوبارہ جوڑنے اور پائیدار طرزِ زندگی کی نئی ٹیکنالوجیز دریافت کرنے کا موقع فراہم کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراب ٹرمپ کہاں ہے جو کہتا تھا میں نے غزہ میں جنگ بند کرائی، مولانا فضل الرحمان اب ٹرمپ کہاں ہے جو کہتا تھا میں نے غزہ میں جنگ بند کرائی، مولانا فضل الرحمان وزیراعظم آزاد کشمیر کیخلاف تحریک عدم اعتماد، پی پی اور ن لیگ میں نیا ڈیڈ لاک وزیراعظم آزادکشمیرکیخلاف تحریک عدم اعتماد یکم نومبر کو پیش کیے جانے کا امکان آزاد کشمیر، وزارت عظمی کیلئے چوہدری یاسین کے نام پر پیپلزپارٹی میں اختلافات اسلام آباد بار کونسل کے انتخابات کیلئے یکم نومبر کو اسلام آباد ہائیکورٹ اور ماتحت عدالتوں میں تعطیل کا اعلان حکومت کا کمرشل استعمال شدہ گاڑیوں کی درآمد پر 40فیصد ریگولیٹری ڈیوٹی عائد کرنیکا فیصلہCopyright © 2025, All Rights Reserved
رابطہ کریں ہماری ٹیم
علاقائی سکیورٹی میں مضبوطی,پاکستان اور بنگلہ دیش افواج کا عزم