گوردوارہ جنم استھان، بیساکھی میلہ کی تقریب، آتشبازی، مذہبی رسومات ادا
اشاعت کی تاریخ: 15th, April 2025 GMT
ننکانہ صاحب +لاہور(نامہ نگار+خصوصی نامہ نگار) سکھ مذہب کے عظیم مذہبی تہوار بیساکھی میلے کی مرکزی تقریب گوردوارہ جنم استھان ننکانہ صاحب میں ہوئی، جس میں دنیا بھر سے آئے سکھ یاتریوں سمیت اعلیٰ حکومتی و سیاسی شخصیات نے بھرپور شرکت کی۔ وفاقی وزیر مذہبی امور و بین المذاہب ہم آہنگی سردار محمد یوسف، وزیر مملکت کھیل داس کوہستانی، صوبائی وزیر اقلیتی امور سردار رمیش سنگھ اروڑہ، سینئر جوائنٹ سیکرٹری مذہبی امور مرزا علی مسعود ، ایڈیشنل سیکرٹری شرائن سیف اللہ کھوکھر، ڈپٹی سیکرٹری شرائن عمر جاوید اعوان، برطانوی ہائی کمشنر مسٹر بین، رکن پنجاب اسمبلی مہر کاشف رنگ الٰہی، پاکستان سکھ گوردوارہ پربندھک کمیٹی کے عہدیدا بھارت سمیت دنیا بھر سے سکھ رہنما و یاتری شریک ہوئے۔ سردار محمد یوسف نے وزیر اعظم شہباز شریف کی جانب سے سکھ برادری کو مبارکباد کا پیغام دیا اور کہا کہ پاکستان نے بیساکھی کے موقع پر ریکارڈ ویزے جاری کیے۔ جبکہ یاتریوں کو ہر ممکن سہولیات فراہم کی گئیں۔ گوردوارہ جنم استھان میں عالمی معیار کے ایک سو نئے کمرے تکمیل کے آخری مراحل میں ہیں اور بند مذہبی مقامات کی بحالی کے منصوبے پر کام تیزی سے جاری ہے۔ صوبائی وزیر سردار رمیش سنگھ اروڑہ نے کرتار پور راہداری کو ایک خواب کی تعبیر قرار دیا۔ سردار بشن سنگھ نے کہا کہ بھارت میں سکھوں کے ساتھ امتیازی سلوک کیا جا رہا ہے اور خالصتان سکھوں کی ضرورت بن چکا ہے۔ انہوں نے ضلعی انتظامیہ بالخصوص ڈی سی اور ڈی پی او ننکانہ صاحب کو بہترین انتظامات پر شاباش دی۔ صوبائی وزیر کی جانب سے شرومنی گوردوراہ پربندھک کمیٹی کے جتھہ لیڈر ینگ بہادر سنگھ، دہلی گوردوراہ مینجمینٹ کمیٹی کے جتھہ لیڈر دلجیت سنگھ، جگجیت سنگھ پلڑ، سرنجیت سنگھ، جہیندر کور، رویندر سنگھ، سردارمہیش سنگھ، سردار بیشن سنگھ، بھگت سنگھ، تارا سنگھ اور ممبران پاکستان گوردوراہ پربندھک کمیٹی کو سروپے پہنائے گئے۔ تقریب کے شرکاء نے مذہبی رسومات جیسے متھا ٹیکی، شبد کیرتن، ارداس اور نگر کیرتن ادا کیں اور حکومت پاکستان کے انتظامات کو سراہا۔ ضلعی انتظامیہ کی جانب سے 10 منٹ تک شاندر آتشبازی کا مظاہرہ کیا گیا۔ تقریب میں شندرہ ضعیب، رمیش سنگھ ارکان اسمبلی میڈیا کے نمائندے دیگر شریک ہوئے۔ سکھ یاتری مختلف شہروں کے گورودواروں کی یاترا کر کے 19 اپریل کو اپنے وطن واپس روانہ ہوں گے۔ سکھ یاتریوں نے کہا پوری دنیا سکھ پاکستان کو اپنا دوسرا گھر سمجھتے ہیں۔ وزیر مملکت کھیل داس کوہستانی نے کہا کہ حکومت پاکستان اقلیتوں کی خوشحالی کے لیے ہر ممکن اقدامات کر رہی ہے۔ بھارت سے آئے دہلی گورو دوارہ پر بندھک کمیٹی کے دلجیت سنگھ سرنا نے دورہ پاکستان کے موقع پر اظہار خیال کرتے ہوئے کہا ہے کہ بھارت سمیت دنیا بھر سے آنے والے سکھ پاکستان میں اپنے گورو دوارہ صاحبان کے درشن کر کے بہت خوش ہیں۔ تقریب کے شرکاء نے پاکستان زندہ باد سکھ مسلم دوستی زندہ باد کے نعرے لگائے، جبکہ آخر میں سکھ رہنماؤں کی طرف سے وفاقی وزیر سمیت دیگر شرکاء میں خصوصی تحائف تقسیم کیے گئے۔
.ذریعہ: Nawaiwaqt
کلیدی لفظ: کمیٹی کے
پڑھیں:
ٹرمپ نے نائجیریا میں ممکنہ فوجی کارروائی کی تیاری کا حکم دیدیا
اپنے ایک بیان میں امریکی صدر کا کہنا تھا کہ محکمہ جنگ کو نائجیریا میں قتل و غارت روکنے کے لیے تیار رہنے کا کہا ہے۔ انہوں نے کہا کہ امریکا طاقت کے زور پر اس ملک میں دہشتگردوں کو ختم کرسکتا ہے۔ اسلام ٹائمز۔ امریکا کے صدر ڈونلڈ ٹرمپ نے نائجیریا میں مذہبی قتل و غارت روکنے کے لیے ممکنہ فوجی کارروائی کی تیاری کا حکم دے دیا۔ اپنے ایک بیان میں امریکی صدر کا کہنا ہے کہ محکمہ جنگ کو نائجیریا میں قتل و غارت روکنے کے لیے تیار رہنے کا کہا ہے۔ امریکی صدر نے کہا کہ امریکا طاقت کے زور پر اس ملک میں دہشت گردوں کو ختم کرسکتا ہے۔ انہوں نے دھمکی دی کہ اگر نائجیریا حکومت مذہبی قتل و غارت روکنے میں ناکام رہی تو امریکا تمام امداد بھی بند کر دے گا۔ ڈونلڈ ٹرمپ نے کہا کہ مذہبی آزادی اور شہری حفاظت کے بغیر بین الاقوامی مدد برقرار نہیں رکھی جائے گی۔
پشاور: کوہستان اسکینڈل میں اہم پیشرفت، ملزم کے گھر سے کروڑوں روپے مالیت کا 115 تولے سونا برآمد