’عورت‘ کی تعریف پیدائشی جنس کی بنیاد پر ہوگی، برطانوی سپریم کورٹ
اشاعت کی تاریخ: 16th, April 2025 GMT
اسلام آباد (اُردو پوائنٹ ۔ DW اردو۔ 16 اپریل 2025ء) برطانیہ کی سپریم کورٹ نے اپنے ایک متفقہ فیصلے میں کہا ہے کہ ''عورت‘‘ کی قانونی تعریف پیدائش کے وقت کسی شخص کی جنس پر مبنی ہے۔ یہ ایک ایسا تاریخی عدالتی فیصلہ ہے، جس کےٹرانس جینڈرز کے حقوق سے متعلق جاری تلخ بحث پر دور رس اثرات مرتب ہوں گے۔
یہ فیصلہ اسکاٹ لینڈ کے صنف سے متعلق تنقیدی مہم چلانے والوں کے لیے ایک جیت کے طور پر دیکھا جا رہا ہے، جو اس مقدمے کو سماعت کے لیے برطانیہ کی اعلیٰ ترین عدالت تک لائے تھے۔
لندن میں قائم سپریم کورٹ کے پانچ ججوں نے متفقہ طور پر فیصلہ سناتے ہوئے کہا، ''مساوات ایکٹ 2010 میں 'عورت‘ اور 'جنس‘ کی اصطلاحات سے مراد ایک حیاتیاتی عورت اور حیاتیاتی جنس ہے۔(جاری ہے)
‘‘
عدالت نے مزید کہا کہ یہ ایکٹ ٹرانس جینڈر افراد کو امتیازی سلوک کے خلاف بھی تحفظ فراہم کرتا ہے۔ اس عدالتی حکم کا مطلب یہ ہے کہ ایک ٹرانس جینڈر شخص، جو ایک سرٹیفکیٹ کے سہارے خود کو ایک عورت تسلیم کرتا ہے، اسے صنفی مساوات کے تحت عورت نہیں سمجھا جانا چاہیے۔
لیکن عدالت نے مزید یہ بھی کہا کہ اس فیصلے کا مقصد ٹرانس جینڈر افرادکو تحفظ سے محروم کرنا نہیں ہے، کیونکہ وہ ''جنس کی تبدیلی کی بنیاد پر امتیاز کے خلاف تحفظ‘‘ رکھتے ہیں۔ یہ مقدمہ اسکاٹش پارلیمنٹ کے 2018ء میں منظور کردہ اس قانون سے جڑا ہوا ہے، جس میں کہا گیا ہے کہ اسکاٹ لینڈ کے سرکاری اداروں کے بورڈ میں خواتین کو 50 فیصد نمائندگی حاصل ہونی چاہیے۔
اس قانون میں خواتین کی تعریف میں ٹرانس جینڈر خواتین کو بھی شامل کیا گیا ہے۔
خواتین کے حقوق کے ایک گروپ خواتین اسکاٹ لینڈ (FWS) نے یہ دلیل دیتے ہوئے اس قانون کو چیلنج کیا تھا کہ اس میں عورت کی نئی تعریف پارلیمنٹ کے اختیارات سے باہر ہے۔ لیکن اسکاٹش حکام نے اس کے بعد نئے رہنماخطوط جاری کیے، جس میں کہا گیا کہ عورت کی تعریف میں جنس کی شناخت کا سرٹیفکیٹ رکھنے والا شخص شامل ہے۔
لیکن ایف ڈبلیو ایس نے عدالت میں کامیابی کے ساتھ اپنےموقف کا دفاع کیا۔ اس گروپ کایہ بھی کہنا ہے کہ اس مقدمے کے نتیجہ کا اسکاٹ لینڈ، انگلینڈ اور ویلز میں صنفی حقوق کے ساتھ ساتھ جنس کی بنیاد پر سہولیات جیسے بیت الخلا، ہسپتال کے وارڈوں اور جیلوں پر بھی اثر انداز ہو سکتا تھا۔
ایف ڈبلیو ایس کی ڈائریکٹر ٹرینا بج کا کہنا تھا، ''جنس کی تعریف کو اس کے عام معنی سے نہ جوڑنے کا مطلب یہ ہو سکتا ہے کہ عوامی بورڈز میں ممکنہ طور پر 50 فیصد مرد اور 50 فیصد ایسے مرد شامل ہوں، جن کے پاس خواتین ہونے کے سرٹیفکیٹ ہوں، اور اس طرح وہ قانونی طور پر خواتین کی نمائندگی کے اہل ہوں۔
‘‘یہ چیلنج 2022 میں ایک عدالت نے مسترد کر دیا تھا، لیکن پچھلے سال اس گروپ کو سپریم کورٹ میں مقدمہ لے جانے کی اجازت مل گئی۔ ایف ڈبلیو ایس کے وکیل ایڈن او نیل نے سپریم کورٹ کے تین مرد اور دو خواتین ججوں پر مشتمل بینچ سے کہا کہ مساوات ایکٹ کے تحت ''جنس‘‘ سے مراد حیاتیاتی جنس ہونی چاہیے، جیسا کہ ''عام، روزمرہ کی زبان‘‘ میں سمجھا جاتا ہے۔
اس وکیل کا مزید کہنا تھا، ''ہماری رائے میں انسان کی جنس مرد، عورت، لڑکا یا لڑکی پیدائش سے پہلے ہی ماں کے پیٹ میں طے ہو جاتی ہے اور یہ اس جسمانی حقیقت کا حصہ ہے، جو کبھی نہیں بدلتی۔‘‘
خواتین کے حقوق کی اس تنظیم کی حامیوں میں مشہور برطانوی مصنفہ جے کے رولنگ بھی شامل ہیں، جنہوں نے اس کی مدد کے لیے بڑی رقم عطیہ کی۔
رولنگ کا کہنا ہے کہ ٹرانس خواتین کے حقوق، پیدائشی خواتین کے حقوق پر اثر انداز نہیں ہونے چاہییں۔دوسری جانب ایمنسٹی انٹرنیشنل اور دیگر تنظیموں نے اس مؤقف کی مخالفت کی ہے۔ ان کا کہنا ہے کہ ٹرانس افراد کو تحفظ نہ دینا انسانی حقوق کی خلاف ورزی ہے۔ ایمنسٹی نے عدالت میں بتایا کہ اسے برطانیہ اور دنیا بھر میںٹرانس جینڈر افراد کےحقوق پر پڑنے والے منفی اثرات پر تشویش ہے۔
تنظیم نے اپنے ایک بیان میں کہا، ''ٹرانس خواتین کو خواتین کی مخصوص خدمات سے مکمل طور پر باہر نکال دینا کوئی مناسب یا جائز قدم نہیں ہے۔‘‘
شکور رحیم اے ایف پی، اے پی کے ساتھ
ادارات: افسر اعوان
.ذریعہ: UrduPoint
کلیدی لفظ: تلاش کیجئے خواتین کے حقوق اسکاٹ لینڈ کی تعریف میں کہا جنس کی
پڑھیں:
فرانس کی سپریم کورٹ نے بشار الاسد کے وارنٹ گرفتاری منسوخ کر دئیے
اپنے ریمارکس میں فرانسوی چیف جسٹس کا کہنا تھا کہ چونکہ بشار الاسد دسمبر 2024ء میں اپنے عہدے سے ہٹائے جانے کیبعد اب صدر نہیں رہے، اسلئے ممکن ہے کہ کسی نئے مقدمے میں ان کی گرفتاری کے احکامات جاری کیے جائیں یا کیے جا چکے ہوں۔ اسلام ٹائمز۔ آج فرانس کی سپریم کورٹ نے فیصلہ دیا کہ کسی بھی سربراہ مملکت کے صدارتی استثنیٰ کو ختم نہیں کیا جا سکتا۔ جس کے بعد پیرس کے تحقیقاتی ججوں کی جانب سے شام کے سابق صدر "بشار الاسد" کی گرفتاری کا جارہ کردہ حکم منسوخ ہو گیا۔ یاد رہے کہ فرانسوی حکام نے نومبر 2023ء میں بشار الاسد کی گرفتاری کا حکم جاری کیا تھا۔ مذکورہ عدالت نے بشار الاسد پر الزام عائد کیا تھا کہ انہوں نے 21 اگست 2013ء کو دمشق کے علاقے مشرقی غوطہ میں کیمیائی ہتھیار استعمال کئے۔ حالانکہ اس وقت کی شامی حکومت نے اس فرانسوی الزام کو مسترد کرتے ہوئے باغیوں کو واقعے کا قصوروار ٹھہرایا۔ فرانس کی عدالتی نظام نے اس کیس کی عالمی قانونی دائرہ اختیار (Universal Jurisdiction) کے تحت سماعت کی، جو سنگین جرائم کے خلاف کارروائی کی اجازت دیتا ہے، چاہے ان جرائم کا کہیں بھی ارتکاب کیا جائے۔ اس سلسلے میں فرانس کے چیف جسٹس "کرسٹوف سولارڈ" نے کھلی عدالت کے اجلاس کے اختتام پر اعلان کیا کہ چونکہ بشار الاسد دسمبر 2024ء میں اپنے عہدے سے ہٹائے جانے کے بعد اب صدر نہیں رہے، اس لئے ممکن ہے کہ کسی نئے مقدمے میں ان کی گرفتاری کے احکامات جاری کیے جائیں یا کیے جا چکے ہوں۔ لہٰذا ان کے خلاف قانونی تحقیقات جاری رہ سکتی ہیں۔
ٹرمپ لائبیریا کے صدر کی رواں انگریزی پر حیران رہ گئے