پاکستان اور ہنگری نے سفارتی پاسپورٹ رکھنے والوں کے لیے ویزا کی شرط کو باہمی طور پر ختم کرنے پر بھی اتفاق کرلیا
اشاعت کی تاریخ: 18th, April 2025 GMT
اسلام آباد(آئی این پی )پاکستان اور ہنگری کے درمیان ثقافت اور آثار قدیمہ کے شعبوں میں تعاون کے لیے دو مفاہمت کی یادداشتوں (ایم او یوز) پر دستخط کئے گئے ، سفارتی پاسپورٹ رکھنے والوں کے لیے ویزا کی شرط کو باہمی طور پر ختم کرنے پر بھی اتفاق کیا گیا۔
وزارت خارجہ کے مطابق ہنگری کے وزیر برائے امور خارجہ و تجارت پیٹر سیجارٹو نے اعلی سطح کے کاروباری وفد کے ہمراہ وزیر خارجہ اسحاق ڈار سے ملاقات کی، پیٹر سیجارٹو اسحاق ڈار کی دعوت پر پاکستان پہنچے ہیں۔اسلام آباد میں اسحاق ڈار کے ساتھ ایک مشترکہ پریس کانفرنس سے خطاب کرتے ہوئے پیٹر سیجارٹو نے کہا کہ ہمیں خوشی ہے کہ ہم نے سفارتی پاسپورٹ رکھنے والوں کے لیے ویزا کی شرط کے معاہدے پر دستخط کیے ہیں، یہ ہم نے اس لیے کیا ہے کیونکہ ہم اپنے تعلقات کو مزید مضبوط بنانا چاہتے ہیں۔
ریڈیو پاکستان کے مطابق دونوں ممالک نے سفارتی پاسپورٹ رکھنے والوں کے لیے باہمی طور پر ویزا چھوٹ پر اتفاق کیا، اس کے علاوہ ثقافت اور آثار قدیمہ کے شعبوں میں تعاون کے لیے دو مفاہمت کی یادداشتوں(ایم او یوز)پر بھی دستخط کئے گئے۔رپورٹ میں مزید کہا گیا کہ پاکستان اور ہنگری نے مختلف شعبوں میں اپنے تعاون کو بڑھانے اور کثیر الجہتی فورمز، بشمول اقوام متحدہ میں تعاون کو مضبوط بنانے پر اتفاق کیا۔رپورٹ کے مطابق پیٹر سیجارٹو نے دونوں ممالک کے درمیان تجارت میں دگنے اضافے پر اطمینان کا اظہار کیا، اور ہنگری کی کمپنیوں کی جانب سے پاکستان میں غذائی تحفظ اور آبی انتظام کے منصوبوں کی تکمیل کا بھی تذکرہ کیا۔انہوٓں نے کہا کہ ہم ہر سال پاکستانی طلبا کے لیے 400 اسکالرشپس بھی پیش کر رہے ہیں۔
پیٹر سیجارٹو نے ثقافت اور آثار قدیمہ کے شعبوں میں معاہدوں پر دستخط ہونے کا ذکر کرتے ہوئے کہا کہ پاکستان اور ہنگری کی تاریخ بڑی بھرپور ہے، انہوں نے کہا کہ دونوں ممالک نے آزادی اور خودمختاری کو یقینی بنانے کے لیے بڑی قربانیاں دی ہیں۔پاکستان کو ایک قابل اعتماد شراکت دار قرار دیتے ہوئے پیٹر سیجارٹو نے کہا کہ ہنگری 2027 کے بعد بھی(پاکستان کے) جی ایس پی پلس پروگرام میں توسیع کی حمایت کرتا ہے، اور میرے خیال میں اس میں دونوں ممالک کا باہمی مفاد ہے۔اپنی ملاقات کے بعد ایکس پر ایک پوسٹ میں ہنگری کے وزیر نے اسحق ڈار کامہمان نوازی پر شکریہ ادا کیا اور کہا کہ ہم پاکستان کے ساتھ سفارتی تعلقات کے 60 سال منا رہے ہیں۔
پریس کانفرنس سے خطاب کرتے ہوئے وزیرخارجہ اسحاق ڈار نے کہا کہ دونوں فریقین زراعت، توانائی، صحت کی دیکھ بھال، انفارمیشن ٹیکنالوجی اور صنعتی مینوفیکچرنگ جیسے شعبوں میں تعاون کرنے میں مشترکہ دلچسپی رکھتے ہیں۔ریڈیو پاکستان کے مطابق نائب وزیراعظم نے کہا کہ انہوں نے ہنگری کے وزیر خارجہ کو علاقائی امور، بشمول جموں و کشمیر کے تنازعہ پر پاکستان کے اصولی موقف سے آگاہ کیا، اور اقوام متحدہ کی سلامتی کونسل کی قراردادوں کے مطابق اس کے حل کی وکالت کی۔دہشت گردی اور افغان مہاجرین کے مسئلے پر بھی پیٹر سیجارٹو نے بات کی اور پاکستان کی انسداد دہشت گردی کی کوششوں کو بھی سراہا۔انہوں نے کہا کہ دونوں ممالک کو اپنے اپنے خطوں میں سنگین سلامتی چیلنجز کا سامنا رہا ہے۔
پیٹرسیجارٹو نے کہا کہ ابھی بھی افغانستان سے دہشت گردوں کے آنے کا بڑا خطرہ موجود ہے، اور دہشت گردی کے اس خطرے کے ساتھ یورپ کی طرف غیر قانونی ہجرت میں اضافے کا بھی خطرہ موجود ہے۔انہوں نے مزید زور دیتے ہوئے کہا کہ لہذا، ہنگری پاکستان کی طرف سے کی جانے والی کوششوں کی قدر کرتا ہے اور ان کی تعریف کرتا ہے۔تین سالہ روس-یوکرین جنگ کے بارے میں بات کرتے ہوئے ہنگری کے وزیر نے کہا کہ یہ دیکھ کر صدمہ ہوتا ہے کہ کچھ یورپی سیاست دان یوکرین میں امن مذاکرات کی کامیابی کو کمزور کرنے کی کوشش کر رہے ہیں۔انہوں نے یورپی ممالک پر زور دیا کہ وہ امریکی صدر ڈونلڈ ٹرمپ کی امن بحال کرنے کی امن کوششوں کو کمزور نہ کریں۔ہنگری کے وزیر نے کہا کہ دونوں فریقین بات چیت کی اہمیت پر یقین رکھتے ہیں اور یہ کہ باہمی احترام بین الاقوامی سیاست کی بنیاد ہونا چاہیے۔
9مئی ملزمان میں ملٹری ٹرائل کیلئے پک اینڈ چوز کیسے کیا گیا؟ جسٹس حسن اظہر رضوی کا خواجہ حارث سے استفسار
مزید :.ذریعہ: Daily Pakistan
پڑھیں:
شہر کو صاف رکھنے کا عزم،آئی سی سی نے شجرکاری مہم کا آغاز کر دیا
شہر کو صاف رکھنے کا عزم،آئی سی سی نے شجرکاری مہم کا آغاز کر دیا WhatsAppFacebookTwitter 0 22 July, 2025 سب نیوز
اسلام آباد :اسلام آباد سٹیزنز کمیٹی (آئی سی سی ) نے دارالحکومت میں شہریوں کو صاف، ستھرا اور آلودگی سے پاک ماحول فراہم کرنے کے لیے شجرکاری مہم کا آغاز کر دیا ہے، جس کا مقصد بہتر اور صحت مند طرزِ زندگی کو فروغ دینا ہے۔کمیٹی کے صدر سید ایم. صدیق حسن نے ایک بیان میں بتایا کہ شجرکاری مہم کا آغاز سیکٹر جی-2/ 10 کے سُکھ چین پارک سے کیا گیا۔ انہوں نے کہا کہ یہ مہم رواں ہفتے تک جاری رہے گی۔
انہوں نے بتایا کہ لگائے گئے پودے سگما موٹرز لمیٹڈ، اسلام آباد کے چیئرمین و سی ای او کرنل (ر) سید ظفر الدین احمد نے عطیہ کیے۔افتتاحی تقریب میں سگما موٹرز کے سربراہ، آئی سی سی کے صدر، نائب صدر، جنرل سیکریٹری اور ایگزیکٹو کمیٹی کے اراکین نے شرکت کی۔ تمام شرکاء نے اپنے ہاتھوں سے ایک ایک پودا لگایا، جس کے بعد پارک کے مالیوں نے مزید شجرکاری کی۔پارک کی دیکھ بھال کرنے والے ندیم، جو پارک کی “روحِ رواں” قرار دیے گئے، نے ذاتی نگرانی میں شجرکاری کے تمام انتظامات مکمل کیے۔تقریب سادہ مگر پُراثر تھی،
جس کے اختتام پر آئی سی سی کے جنرل سیکریٹری ایم. اشرف ملک نے شرکاء کے اعزاز میں اپنی رہائش گاہ پر پرتکلف چائے کا اہتمام کیا۔اختتامی کلمات میں صدر آئی سی سی نے تمام شرکاء کا شکریہ ادا کیا، خصوصاً کرنل (ر) ظفر، ندیم اور اشرف ملک کی خدمات کو سراہا۔صدر آئی سی سی نے مزید کہا کہ ان شاء اللہ، شجرکاری مہم کا دائرہ وسیع کیا جائے گا اور آئندہ مرحلے میں اسلام آباد کے ماڈل اسکولوں میں پودے لگائے جائیں گے۔آئی سی سی کی شجرکاری مہم کی ذیلی کمیٹی آئندہ لائحہ عمل پر غور کے لیے 23 جولائی کو ہونے والے ایگزیکٹو کمیٹی اجلاس میں تجاویز پیش کرے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنومئی کیس: اپوزیشن لیڈر پنجاب اسمبلی سمیت 70 ملزمان کو 10، 10 سال قید کی سزا اگلی خبرپارلیمنٹ ہاوس کی چھتیں ٹپکنے لگیں، تارکول بھی کام نہ آیا، انتظامیہ کی بالٹیوں سے پانی روکنے کی کوشش سکردو میں پاک فوج کا بروقت ریسکیو آپریشن، تمام سیاح اور مقامی افراد بحفاظت نکال لیے گئے پارلیمنٹ ہاوس کی چھتیں ٹپکنے لگیں، تارکول بھی کام نہ آیا، انتظامیہ کی بالٹیوں سے پانی روکنے کی کوشش نومئی کیس: اپوزیشن لیڈر پنجاب اسمبلی سمیت 70 ملزمان کو 10، 10 سال قید کی سزا وفاقی دارالحکومت میں نمبر پلیٹس کا نیا ضابطہ، خلاف ورزی پر گاڑیاں بند کرنے کا حکم مولانا طارق جمیل کی عمران خان سے متعلق وائرل ویڈیو کی حقیقت سامنے آگئی پی ٹی آئی نے 5 اگست کو مینار پاکستان پر جلسے کیلئے انتظامیہ سے اجازت مانگ لیCopyright © 2025, All Rights Reserved
رابطہ کریں ہمارے بارے ہماری ٹیم
ملک بھر میں ووٹر کی تعداد کتنی ہوگئی؟ رپورٹ سامنے آگئی