آسٹریلوی پریزنٹر ایرن ہالینڈ نے کھائی کراچی کی نلی بریانی، ذائقے سے متعلق کیا کہا؟
اشاعت کی تاریخ: 22nd, April 2025 GMT
آسٹریلیا سے تعلق رکھنے والی مشہور اسپورٹس پریزنٹر جو اکثر پاکستانی ثقافت کو سراہتی ہوئی نظر آتی ہیں کراچی کی مشہور نلی بریانی کی تعریف کرنے پر مجبور ہو گئیں۔
پاکستان سپرلیگ (پی ایس ایل) 2025 کے دسویں ایڈیشن میں کمنٹری پینل میں شامل ایرن ہالینڈ نے ساتھی میزبان سے پوچھا کہ انہیں پاکستان میں کیا چیز ٹرائی کرنی چاہیے جس پر انہوں نے کہا کہ آپ کو نلی بریانی ضرور ٹرائی کرنی چاہیے۔
آسٹریلوی پریزنٹر کراچی کی مشہور نلی بریانی کھانے لیاقت آباد پہنچیں تو انہیں وہاں دیکھ کر لوگوں کی بڑی تعداد بھی جمع ہو گئی جو ان کے ساتھ تصاویر اور ویڈیوز بناتی دکھائی دی۔
ایرن ہالینڈ نے دکانداروں سے پوچھا کہ وہ بریانی کیسے بناتے ہیں جس پر انہوں نے بتایا کہ اس میں گھی یا تیل کا استعمال نہیں کیا جاتا بلکہ یہ نلی اور گوشت کی یخنی سے تیار کی جاتی ہے۔ انہوں نے سوال کیا کہ کیا یہ بہت مرچ مصالحوں والی بریانی ہے جس پر دکاندار کا کہنا تھا کہ نہیں اس میں نارمل مصالحے استعمال کیے جاتے ہیں
ایرن ہالینڈ نے فوٹو اینڈ ویڈیو شیئرنگ ایپ پر ویڈیو بھی شیئر کی اور نلی بریانی کے ذائقے کو انتہائی لذیذ قرار دیا۔
View this post on Instagram
A post shared by ERIN HOLLAND (@erinvholland)
ایرن ہالینڈ کو پاکستان میں گھومنا پسند ہے۔ انہوں نے اس سے قبل تاریخی شہر ملتان میں حضرت شاہ رکن عالم کے مزار پر حاضری دی تھی اور اپنی کچھ تصاویر شیئر کی تھیں۔
واضح رہے کہ ایرن ہالینڈ ماڈلنگ بھی کر چکی ہیں۔ وہ 2013 میں مس ورلڈ آسٹریلیا کا ٹائٹل اپنے نام کرچکی ہیں۔
ایرن نے پی ایس ایل سیزن 4، 5، 7، 8 اور 9 کے میچز بھی کور کیے ہیں۔ ان کا منفرد انداز پاکستانیوں کو خوب پسند ہے اور وہ وقتاً فوقتاً پاکستان سے اپنی محبت کا اظہار کرتی رہتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایرن ہالینڈ پی ایس ایل کراچی کھانے نلی بریانی.ذریعہ: WE News
کلیدی لفظ: ایرن ہالینڈ پی ایس ایل کراچی کھانے نلی بریانی ایرن ہالینڈ نے نلی بریانی انہوں نے
پڑھیں:
ڈیرہ اسماعیل خان: کار کھائی میں گرنے سے 4 افراد جاں بحق، 2 زخمی
ویب ڈیسک:ڈیرہ اسماعیل خان کی تحصیل درازندہ میں افسوسناک حادثہ، بے قابو کار کھائی میں گرنے سے 4 افراد جاں بحق جبکہ 2 زخمی ہو گئے۔
ریسکیو حکام کے مطابق جاں بحق افراد میں دو سگے بھائی اور ایک 7 سالہ بچہ شامل ہیں۔ زخمیوں کو فوری طور پر درازندہ ہسپتال منتقل کر دیا گیا۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور امدادی کارروائیاں انجام دیں۔
عید پر صفائی کے مؤثر انتظامات: والٹن کنٹونمنٹ بورڈ کی بروقت کارروائی
نواز شریف میڈیکل چیک اپ کے لیے لندن روانہ