سلمان خان سے بریک اپ نے ایشوریا رائے کو کئی سپر ہٹ فلموں سے محروم کردیا
اشاعت کی تاریخ: 27th, April 2025 GMT
بالی ووڈ اسٹار سلمان خان اور مس ورلڈ ایشوریا رائے کے تعلقات ہمیشہ خبروں کی زینت بنتے رہے ہیں لیکن ایشوریا رائے کو سلمان سے بریک اپ کی بہت بڑی قیمت چکانا پڑی۔
جب 2003 میں شاہ رخ خان اور رانی مکھرجی کی فلم ’چلتے چلتے‘ سینما گھروں کی زینت بنی، تو ہر طرف اس جوڑی کے چرچے تھے۔ فلم نے نہ صرف باکس آفس پر کامیابی کے جھنڈے گاڑے بلکہ اس کے نغمے بھی زبان زدِ عام ہوگئے۔ ناظرین نے خاص طور پر رانی مکھرجی کی اداکاری کو بے حد سراہا۔ مگر اس کردار کے لیے رانی مکھرجی پہلا انتخاب نہیں تھیں۔
ابتدا میں یہ رول بالی ووڈ کی حسینہ ایشوریا رائے کو دیا گیا تھا۔ ایشوریا نے تو ایک دن کے لیے فلم کی شوٹنگ بھی مکمل کرلی تھی۔ لیکن پھر قسمت نے ایسا پلٹا کھایا کہ کاسٹ ہی بدل دی گئی۔
حال ہی میں ہدایتکار عزیز مرزا نے ایک انٹرویو میں اس راز سے پردہ اٹھایا۔ انہوں نے بتایا کہ فلم کا آغاز ایشوریا کے ساتھ ہوا تھا، اور اس کی پہلی جھلک ایک گانے کی شوٹنگ سے ہوئی، وہی گانا جس میں ٹرک پر ’پریم نگریا‘ لکھا ہوا نظر آتا ہے۔ مگر محض ایک دن کی شوٹنگ کے بعد سب کچھ بدل گیا۔ وجوہات کچھ ایسی بنیں کہ ایشوریا کی جگہ رانی مکھرجی کو فلم میں شامل کرلیا گیا۔
عزیز مرزا نے رانی کی کارکردگی کی کھل کر تعریف کرتے ہوئے کہا کہ انہوں نے پریا چوپڑا کا کردار دل سے نبھایا اور ناظرین کے دلوں پر راج کیا۔ لیکن سوال یہ ہے کہ آخر ایشوریا کو فلم سے نکالا کیوں گیا؟
عزیز مرزا نے اگرچہ اس پر کھل کر کچھ نہ کہا، مگر انڈسٹری میں گردش کرنے والی خبروں کے مطابق ایشوریا اور سلمان خان کے ذاتی تعلقات میں چلنے والے تنازعات نے اس تبدیلی میں بڑا کردار ادا کیا۔
خود ایشوریا نے بھی ایک مشہور شو ’’رینڈے وُز ود سمی گریوال‘‘ میں یہ اعتراف کیا تھا کہ انہیں ایک کے بعد ایک فلم سے نکالا جا رہا تھا، مگر انہیں کبھی بھی کھل کر اس کی وجہ نہیں بتائی گئی۔ ان کا درد لفظوں میں چھلک آیا تھا کہ یہ سب کچھ ان کے لیے کتنا تکلیف دہ تھا۔
اگرچہ ’’چلتے چلتے‘‘ میں ایشوریا کا سفر ادھورا رہا، لیکن شاہ رخ خان کے ساتھ ان کی جوڑی بعد میں سنجے لیلا بھنسالی کی شاہکار فلم ’’دیوداس‘‘ میں جلوہ گر ہوئی، جہاں ان دونوں نے تاریخ رقم کی۔ ناظرین کو یہ جوڑی آخری مرتبہ 2016 میں کرن جوہر کی فلم ’’اے دل ہے مشکل‘‘ میں ایک مختصر مگر یادگار کردار میں دکھائی دی۔
ایشوریا رائے بچن آج بھی اپنی چمک دمک برقرار رکھے ہوئے ہیں۔ حال ہی میں وہ منی رتنم کی فلم ’پونئین سلون: 2‘ میں اپنی شاندار اداکاری کے جوہر دکھا چکی ہیں، اور ایک بار پھر ثابت کردیا ہے کہ وقت گزرنے کے باوجود ان کی مقبولیت میں کوئی کمی نہیں آئی۔
.ذریعہ: Express News
کلیدی لفظ: ایشوریا رائے رانی مکھرجی
پڑھیں:
دو سالہ امریکی بچی کو ہنڈراس بے دخل کردیا گیا، امریکی جج
LOUISIANA:امریکی ریاست لوسیانا کے وفاقی جج نے کہا کہ حکومت نے دو سالہ امریکی شہری بچی کو ماں کے ساتھ ہنڈراس بے دخل کردیا جبکہ صدر ڈونلڈ ٹرمپ کی انتظامیہ کا اصرار ہے کہ بچی والدہ نے انہیں ساتھ بھیجنے کا مطالبہ کیا تھا۔
خبرایجنسی اے ایف پی کی رپورٹ کے مطابق امریکی شہری دو سالہ بچی کو بے دخل کرنے کا مقدمہ صدر ڈونلڈ ٹرمپ کی سخت گیر امیگریشن پالیسیوں اور امریکی عدلیہ کے درمیان جاری کش مکش کی تازہ ترین مثال ہے کیونکہ انتظامیہ امریکا سے غیر دستاویزی تارکین وطن کی بڑے پیمانے پر ملک بدری کے لیے کوشاں ہے۔
وفاقی ضلعی جج ٹیری ڈوٹی نے مقدمے کی سماعت کے لیے 16 مئی کی تاریخ مقرر کی ہے تاکہ عدالت کے حکم کے مطابق ان شکوک کو دور کیا جا سکے کہ حکومت نے کسی امریکی شہری کو بغیر مناسب قانونی کارروائی کے ملک بدر کر دیا ہے۔
جج ڈوٹی نے فیصلے میں لکھا کہ حکومت کا مؤقف ہے کہ یہ سب اس لیے درست ہے کیونکہ والدہ چاہتی تھیں کہ ان کی بچی بھی ان کے ساتھ چلی جائے لیکن عدالت کو اس بات کا علم نہیں ہے۔
انہوں نے یاد دلایا کہ کسی امریکی شہری کو ملک بدر کرنا غیر قانونی ہے جبکہ بچی کی شناخت صرف ابتدائی حروف وی ایم ایل سے ظاہر کی گئی ہے۔
ملک بدر ہونے والی بچی کے والد کے وکلا نے فوری عبوری حکم کے لیے درخواست دائر کی ہے، تاکہ بچی کی واپسی ممکن بنائی جا سکے۔
خیال رہے کہ ٹرمپ انتظامیہ کا وفاقی ججوں، انسانی حقوق کی تنظیموں اور ڈیموکریٹس سے کئی مواقع پر تصادم ہوا ہے کیونکہ ان کا مؤقف ہے کہ صدر نے تارکین وطن کو ملک بدر کرنے میں آئینی حقوق کو پامال کیا یا نظر انداز کیا اور مختلف کیسز میں متاثرین کو سماعت کا موقع بھی نہیں دیا گیا۔
اسی طرح امریکی حکومت کے ایجنٹوں نے وسکونسن میں ایک جج اس الزام پر گرفتار کیا کہ انہوں نے ایک غیر دستاویزی تارک وطن کو تحفظ دیا ہے۔
وائٹ ہاؤس نے سپریم کورٹ کے اس فیصلے کو بھی نظر انداز کر دیا ہے جس میں انتظامیہ کو ہدایت دی گئی تھی کہ وہ میری لینڈ کے رہائشی کلمار آبریگو گارشیا کی واپسی کو ممکن بنائے، جسے ایل سلواڈور کی ایک ہائی سیکیورٹی جیل میں ملک بدر کر دیا گیا تھا۔
راولپنڈی سے گرفتار ہونیوالی عالیہ حمزہ اب کہاں اورکس حال میںہیں؟