تیزی سے بڑھتی آبادی ملکی وسائل اور ترقی پر بوجھ ہے: چیئرمین سینیٹ
اشاعت کی تاریخ: 11th, July 2025 GMT
چیئرمین سینیٹ سید یوسف رضا گیلانی نے کہا ہے کہ تیزی سے بڑھتی آبادی ملکی وسائل اور ترقی پر بوجھ ہے،قومی سطح پر مشترکہ حکمتِ عملی کی اشد ضرورت ہے۔چیئرمین سینیٹ نے عالمی یومِ آبادی پر خصوصی پیغام میں کہا کہ 11 جولائی دنیا بھر میں عالمی یومِ آبادی کے طور پر منایا جاتا ہے،تیزی سے بڑھتی آبادی ملکی وسائل اور ترقی پر بوجھ ہے،آبادی میں توازن کے بغیر پائیدار ترقی ممکن نہیں ،آئندہ نسلوں کو بنیادی سہولیات کی فراہمی مشکل ہو سکتی ہے،غربت، بے روزگاری اور ماحولیاتی مسائل آبادی کے دبا سے جڑے ہیں،قومی سطح پر مشترکہ حکمتِ عملی کی اشد ضرورت ہے ،پارلیمان آبادی کے مسئلے کے حل کے لیے قانون سازی میں موثر کردار ادا کرے گا۔سید یوسف رضا گیلانی نے کہا کہ مذہبی رہنما، حکومت، میڈیا اور سول سوسائٹی ایک صفحے پر آئیں۔
.ذریعہ: Nawaiwaqt
پڑھیں:
چیئرمین سینیٹ یوسف رضا گیلانی ٹی ڈاپ کیس کے 9 مزید مقدمات سے بری
کراچی میں وفاقی اینٹی کرپشن عدالت نے بدھ کو ٹریڈ ڈیولپمنٹ اتھارٹی پاکستان (ٹی ڈاپ) میگا کرپشن کیس میں چیئرمین سینیٹ یوسف رضا گیلانی کو 9 مقدمات میں بری کردیا، یہ فیصلہ گیلانی کی جانب سے دائر بریت کی درخواستوں پر سنایا گیا۔
عدالت کی جانب سے سنائے گئے فیصلے میں کہا گیا کہ یوسف رضا گیلانی کے خلاف دائر ان 9 مقدمات میں استغاثہ کی جانب سے خاطر خواہ شواہد پیش نہیں کیے گئے، جس کے بعد انہیں بری کرنے کا فیصلہ کیا گیا۔ گیلانی اس سے قبل اسی مقدمے سے جڑے 3 دیگر کیسز میں بھی بری ہو چکے ہیں۔
ایف آئی اے نے ٹی ڈاپ میگا کرپشن کیس کے سلسلے میں مجموعی طور پر 26 مقدمات درج کیے تھے، ان کیسز کی تحقیقات 2009 میں شروع ہوئی تھیں، جبکہ مقدمات کا باقاعدہ اندراج 2013 میں کیا گیا، یوسف رضا گیلانی کو 2015 میں حتمی چالان میں بطور ملزم نامزد کیا گیا تھا۔
یہ بھی پڑھیں:
ان مقدمات میں الزام تھا کہ بوگس کمپنیوں کے ذریعے فریٹ سبسڈی کی مد میں 7 ارب روپے کی کرپشن کی گئی، جس میں یوسف رضا گیلانی سمیت متعدد افراد کو ملزم ٹھہرایا گیا۔
عدالت کے باہر صحافیوں سے گفتگو کرتے ہوئے یوسف رضا گیلانی کے وکیل سینیٹر فاروق ایچ نائیک نے بتایا کہ ان کے موکل کے خلاف 2013-14 میں 26 مقدمات قائم کیے گئے جن میں تمام الزامات کی نوعیت ایک جیسی تھی۔
فاروق ایچ نائیک کے مطابق یوسف رضا گیلانی پر الزام ہے کہ انہوں نے 50 لاکھ روپے وصول کیے، وہ بھی براہ راست نہیں بلکہ زبیر نامی شخص کے ذریعے، لیکن نہ کسی گواہ نے یہ کہا کہ پیسہ گیلانی نے لیا اور نہ کوئی ٹھوس ثبوت پیش کیا گیا۔
مزید پڑھیں:
فاروق ایچ نائیک کے مطابق عدالت پہلے ہی 3 مقدمات میں گیلانی کو بری کر چکی ہے اور اب مزید 9 مقدمات میں بھی ان کی بریت ہوگئی ہے, انہوں نے کہا کہ باقی ماندہ 14 مقدمات میں بھی گواہان کی عدم حاضری کے باعث ٹرائل رُکا ہوا ہے۔
“ان مقدمات میں گواہان پیش نہیں ہو رہے، جبکہ ملزمان عدالتوں میں موجود ہوتے ہیں، ہائیکورٹ میں ان مقدمات کے ریکارڈ کی موجودگی کے باعث ٹرائل تعطل کا شکار ہے، ہماری استدعا ہے کہ یا تو اپیل پر جلد فیصلہ کیا جائے یا ریکارڈ واپس بھیج دیا جائے تاکہ سستا اور فوری انصاف ممکن ہو۔‘
وفاقی اینٹی کرپشن عدالت کے فیصلے کے بعد چیئرمین سینیٹ یوسف رضا گیلانی کو اب تک ٹی ڈاپ کرپشن کیس سے جڑے مجموعی طور پر 12 مقدمات میں بریت حاصل ہو چکی ہے، جب کہ باقی مقدمات پر عدالتی کارروائی مؤخر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان میں مائیکروسافٹ کا دفتر بند: کیا ملکی ڈیجیٹل معیشت کو نقصان ہو سکتا ہے؟