کراچی میں ای چالان نظام نافذ: سڑکیں ٹوٹی پھوٹی، ٹریفک قوانین یورپ والے، عوام بھڑک اٹھے
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (رپورٹ:منیر عقیل انصاری) شہرقائد میں28 اکتوبر سے ای چالان سسٹم نے اپنا کام شروع کردیا، کراچی کی ان خوبصورت ترین سڑک پر اب ای چالان ہوگا وہ بھی 15000 سے 20,000 روپے کا،سڑکیں ٹوٹی پھوٹی، چالان یورپ والے کراچی میں ای چالان پر عوام کا ردعمل سامنے آگیاہے۔ ای چالان کا یہ نظام صرف ریڈ زون سے گزرنے والوں کو ہی پکڑ سکے گا۔
شہر قائد کی ٹوٹی پھوٹی سڑکوں پر ٹریفک قوانین کی خلاف ورزیوں سے نمٹنے کے لیے پاکستان پیپلز پارٹی کی سندھ حکومت نے ای چالان جاری کرنے شروع کردیے ہیں۔
حیران کن بات یہ ہے کہ سسٹم فعال ہونے کے ابتدائی چھ گھنٹوں میں ہیں شہریوں کو سوا کروڑ روپے کے چالان بھیج دیے گئے ہیں، جس پر شہریوں نے غم و غصے کا اظہار کیا ہے۔ جہاں کچھ شہری اس نظام کو جدید، شفاف اور وقت بچانے والا کہہ رہے ہیں، وہیں کچھ اسے سندھ حکومت کا نیا ریونیو پلان قرار دے رہے ہیں۔سوشل میڈیا صارف ناصر منصور کے مطابق یہ شہریوں کی سہولت کے لیے شاندار اقدام ہے۔
زہیر حیدر نے طنزیہ لکھا کہ کراچی کی اس خوبصورت ترین حسین ترین ڈیویلپ ترین سڑک پر اب چالان ہوگا وہ بھی 15000 سے 20,000 روپے کا۔
صحافی عاطف حسین نے لکھا ہے کہ ای چالان کے لیے سیف سٹی کا جو انفراسٹرکچر درکار ہے وہ اب تک صرف ریڈ زون کے علاقوں میں ہی نصب کیا گیا ہے۔ یوں ای چالان کا یہ نظام صرف ریڈ زون سے گزرنے والوں کو ہی پکڑ سکے گا۔ دوئم ٹریفک پولیس کے جتنے افسران سے بات ہوئی وہ اس نظام کے بارے میں کچھ جانتے ہی نہیں۔
جبکہ دانش قریشی کا کہنا ہے واہ، یہ ہوئی نہ ترقی! اب سندھ حکومت کو عوام سے پیسے لینے کا باقاعدہ سرکاری لائسنس مل گیا ہے۔
سوشل میڈیا پر مزاح بھی اپنے عروج پر ہے۔ صارف س±کھ چینی نے کہا: ای چالان سسٹم! اللّٰہ کے بعد اب کراچی والوں کے محافظ ہیکرز ہیں۔ ڈیٹا ہی غائب ہو جائے گا۔ ہمیں تو چالان ملے گا ہی نہیں کیونکہ ہماری کاواساکی تو آج بھی مرحوم نور دین کاٹھیاواڑی کے نام ہے!
ایک اور شہری حاجی عابد نے گلہ کیا: سڑکیں ٹوٹی پھوٹی ہیں، مگر چالان یورپ والے لگاتے ہیں۔ یہ سراسر ظلم ہے۔البتہ محمد شہزاد نے حقیقت پسندانہ تبصرہ کرتے ہوئے لکھا کہ کراچی کے نوجوان مر رہے ہیں کیونکہ ہم ٹریفک قوانین کو مذاق سمجھتے ہیں۔ چالان کی رقم اتنی ہونی چاہیے کہ مجرم کے پسینے چھوٹ جائیں۔ کم از کم اب کیمرے کو رشوت نہیں دی جا سکتی۔
کراچی کی ٹوٹی پھوٹی سڑکوں، تباہ حال انفرا اسٹرکچر اور ترقیاتی منصوبوں میں تاخیر نے شہریوں کی زندگی اجیرن کر دی، فضائی آلودگی کے سبب مختلف امراض میں تشویش ناک اضافہ ہو گیا ہے۔
سڑک کے نام پر صرف کھڈے اور گڑھے، بڑی شاہراہیں ہوں، یا اندرونی گلیاں ہر جگہ تباہی ہی تباہی، گڑھوں اور بے ہنگم پتھروں پر گاڑیاں ایسے ہچکولے کھاتی ہیں، جیسے رولر کوسٹر پر سفر ہو رہا ہو۔شہر میں جاری کبھی نہ مکمل ہونے والے ترقیاتی کاموں میں مسلسل تاخیر اور سڑکیں نہ بنے سے دھول، مٹی، گرد و غبار سفر کرنے والوں کا مقدر بن چکا ہے،
بڑھتی فضائی آلودگی میں سانس لینا محال جب کہ شہری مختلف امراض میں مبتلا ہو رہے ہیں۔جھٹکوں کی وجہ سے کمر دکھنا معمول بن چکا ہے،پہاڑ جیسے کٹیلے راستوں پر چل کر مہنگی گاڑیاں بھی خراب ہوتی جا رہی ہیں۔
شہری کہتے ہیں محکمہ بلدیات اور اس کے ماتحت اداروں کی نااہلی کے باعث شہر کھڈوں کا قبرستان بن چکا ہے، اور حکمرانوں کو عوام کی حالت زار سے کوئی دل چسپی نہیں ہے۔
واضح رہے کہ ٹریفک پولیس کی رپورٹ کے مطابق، ای چالان سسٹم کے آغاز کے چند گھنٹے بعد ہی شہریوں پر 2 ہزار 662 چالان کی بجلیاں گر ائی گئیں۔ ان میں سب سے زیادہ 1535 چالان سیٹ بیلٹ نہ باندھنے پر ہوئے۔
اسی طرح اوور اسپیڈنگ کے 419، ہیلمٹ کے بغیر موٹر سائیکل چلانے کے 507، ریڈ لائٹ توڑنے کے 166 اور لین توڑنے کے صرف 3 چالان ہوئے۔ٹریفک پولیس کے مطابق، رانگ وے پر گاڑی چلانے والوں کے 4، کالے شیشوں کے 7، موبائل فون کے استعمال کے 32، اور غلط پارکنگ کے 5 چالان کیے گئے۔
رپورٹ کے مطابق، غلط سمت چلنے والے 3 حضرات کو بھی یادگار ای میل موصول ہوئی۔وزیر داخلہ سندھ ضیاءالحسن لنجار نے وضاحت کی ہے کہ اگر کسی شہری کو لگے کہ چالان غلط ہوا ہے تو وہ اپیلٹ اتھارٹی سے رجوع کر سکتا ہے۔
وزیر داخلہ کا کہنا تھا کہ اب شہریوں کو تھانوں کے چکر نہیں لگانے پڑیں گے۔کراچی میں ای چالان سسٹم کا آغاز بلاشبہ جدید دور کا قدم ہے، مگر عوام کاکہنا ہے کہ ”پہلے سڑکیں ٹھیک کروا دو، پھر کیمرے لگاو۔
ذریعہ: Jasarat News
کلیدی لفظ: چالان سسٹم ٹوٹی پھوٹی کے مطابق رہے ہیں
پڑھیں:
وزیراعلیٰ سندھ نے کراچی میں ٹریفک خلاف ورزیوں پر ای چالان سسٹم کا افتتاح کردیا
data-id="863a0a8" data-element_type="widget" data-widget_type="theme-post-content.default">
کراچی: وزیراعلیٰ سندھ سید مراد علی شاہ نے شہر میں ٹریفک قوانین کی خلاف ورزیوں کی روک تھام اور ٹریفک نظام میں شفافیت لانے کے لیے جدید ای چالان سسٹم کا باضابطہ افتتاح کر دیا۔ اس موقع پر منعقدہ تقریب سے خطاب کرتے ہوئے وزیراعلیٰ نے کہا کہ کراچی جیسے بڑے شہر میں ٹریفک نظم و ضبط کا قیام وقت کی اہم ضرورت ہے، کیونکہ رکشے، موٹر سائیکلیں اور گاڑیاں سب ہی کسی نہ کسی طرح قانون شکنی میں ملوث ہیں۔
مراد علی شاہ نے کہا کہ شہری نظم و ضبط قائم کرنے کے لیے جدید ٹیکنالوجی کا استعمال ناگزیر ہے، اور ای چالان سسٹم اسی سلسلے کی ایک اہم کڑی ہے۔ ان کے مطابق اب ٹریفک قوانین کی خلاف ورزیاں خودکار کیمروں کے ذریعے ریکارڈ کی جائیں گی، جس سے انسانی مداخلت اور جانبداری کے امکانات ختم ہو جائیں گے۔ انہوں نے بتایا کہ اس منصوبے کے تحت شہر میں جدید نگرانی کے 12 ہزار کیمرے نصب کیے جائیں گے، جنہیں مرحلہ وار پورے سندھ میں وسعت دی جائے گی۔
وزیراعلیٰ نے کہا کہ شہری اگر کسی ای چالان پر وضاحت یا اعتراض کرنا چاہیں تو وہ قریبی ٹریک سینٹر سے رجوع کر سکتے ہیں، جہاں عوامی سہولت کے لیے ہیلپ ڈیسک قائم کیے گئے ہیں۔ ان کا کہنا تھا کہ ٹریک سسٹم سندھ حکومت کا ڈیجیٹل شفافیت کی جانب ایک بڑا قدم ہے، جو شہریوں کی خدمت اور ان کے تحفظ کو یقینی بنائے گا۔
مراد علی شاہ نے مزید ہدایت کی کہ سڑکوں پر واضح سائن بورڈز لگائے جائیں تاکہ عوام کو قوانین سے مکمل آگاہی ہو۔ انہوں نے کہا کہ چالان کی رقم سے حاصل ہونے والے 15 فیصد کو عوامی فلاحی منصوبوں پر خرچ کیا جائے، جبکہ غلط یا ناجائز چالان کرنے والوں سے 30 فیصد جرمانہ وصول کرنے کی تجویز پر بھی غور کیا جائے گا۔
مریم نواز کا لندن ہائیکورٹ میں مقدمہ جیتنے پر چینل نے معافی مانگ لی