حیدرآباد میں بھی ای چالان نظام شروع کرنے کا فیصلہ
اشاعت کی تاریخ: 10th, December 2025 GMT
کراچی کے بعد اب حیدرآباد میں بھی ای چالان سسٹم نافذ کرنے کا فیصلہ کر لیا گیا۔
یہ بھی پڑھیں: آئی جی سندھ کی زیر صدارت اجلاس، فیس لیس ای چالان کے نفاذ سے متعلق اہم فیصلے
اس سلسلے میں ڈی آئی جی حیدرآباد اور کمشنر حیدرآباد نے مشترکہ پریس کانفرنس میں تفصیلات سے آگاہ کیا۔
پریس کانفرنس میں کہا گیا کہ ای چالان سسٹم کا آغاز حیدرآباد ڈویژن کے 3 اضلاع میں کیا جائے گا تاکہ ٹریفک قوانین پر مؤثر عمل درآمد اور خلاف ورزیوں میں کمی لائی جا سکے۔
’اہم شاہراہوں پر 72 کیمرے نصب ہوں گے‘ڈی آئی جی طارق دھاریجو کے مطابق منصوبے کے پہلے مرحلے میں شہر کی اہم شاہراہوں پر 72 کیمرے نصب کیے جائیں گے۔
مزید پڑھیے: کراچی میں ای چالان کے بعد روبوٹ کارز ٹریفک کا انتظام سنبھالنے کے لیے میدان میں آگئیں
یہ کیمرے ٹریفک کی نگرانی اور خلاف ورزیوں کی خودکار نشاندہی کے لیے استعمال ہوں گے۔
نئے سگنلز کی بھی تنصیبانہوں نے بتایا کہ ای چالان کا نفاذ آٹوبھان روڈ، جامشورو روڈ، وادھو روڈ اور قاسم آباد سمیت مختلف علاقوں میں کیا جائے گا۔
اس کے علاوہ شہر کی 3 اہم شاہراہوں پر نئے ٹریفک سگنلز بھی لگائے جا رہے ہیں۔
کراچی میں ای چالانز کا حالیہ تجربہواضح رہے کہ گزشتہ ماہ کراچی میں جاری رپورٹ کے مطابق، شہر میں صرف ایک ماہ کے دوران 93 ہزار سے زائد ای چالان جاری کیے گئے تھے۔
مزید پڑھیں: کراچی: فائیو اسٹار ہوٹل کو 28 سال قبل چوری شدہ گاڑی پر ای چالان موصول
رپورٹ کے مطابق سب سے زیادہ خلاف ورزی سیٹ بیلٹ نہ باندھنے کی رہی جس پر 57 ہزار 541 ڈرائیوروں کے خلاف کارروائی کی گئی جبکہ مجموعی جرمانہ 57 کروڑ 54 لاکھ روپے عائد کیا گیا۔
موٹر سائیکل سواروں کی خلاف ورزیاں بھی نمایاں رہیں۔
22 ہزار 262 افراد ہیلمٹ کے بغیر پکڑے گئے، جن پر 11 کروڑ 11 لاکھ 35 ہزار روپے جرمانہ عائد کیا گیا۔
یہ بھی پڑھیے: کراچی میں ای چالان سے بچنے کے لیے نمبر پلیٹ چھپانے والوں کے لیے بُری خبر، پولیس نے اہم اعلان کردیا
حکام کے مطابق کراچی میں ای چالان سسٹم کے مثبت نتائج کو دیکھتے ہوئے اب حیدرآباد میں بھی یہ نظام نافذ کیا جا رہا ہے جس سے ٹریفک نظم و ضبط میں بہتری کی امید ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای چالان ای چالان نظام حیردآباد میں ای چالان سسٹم.ذریعہ: WE News
کلیدی لفظ: ای چالان ای چالان نظام حیردا باد میں ای چالان سسٹم کراچی میں ای چالان چالان سسٹم کے مطابق کے لیے
پڑھیں:
ٹریفک آرڈیننس پر عملدرآمد روکنے کی خبریں، مریم نواز خود بول پڑیں
وزیراعلیٰ پنجاب مریم نواز نے سوشل میڈیا پر ٹریفک آرڈیننس پر عمل درآمد روکنے کے حوالے سے افواہوں کی سختی سے تردید کی ہے اور واضح کیا ہے کہ قوانین کے نفاذ میں کوئی کمی نہیں آئے گی۔
اس سے قبل پنجاب کی سینیئر وزیر مریم اورنگزیب نے بھی کہا تھا کہ ٹریفک آرڈیننس پر عمل درآمد معطل کرنے کا کوئی حکم جاری نہیں ہوا اور قوانین کی خلاف ورزی کرنے والوں کے خلاف سخت کارروائی کی جائے گی۔
تاہم آج دن کے وقت پنجاب کے وزیر ٹرانسپورٹ بلال اکبر خان نے ہڑتالی ٹرانسپورٹرز کے ساتھ مذاکرات کے بعد ٹریفک آرڈیننس عارضی طور پر معطل کرنے اور جرمانوں سے استثنیٰ دینے کا اعلان کیا تھا۔
وزیر ٹرانسپورٹ کے اس بیان کے بعد چیئرمین متحدہ ٹرانسپورٹ ایکشن کمیٹی عصمت اللہ نیازی نے ہڑتال ختم کرنے کا اعلان کیا تھا، لیکن مریم اورنگزیب کے بیان پر انہوں نے کہاکہ اگر معاملے میں ابہام پیدا ہوا تو اس کا جائزہ لیا جائے گا۔
دوسری جانب مِنی مزدا ایسوسی ایشن پاکستان کے صدر شیرعلی نے اعلان کیا ہے کہ ٹریفک آرڈیننس کی معطلی کا سرکاری نوٹیفکیشن جاری ہونے تک ہڑتال جاری رہے گی۔
واضح رہے ٹریفک قوانین کی خلاف ورزی پر بھاری جرمانوں کے خلاف ٹرانسپورٹرز نے آج پہیہ جام ہڑتال کی، جس کے باعث عوام کو مشکلات کا سامنا کرنا پڑا، تاہم بعد ازاں حکومت سے مذاکرات کے بعد ہڑتال ختم کرنے کا اعلان کردیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹرانسپورٹرز ہڑتال ٹریفک آرڈیننس مریم نواز وزیراعلٰی پنجاب وی نیوز
حیدرآباد: ایڈووکیٹ رسول بخش وکلاء کے ہمراہ پریس کانفرنس کررہے ہیں