سعودی عرب کا غیر قانونی طور حجاج، سہولت کاروں کے لیے سزاؤں کا اعلان
اشاعت کی تاریخ: 28th, April 2025 GMT
سعودی عرب نے غیرقانونی طور پر حج کرنے والوں اور ان کے سہولتکاروں کے خلاف سزاؤں کا اعلان کردیا۔
یہ بھی پڑھیں: وزارت مذہبی امور نے عازمین کو جعلی حج پرمٹ سے ہوشیار کردیا
سعودی پریس اینجنسی کے مطابق سعودی وزارت داخلہ نے حج کے اجازت نامے کے لیے درکار ضوابط کی خلاف ورزی کرنے اور ان کے سہولتکاروں کے خلاف جرمانے عائد کرنے کا اعلان کیا ہے۔
وزارت داخلہ نے کہا ہے کہ سب سے پہلے ان افراد پر 20 ہزار ریال تک جرمانہ عائد کیا جائے گا جو بغیر اجازت کے حج کرتے ہوئے یا اس کی کوشش کرتے ہوئے پکڑے جائیں گے۔ یہی جرمانہ ہر قسم کے وزٹ ویزے کے حامل ان افراد پر بھی لاگو ہوگا جو مخصوص مدت کے دوران مکہ مکرمہ اور مقدس مقامات میں داخل ہونے یا قیام کرنے کی کوشش کریں گے۔
کسی ایسے فرد کے لیے وزٹ ویزا کے لیے درخواست دینے والے پر ایک لاکھ ریال تک کا جرمانہ عائد کیا جائے گا جس نے اجازت کے بغیر حج کیا ہو یا اس کی کوشش کی ہو، یا جو مخصوص مدت کے دوران مکہ شہر اور مقدس مقامات میں داخل ہو یا ٹھہرا ہو۔ یہی جرمانہ ہر اس شخص پر لاگو ہوگا جو وزٹ ویزا ہولڈرز کو مخصوص مدت کے دوران مکہ مکرمہ اور مقدس مقامات تک پہنچانے کی کوشش کرے گا۔
مزید پڑھیے: روڈ ٹو مکہ پروگرام: سعودی امیگریشن ٹیم کراچی پہنچ گئی
مزید براں یہ جرمانہ ان لوگوں پر بھی لاگو ہو گا جو وزٹ ویزا ہولڈرز کو ہوٹل، اپارٹمنٹس، پرائیویٹ ہاؤسنگ، شیلٹرز، یا عازمین حج کی رہائش گاہوں سمیت کسی بھی رہائش میں پناہ دیں گے یا اس کی کوشش بھی کریں گے۔
اس میں ان کی موجودگی کو چھپانا یا مدد فراہم کرنا شامل ہے جو ان کے قیام کو قابل بناتا ہے۔
حج کی کوشش کرنے والے غیر قانونی درانداز، خواہ وہ رہائشی ہوں یا زائد قیام پذیر ہوں، انہیں ان کے ممالک میں جلاوطن کر دیا جائے گا اور 10 سال تک مملکت میں داخلے پر پابندی عائد کر دی جائے گی۔
مزید پڑھیں: وزارت مذہبی امور نے عازمین کو جعلی حج پرمٹ سے ہوشیار کردیا
علاوہ ازیں متعلقہ عدالت سے درخواست کی جائے گی کہ وہ وزٹ ویزا رکھنے والوں کو مکہ مکرمہ شہر اور مقدس مقامات تک پہنچانے کے لیے استعمال ہونے والی زمینی گاڑیاں، اگر وہ ٹرانسپورٹر، سہولت کار، یا کسی ساتھی کی ملکیت میں ہوں، ضبط کرلے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب غیر قانونی حج غیر قانونی عازمین حج.ذریعہ: WE News
کلیدی لفظ: اور مقدس مقامات وزٹ ویزا کی کوشش کے لیے
پڑھیں:
اسلامی جمعیت طلبہ کاملک گیر فریشر ز ویلکم مہم کا اعلان
data-id="863a0a8" data-element_type="widget" data-widget_type="theme-post-content.default">
250917-01-8
لاہور(صباح نیوز)اسلامی جمعیت طلبہ پاکستان نے ملک بھر میںفریشر ز ویلکم مہم کا اعلان کر دیا ہے۔ ناظم اعلیٰ حسن بلال ہاشمی نے کہا ہے کہ نئے طلبہ قوم کا سرمایہ ہیں، ان کی رہنمائی اور تعاون جمعیت کی اولین ترجیح ہے جبکہ نئے طلبہ پر تشدد کے حالیہ واقعات کی سخت ترین مذمت کرتے ہیں۔انہوں نے اپنے بیان میں کہا کہ فریشرز ویلکم مہم کے تحت ملک بھر کی جامعات اور کالجز میں نئے آنے والے طلبہ کو خوش آمدید کہا جائے گا، ان کی حوصلہ افزائی کی جائے گی اور انہیں داخلوں و ہاسٹلز کے مسائل میں ہر ممکن سہولت فراہم کی جائے گی۔ اس موقع پرفریشرز فیسٹیول بھی منعقد کیے جائیں گے تاکہ طلبہ اپنی تعلیمی زندگی کا آغاز پراعتماد ماحول میں کر سکیں۔ انہوں نے حالیہ دنوں میں وائرل ہونے والی اس افسوسناک وڈیو پر گہری تشویش کا اظہار کیا جس میں ایک نئے طالب علم کو تشدد کا نشانہ بنایا گیا۔ انہوں نے کہا کہ یہ رویے نہ صرف طلبہ کے وقار بلکہ تعلیمی اداروں کے ماحول کو بھی تباہ کرتے ہیں۔ اسلامی جمعیت طلبہ ان واقعات کی شدید مذمت کرتی ہے اور مطالبہ کرتی ہے کہ ایسے واقعات کی غیر جانبدار تحقیقات کی جائیں اور ذمے دار افراد کے خلاف فوری اور مؤثر قانونی کارروائی عمل میں لائی جائے۔
لاہور: اغوا ہونے والا 3 سالہ بچہ چوہنگ سے بازیاب