بیرون ملک مقیم کشمیری مقبوضہ کشمیر میں جاری بھارتی مظالم کو بے نقاب کریں، بیرسٹر سلطان
اشاعت کی تاریخ: 30th, April 2025 GMT
کشمیر ہائوس اسلام آباد میں صدر آزاد کشمیر نے اپنے دیرینہ ساتھی اور سابق مشیر چوہدری شعبان سے گفتگو کرتے ہوئے کہا کہ پہلگام واقعے کے بعد بھارت کا جھوٹ دنیا کے سامنے بے نقاب ہو گیا ہے اور پوری دنیا میں بھارت کی سبکی ہوئی ہے۔ اسلام ٹائمز۔ آزاد جموں و کشمیر کے صدر بیرسٹر سلطان محمود چوہدری نے دنیا بھر میں بالخصوص برطانیہ میں مقیم کشمیریوں پر زور دیا ہے کہ وہ بھارت کی طرف سے مقبوضہ جموں و کشمیر میں جاری مظالم کو بے نقاب کریں اور عالمی برادری کو باور کرائیں کہ بھارت ایک فسطائی ریاست ہے جو گزشتہ سات دہائیوں سے کشمیریوں پر مظالم کے پہاڑ توڑ رہی ہے۔ ذرائع کے مطابق بیرسٹر سلطان محمود چوہدری نے کشمیر ہائوس اسلام آباد میں اپنے دیرینہ ساتھی اور سابق مشیر چوہدری شعبان سے گفتگو کرتے ہوئے کہا کہ پہلگام واقعے کے بعد بھارت کا جھوٹ دنیا کے سامنے بے نقاب ہو گیا ہے اور پوری دنیا میں بھارت کی سبکی ہوئی ہے لہذا دنیا بھر میں مقیم کشمیری یکجان ہو کر کشمیری عوام پر جاری بھارتی ظلم و بربریت کا پردہ عالمی برادری کے سامنے چاک کریں اور اس کے مکروہ عزائم کو دنیا کے سامنے لائیں۔ انہوں نے چوہدری شعبان کو ہدایت کی کہ وہ برطانیہ میں مسئلہ کشمیر کو اٹھانے کے لئے اوورسیز کشمیریوں کو متحد و متحرک کریں تاکہ بھارت کی ریشہ دوانیوں کا بین الاقوامی سطح پر بھرپور جواب دیا جا سکے۔
صدر آزاد کشمیر نے کہا کہ عالمی برادری کو اقوام متحدہ کی قراردادوں کے مطابق کشمیریوں کو ان کا حق خودارادیت دلوانے کے لئے اپنا کردار ادا کرنا چاہیے۔ انہوں نے کہا کہ برطانیہ میں مقیم کشمیریوں نے ہمیشہ مسئلہ کشمیر کو موثر اور جاندار انداز میں اجاگر کیا ہے اور اب وقت آ گیا ہے کہ پوری قوت کے ساتھ عالمی برادری کے ضمیر کو جھنجوڑا جائے اور مظلوم کشمیریوں کی آواز کو دنیا تک پہنچایا جائے۔بیرسٹر سلطان نے کہا کہ 05 اگست 2019ء کے بعد بھارت نے مختلف بہانوں سے تحریک آزادی کشمیر کو ختم کرنے اور مقبوضہ جموں و کشمیر کو ہڑپ کرنے کی سازشیں شروع کر رکھی ہیں اور کشمیری عوام پر عرصہ حیات تنگ کر دیا ہے۔ انہوں نے کہا کہ بھارت نے پہلگام واقعے کو بنیاد بنا کر کشمیری عوام پر جبر و استبداد کی انتہا کر دی ہے۔ انہوں نے عالمی برادری سے مطالبہ کیا کہ وہ مسئلہ کشمیر کے حل اور مقبوضہ جموں و کشمیر میں جاری بھارتی مظالم بند کرانے کے لئے اپنا کردار ادا کرے۔
ذریعہ: Islam Times
کلیدی لفظ: عالمی برادری نے کہا کہ کے سامنے بھارت کی انہوں نے کشمیر کو
پڑھیں:
بھارت کی پاکستان کیخلاف ایک اور کارروائی بے نقاب، جاسوسی کرنیوالا ملاح گرفتار‘ فورسز کی وردیاں بھی برآمد
data-id="863a0a8" data-element_type="widget" data-widget_type="theme-post-content.default">
251102-01-27
اسلام آباد (مانیٹرنگ ڈیسک /آن لائن) بھارت کی پاکستان کے خلاف ایک اور کارروائی بے نقاب ہوگئی، جاسوسی کرنے والا ملاح گرفتار کرلیا گیا‘ فورسز کی وردیاں بھی برآمد بھی ہوئیں‘وفاقی وزرا کا کہنا ہے کہ ’’را‘‘نے پاکستانی مچھیرے کو پیسوں کا لالچ دے کر اپنے لیے کام کرنے پر آمادہ کیا۔ وزیراطلاعات عطا محمد تارڑ اور وزیر مملکت برائے داخلہ طلال چودھری نے مشترکہ پریس کانفرنس کرتے ہوئے پاکستانی اداروں کی جانب سے بھارتی سازش کو بے نقاب کرنے کی تفصیلات شیئر کیں اور بھارت کے لیے جاسوسی کرنے والے جاسوس ملاح کی وڈیو بھی نشر کی۔وزیر اطلاعات عطا تارڑ نے بتایا کہ آپریشن سندور کی ناکامی کے بعد بھارت نے جھوٹی مہمات شروع کیں، بھارت نے اعجاز ملاح نامی مچھیرے کو گرفتار کیا، بھارت نے اعجاز نامی ملاح کو گرفتار کرکے اسے نامعلوم مقام پر منتقل کیا اور پھر بھارتی خفیہ ایجنسی نے اعجاز کو اپنے لیے کام کرنے پر آمادہ کیا۔ عطا تارڑ نے بتایا کہ بھارت نے اعجاز ملاح کو آرمی، نیوی اوررینجرز کی وردیاں خریدنے کی ہدایت کی، جب اعجاز ملاح یہ وردیاں خرید رہا تھا تو پاکستانی ایجنسیوں نے اس کی نگرانی شروع کر دی، اعجاز ملاح کو بھارت جاتے ہوئے گرفتارکیا گیا۔وزیر اطلاعات نے پریس کانفرنس کے دوران بھارت کے لیے جاسوسی کرنے والے اعجاز ملاح کی وڈیو بھی نشر کی جس میں اس نے اعتراف کیا کہ بھارتی ایجنسیوں نے مجھے سمندر سے گرفتار کیا، بھارتی ایجنسیوں نے کہا کہ اگر ہمارے لیے کام نہ کیا تو جیل میں رہو گے۔اعجاز ملاح نے اپنے اعترافی ویڈیو بیان میں بتایا کہ بھارتی ایجنسی نے مجھے فوج کی وردیاں، موبائل سمز اور فون بلز وغیرہ لانے کی ہدایت دی، اس کے علاوہ 50 اور 100 روپے کے پرانے کرنسی نوٹ لانے کا بھی کہا گیا، میں نے سارا سامان اکٹھا کیا جس کی ایک تصویر بھارتی ایجنسی کے افسر اشوک کمار کو بھیج دی اور پھر میں اکتوبر کے مہینے میں دریا کی طرف نکل گیا لیکن مجھے راستے میں ہی پاکستانی سیکورٹی اداروں نے پکڑ لیا۔وفاقی وزیر اطلاعات نے کہا کہ اعجاز ملاح کی گرفتاری اس بات کا واضح ثبوت ہے کہ پاکستانی سیکورٹی ادارے اور انٹیلی جنس ایجنسیاں ملکی سرحدوں کے دفاع اور تحفظ کے لیے مکمل طور پر چوکنا ہیں۔ان کا کہنا ہے کہ بھارت نے گجرات اور کَچھ کے قریب فوجی مشقوں کی آڑ میں مذموم سرگرمیاں شروع کیں، بھارتی مشقوں کا مقصد پاکستان کے خلاف پروپیگنڈا اور تخریبی کارروائیاں تھا، بھارت نے فوجی مشقوں کو پاکستان مخالف پروپیگنڈا مہم سے جوڑنے کی کوشش کی، سیکورٹی اداروں نے بھارتی خفیہ ایجنسی کی سازش ناکام بنائی۔عطا تارڑ کا کہنا تھا بھارت کے جھوٹے بیانیے اور من گھڑت دعوے دنیا کے سامنے بے نقاب ہوگئے، پاکستان نے عالمی برادری کے سامنے بھارتی سازش کو بے نقاب کر دیا اس معاملے کوعالمی سطح پر بھی اٹھایا جائے گا،افغان وزیر خارجہ نے بھارت میں بیٹھ کر کشمیر سے متعلق بیان دیا، یہ نہ تین میں ہیں نہ تیرا میں۔وزیر مملکت برائے داخلہ طلال چودھری نے کہا کہ پہلے آپریشن سندور تھا اب یہ آپریشن پروپیگنڈا ہے ، پاکستانی میڈیا نے عالمی سطح پر اپنی ساکھ کی جنگ جیتی، یہ پہلی بار نہیں ہے، پہلے پہلگام میں چینی سیٹلائیٹ فون برآمد کرنے کا کہا گیا۔ بھارتی ہینڈلر کے اعجاز ملاح کے ساتھ فون کی آڈیو میسجز بھی پریس کانفرنس کے دوران چلائے گئے۔
اسلام آباد: وفاقی وزیر اطلاعات عطا تارڑ اور وزیر مملکت برائے داخلہ طلال چودھری پریس کانفرنس کر رہے ہیں
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان