ملک کو باہر سے نہیں اندر سے خطرہ ہے، علیمہ خان
اشاعت کی تاریخ: 30th, April 2025 GMT
لاہور:
سابق وزیراعظم عمران خان کی بہن علیمہ خان کا کہنا ہے کہ ہمیں باہر سے نہیں پہلے اندر سے خطرہ ہے لہٰذا ملک کو اندر سے مضبوط کریں۔
اسلام آباد ہائی کورٹ میں میڈیا سے گفتگو کرتے ہوئے علیمہ خان نے کہا کہ دشمن کی جرات نہیں ہو سکتی کہ پاکستان کی طرف میلی آنکھ سے دیکھے۔
انہوں نے کہا کہ فیصل چوہدری نے کل مودی سے متعلق مکمل بات نہیں بتائی، بانی پی ٹی آئی نے کہا کہ مودی نے جو کیا اس کی وجہ سے پاکستان متحد ہوگیا ہے اور یہ ایک قوم کی طرح کھڑے ہوگئے ہیں۔
علیمہ خان نے کہا کہ بانی پی ٹی آئی نے یہ بھی کہا تھا کہ ہم فارم 47 حکومت کے ساتھ نہیں کھڑے، فیصل چوہدری کل یہ بتانا بھول گئے تھے۔
بانی پی ٹی آئی کے ہمشیرہ کا کہنا تھا کہ قانون کی حکمرانی کے لیے ججز نہیں کھڑے ہوں گے تو عوام کس کے پاس جائیں گے، آج اگر ہائی کورٹ بے بس ہوگئی تو ماتحت عدالت اور مجسٹریٹ کیا کرے گا، سارے بے بس ہو جائیں گے؟
.ذریعہ: Express News
کلیدی لفظ: علیمہ خان
پڑھیں:
انجری کا شکار شاداب کے ایشیا کپ سے باہر ہونے کا امکان
کراچی:انجری کا شکار پاکستان کرکٹ ٹیم کے نائب کپتان شاداب خان کے ایشیا کپ 2025 میں شرکت نہ کرنے کا امکان ہے۔
ایکسپریس ٹریبیون کی رپورٹ کے مطابق 26 سالہ آل راؤنڈر تاحال کندھے کی انجری سے مکمل طور پر صحتیاب نہیں ہو سکے ہیں، انہوں نے رواں ماہ کے آغاز میں برطانیہ میں سرجری کروائی تھی۔
یہ وہی انجری ہے جس کے باعث وہ بنگلہ دیش کے خلاف حالیہ ٹی20 سیریز اور دورہ ویسٹ انڈیز سے بھی باہر رہے تھے۔
میڈیکل ماہرین کے مطابق شاداب کو مکمل صحتیابی کے لیے کم از کم تین ماہ درکار ہیں جس کے پیشِ نظر ان کی اکتوبر سے قبل واپسی ممکن نظر نہیں آتی۔
ایشیا کپ کا انعقاد 9 سے 28 ستمبر تک متحدہ عرب امارات میں ہوگا جو اس سال ٹی 20 فارمیٹ پر کھیلا جائے گا۔
یہ ایونٹ آئندہ سال بھارت اور سری لنکا کی مشترکہ میزبانی میں ہونے والے ٹی 20 ورلڈ کپ 2026 کی تیاریوں کے لیے بھی اہم سمجھا جا رہا ہے۔
پاکستان کرکٹ بورڈ (پی سی بی) نے تاحال شاداب خان کے نائب کپتان کے متبادل کا اعلان نہیں کیا۔
بنگلہ دیش کے خلاف سیریز اور موجودہ ویسٹ انڈیز ٹور کے دوران کسی کھلاڑی کو باقاعدہ نائب کپتان نامزد نہیں کیا گیا جب کہ ان میچز میں سلمان علی آغا ٹیم کی قیادت کر رہے ہیں۔
دوسری جانب ایشین کرکٹ کونسل نے ایشیا کپ 2025 کے شیڈول کی تصدیق کر دی ہے۔ پاکستان اپنا پہلا میچ 12 ستمبر کو عمان کے خلاف کھیلے گا، جب کہ روایتی حریف بھارت کے خلاف بڑا ٹاکرا 14 ستمبر کو دبئی میں شیڈول ہے۔
ایونٹ میں کل آٹھ ٹیمیں حصہ لے رہی ہیں، جنہیں دو گروپوں میں تقسیم کیا گیا ہے۔ گروپ اے میں پاکستان، بھارت، عمان اور یو اے ای شامل ہیں، جب کہ گروپ بی میں سری لنکا، بنگلہ دیش، افغانستان اور ہانگ کانگ کی ٹیمیں شامل ہیں۔
ایشیا کپ کا افتتاحی میچ 9 ستمبر کو افغانستان اور ہانگ کانگ کے درمیان ہوگا جبکہ فائنل 28 ستمبر کو کھیلا جائے گا۔ اگر پاکستان اور بھارت دونوں ٹیمیں سپر فور مرحلے میں پہنچ گئیں تو ان کے درمیان دوسرا مقابلہ 21 ستمبر کو متوقع ہے۔
پی سی بی کی جانب سے شاداب خان کی ری ہیب کے شیڈول پر تاحال کوئی آفیشل بیان جاری نہیں کیا گیا۔
بھارتی سیریل ’تارک مہتا کا الٹا چشمہ‘ کے مشہور کردار جیٹھا لال نے کیا ڈرامے کو الوداع کہہ دیا؟