انڈیا ایک بھی ثبوت پیش نہیں کر سکا، رانا احسان افضل
اشاعت کی تاریخ: 30th, April 2025 GMT
اسلام آباد:
رہنما تحریک انصاف ہمایوں مہمند کا کہنا ہے کہ انڈیا نے جو کرنا تھا جس طریقے سے انھوں نے ایک فالس فلیگ آپریشن اور جس طریقے سے یہ سارا کرنا تھا شاید اس وقت بھی کرتے، یہ یاد رہے کہ جو یو این میں جب عمران خان نے 2019 میں جب بات کی تھی جب پلوامہ کا واقعہ ہواتھا تو انھوں نے ایک قسم کی پیش گوئی کر دی تھی کہ یہ لوگ ایک اور بھی اس قسم کا کام کریں گے اور پاکستان کے اوپر وہ ڈال دیں گے۔
ایکسپریس نیوز کے پروگرام کل تک میں گفتگوکرتے ہوئے انھوں نے کہا کہ وزیر خارجہ اور ڈپٹی پرائم منسٹر اسحق ڈارنے سینیٹ میں دس پندرہ ممالک کے نام بتائے کہ میں ان سے ملا، اْن سے ملا۔ اس کے برعکس انڈیا کوئی سو یا سوا سو کے قریب سفارت کاروں سے ملا ہے اپنا نقطہ نظر پیش کیا ہے سچ ہے یا جھوٹ ہے انھوں نے زیادہ ملکوں سے رابطہ کیا ہے۔
رہنما مسلم لیگ (ن) رانا احسان افضل نے کہا کہ سب سے پہلی بات تو یہ کہ انڈیا جو ہے وہ بیک فٹ پہ ہے اور وہ کیسے بیک فٹ پہ ہے ایک تو پہلگام کو سات دن ہو گئے، ایک بوند شواہد کی انڈیا اپنے لوکل میڈیا کو نہیں پیش کر سکا، انٹرنیشنلی نہیں پیش کر سکا اور انڈیا کا جو بیانیہ تھا کہ پاکستان نے یہ کرایا ہے اس کو دنیا میں ایک ملک نے بھی سپورٹ نہیں کیا، میرے خیال سے ہم سفارت، ڈپلومیٹک لحاظ سے دیکھیں تو انڈیا بیک فٹ پہ ہے کیونکہ وہ ثبوت نہیں د ے پا رہا اگر دفاعی لحاظ سے دیکھیں تو ہم تیار ہیں۔
دفاعی تجزیہ کار بریگیڈیئر(ر)وقار حسن نے کہ میں چار دن سے انڈیا کے چینلز پر جا رہا ہوں وہاں کا جو ماحول ہے ان کا بس نہیں چل رہا تھا کہ باہر نکل کر اسکرین سے میری بوٹیاں نوچ لیں، میں کہتا ہوں جہالت اور بد تمیزی کا قطب مینار بن چکا ہے گودی میڈیا، 2014 سے مودی اقتدار میں ہے اور تعلقات کی ٹریجیکٹری خرابی کی طرف گئی ہے، میں یہ دیکھ رہا ہوں کہ جب تک مودی ہے اگر اس کو چوتھی ٹرم ملتی ہے تو 2030 تک حالات اس سے بدتر ہوں گے، بھارت کی فورسز پاکستان سے سات گنا نہیں تین گنا بڑی ہیں۔
.
ذریعہ
ذریعہ: Express News
کلیدی لفظ: انھوں نے
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ