پاکستان سے اونٹنی کے دودھ کا پاؤڈر چین کو برآمد، اہم معاشی سنگِ میل
اشاعت کی تاریخ: 1st, May 2025 GMT
پاکستان نے اونٹنی کے دودھ کے پاؤڈر کی پہلی کھیپ چین کو برآمد کر دی ہے، جو ملکی زرعی و ڈیری شعبے میں ایک اہم پیشرفت اور بین الاقوامی منڈی میں نئی راہوں کی علامت سمجھی جا رہی ہے۔ یہ برآمدی معاہدہ چین کی دو نمایاں کمپنیوں The One HK Holding Ltd اور Xi’an “Tuo Zhong Tuo” Biotechnology Ltdکے اشتراک سے عمل میں آیا ہے۔
وفاقی وزیر برائے نیشنل فوڈ سیکیورٹی رانا تنویر حسین نے اس منصوبے کو پاکستان کے زرعی شعبے میں جدیدیت، بین الاقوامی تعاون اور معاشی ترقی کے لیے سنگِ میل قرار دیا۔ انہوں نے کہا کہ وزیراعظم شہباز شریف کی قیادت میں زراعت کا شعبہ تیزی سے بحال ہو رہا ہے اور اس میں جدت، روزگار اور برآمدات کے بے شمار مواقع پیدا ہو رہے ہیں۔
مزید پڑھیں: ریگستان کا جانور اونٹ کشمیر کے پہاڑوں پر
رانا تنویر حسین کا کہنا تھا کہ یہ کامیابی نہ صرف ہماری صلاحیتوں کا ثبوت ہے بلکہ دیگر شعبہ جات کو بھی نئی بین الاقوامی منڈیوں میں مواقع تلاش کرنے کی ترغیب دیتی ہے۔ وزارتِ خوراک و تحقیق جدید اور برآمداتی منصوبوں کی مکمل معاونت کرے گی تاکہ ملکی معیشت کو مستحکم کیا جا سکے۔
اونٹنی کے دودھ کے پاؤڈر کی برآمد سے نہ صرف روزگار کے نئے مواقع پیدا ہوئے ہیں بلکہ پاکستان کو ڈیری مصنوعات کی خصوصی منڈیوں میں ایک ابھرتی ہوئی قوت کے طور پر پیش کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اونٹ پاکستان چائنا چین ملک پاؤڈر.ذریعہ: WE News
کلیدی لفظ: اونٹ پاکستان چائنا چین ملک پاؤڈر
پڑھیں:
ڈیجیٹل فارن ڈائریکٹ انویسٹمنٹ فورم غیرملکی سرمایہ کاروں کے لیے بہترین مواقع فراہم کررہا ہے، شزا فاطمہ
اسلام آباد میں منعقدہ ڈیجیٹل فارن ڈائریکٹ انویسٹمنٹ (DFDI) کانفرنس سے خطاب کرتے ہوئے وزیر مملکت برائے آئی ٹی شزا فاطمہ نے کہا کہ پاکستان میں ڈیجیٹل معیشت کے فروغ کے لیے بھرپور اقدامات کیے جا رہے ہیں اور یہ فورم غیر ملکی سرمایہ کاروں کے لیے بہترین مواقع فراہم کر رہا ہے۔
انہوں نے کہا کہ حکومت وزیراعظم شہباز شریف کے وژن کے تحت جدید ٹیکنالوجی سے بھرپور استفادے کی پالیسی پر گامزن ہے۔ انہوں نے دعویٰ کیا کہ محض 42 دن میں 146 سرکاری محکموں کو ڈیجیٹلائز کیا گیا، جو 2 سال کی قلیل مدت میں ایک نمایاں پیشرفت ہے۔
مزید پڑھیں:پورے ملک میں ای روزگار سینٹرز کھولے جا رہے ہیں، شزا فاطمہ
شزا فاطمہ نے بتایا کہ گزشتہ 9 ماہ میں آئی ٹی برآمدات میں 25 فیصد اضافہ ہوا ہے، جو ملکی معیشت کے لیے خوش آئند ہے۔ ان کا کہنا تھا کہ حکومت ملک بھر میں ٹیکنالوجی پارکس قائم کر رہی ہے اور رواں سال 3 لاکھ نوجوانوں کو آئی ٹی کی تعلیم فراہم کی جا رہی ہے تاکہ ایک مکمل ڈیجیٹل سوسائٹی، ڈیجیٹل گورننس اور ڈیجیٹل معیشت کی تشکیل ممکن ہو سکے۔
انہوں نے واضح کیا کہ حکومت کی ترجیح ٹیکنالوجی کا مؤثر اور بھرپور استعمال ہے، اور دور دراز علاقوں تک انٹرنیٹ رسائی کو یقینی بنایا جا رہا ہے۔ شزا فاطمہ نے ملکی و غیر ملکی سرمایہ کاروں کو دعوت دی کہ وہ پاکستان کے آئی ٹی شعبے میں موجود سہولیات سے فائدہ اٹھائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نہروں کے معاملہ پر عوام میں تشویش، مسئلہ حل کرنے کی کوشش نہیں ہو رہی، شاہد خاقان