کوہستان، گاڑی کھائی میں گرنے سے خواتین و بچوں سمیت خاندان کے 8 افراد جاں بحق
اشاعت کی تاریخ: 1st, May 2025 GMT
ریسکیو ذرائع کے مطابق گلگت بلتستان کی جانب سفر کرنے والی ایک گاڑی خوفناک حادثے کا شکار ہو گئی۔ حادثہ لوئر کوہستان میں قراقرم ہائی وے پر مٹہ بانڈہ کے مقام پر پیش آیا۔ اسلام ٹائمز۔ لوئر کوہستان میں ایک المناک حادثے کے نتیجے میں خواتین و بچوں سمیت ایک ہی خاندان کے 8 افراد جاں بحق ہو گئے۔ ریسکیو ذرائع کے مطابق گلگت بلتستان کی جانب سفر کرنے والی ایک گاڑی خوفناک حادثے کا شکار ہو گئی۔ حادثہ لوئر کوہستان میں قراقرم ہائی وے پر مٹہ بانڈہ کے مقام پر پیش آیا۔ حادثے کے نتیجے میں گاڑی میں سوار 8 افراد جان کی بازی ہار گئے، جن میں خواتین اور بچے بھی شامل تھے۔ ریسکیو ذرائع کے مطابق جاں بحق افراد کا تعلق راولپنڈی سے بتایا گیا ہے، جن کا تعلق ایک ہی خاندان سے تھا۔
حادثے کی اطلاع ملتے ہی ریسکیو ٹیمیں فوری طور پر وقوع پر پہنچیں اور مقامی افراد کی مدد سے امدادی کارروائی شروع کی۔ لاشوں کو قریبی اسپتال منتقل کیا گیا، جہاں ان کی شناخت کا عمل مکمل کیا گیا۔ دوسری جانب وزیراعلیٰ سندھ سید مراد علی شاہ نے حادثے پر گہرے دکھ کا اظہار کیا ہے۔ اپنے بیان میں انہوں نے کہا کہ انسانی جانوں کا ضیاع انتہائی افسوسناک سانحہ ہے۔ انہوں نے جاں بحق افراد کے لواحقین سے ہمدردی کا اظہار کرتے ہوئے صبر کی دعا کی ہے۔
ذریعہ: Islam Times
پڑھیں:
بھارت بھر میں بجلی گرنے اور بارش سے 24 گھنٹوں میں 25 افراد ہلاک
بھارت کی مختلف ریاستوں میں مون سون کی ابتدائی بارشوں کے دوران شدید گرج چمک اور آسمانی بجلی گرنے کے واقعات میں کم از کم 25 افراد جاں بحق ہو گئے۔ ان میں زیادہ تر ہلاکتیں آسمانی بجلی گرنے سے ہوئیں۔ متاثرہ ریاستوں میں اتر پردیش، گجرات، دہلی، مہاراشٹر اور ہماچل پردیش شامل ہیں۔
اتر پردیش سب سے زیادہ متاثر ہوا، جہاں متعدد اضلاع میں آسمانی بجلی گرنے کے واقعات رپورٹ ہوئے۔ بلیا ضلع میں 13 سالہ بچی بجلی گرنے سے جاں بحق ہوئی جبکہ 2 افراد زخمی ہو کر اسپتال میں زیر علاج ہیں۔
بجنور میں 3 افراد جان سے گئے، جن میں 2 آسمانی بجلی گرنے اور ایک بچی نالے میں ڈوبنے سے ہلاک ہوئی۔ یہ واقعہ کرت پور تھانے کے علاقے رغغان میں پیش آیا، جہاں لاپتا بچی کی تلاش جاری ہے۔
مزید پڑھیں: خیبر پختونخوا میں طوفانی بارش، آسمانی بجلی گرنے کے باعث 4 افراد جاں بحق، متعدد زخمی
یمنانگر کے بارا علاقے کے سونبرسا گاؤں میں ایک ہی خاندان کے 4 افراد رات گئے بجلی گرنے سے جاں بحق ہو گئے۔ اوریا ضلع میں بھی بجلی گرنے سے 3 افراد مارے گئے، جن میں ایک 16 سالہ نوجوان شامل ہے۔
ضلع سنبھل کے مولانپور ڈانڈا گاؤں میں کھیتوں میں کام کے دوران 6 افراد پر آسمانی بجلی گری، جس کے نتیجے میں ایک نوجوان لڑکی جاں بحق اور دیگر شدید زخمی ہو گئے۔
وزیراعلیٰ یوگی آدتیہ ناتھ نے جانی نقصان پر گہرے دکھ کا اظہار کرتے ہوئے متعلقہ اضلاع کے افسران کو زخمیوں کے لیے فوری طبی امداد اور متاثرہ خاندانوں کو معاوضہ دینے کی ہدایت دی ہے۔
گجرات کے راجکوٹ میں تیز بارش اور بجلی گرنے کے واقعے میں ایک شخص ہلاک اور 14 بکریاں کرنٹ لگنے سے مر گئیں۔ ویردواجڈی گاؤں میں شام ساڑھے 6 بجے اچانک بادل پھٹنے سے شہر میں پانی بھر گیا۔ پنچ محل ضلع کے ایک گھر میں بجلی گرنے سے آگ بھڑک اٹھی، تاہم جانی نقصان نہیں ہوا۔
مزید پڑھیں: بلوچستان: شدید بارش اور آسمانی بجلی گرنے کے واقعات میں 4 افراد جاں بحق، سینکڑوں مویشی بھی ہلاک
دہلی میں تیز آندھی اور بارش سے صفدرجنگ انکلیو میں 100 فٹ بلند موبائل ٹاور گر گیا، تاہم کوئی جانی نقصان نہیں ہوا۔ لیکن آر کے پورم میں درخت کی ٹہنی بجلی کی تاروں پر گرنے سے 2 نوجوان، رویندر اور بھارت، کرنٹ لگنے سے ہلاک ہو گئے۔ دونوں کا تعلق بہار سے تھا اور مقامی ہوٹل میں کام کرتے تھے۔
مہاراشٹر کے اضلاع رتناگیری، رائے گڑھ اور سندھدُرگ میں شدید بارش اور آسمانی بجلی کے واقعات میں کم از کم 8 افراد ہلاک ہو گئے۔ ریاستی ڈیزاسٹر مینجمنٹ کی رپورٹ کے مطابق رتناگیری میں 24 گھنٹوں کے دوران 88.1 ملی میٹر بارش ریکارڈ کی گئی، جو ریاست بھر میں سب سے زیادہ ہے۔
محکمہ موسمیات نے ہماچل پردیش کے چمبہ، کانگڑا، کلّو، منڈی، شملہ، سولن اور سرمور میں اتوار سے بدھ تک گرج چمک، بجلی اور 40 سے 60 کلومیٹر فی گھنٹہ کی رفتار سے چلنے والی ہواؤں کی پیش گوئی کے ساتھ یلو الرٹ جاری کر دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
25 افراد آندھی انڈیا بارش بجلی بھارت ہلاک
بلاول بھٹو نے عالمی برادری سے بھارتی اقدامات پر جوابدہی کا مطالبہ کر دیا