معروف شیعہ رہنماء، خمینی فاونڈیشن پاکستان کے بانی سید امیر علی شاہ قضائے الہیٰ سے وفات پا گئے
اشاعت کی تاریخ: 2nd, May 2025 GMT
آپ شہید ڈاکٹر محمد علی نقوی کے دوستوں میں سے تھے۔ سید امیر علی شاہ کی نماز جنازہ بروز جمعہ 2 مئی ڈیڑھ بجے دن امامیہ مسجد سمن آباد نزد شباب چوک لاہور میں ادا کی جائے گی۔ اسلام ٹائمز۔ معروف شیعہ رہنماء اور خمینی فاونڈیشن پاکستان کے بانی لاہور کے
سید امیر علی شاہ صاحب قضائے الہیٰ سے وفات پا گئے ہیں۔ "إِنَّا ِلِلَّٰهِ وَإِنَّا إِلَيْهِ رَاجِعُونَ" سید امیر علی شاہ ملی و سماجی أمور کے لئے فعال اور متحرک شخصیت تھے۔ آپ شہید ڈاکٹر محمد علی نقوی کے دوستوں میں سے تھے۔ سید امیر علی شاہ کی نماز جنازہ بروز جمعہ 2 مئی ڈیڑھ بجے دن امامیہ مسجد سمن آباد نزد شباب چوک لاہور میں ادا کی جائے گی۔
ذریعہ: Islam Times
کلیدی لفظ: سید امیر علی شاہ
پڑھیں:
محرم الحرام 2025ء، انتظامیہ شیعہ علماءکرام، جعفریہ الائنس اور دیگر تنظیموں سے تعاون کو یقینی بنائے، میئر کراچی
بیرسٹر مرتضیٰ وہاب کی جانب سے انچارج ہائیڈرنٹس سیل کو یکم محرم الحرام سے یوم عاشورہ تک پانی سے بھرے ٹینکرز کی مساجد، امام بارگاہوں، مجالس، سبیلوں اور جلوس کے مقامات پر بلا تعطل فراہمی یقینی بنانے کی ہدایت دی گئی ہے تاکہ جعفریہ الائنس سمیت دیگر مذہبی تنظیموں کی جانب سے لگائی جانے والی سبیلوں کو پانی کی سہولت بلا معاوضہ فراہم کی جا سکے۔ اسلام ٹائمز۔ میئر کراچی و چیئرمین کراچی واٹر اینڈ سیوریج کارپوریشن بیرسٹر مرتضیٰ وہاب کی ہدایت پر چیف ایگزیکٹو آفیسر واٹر کارپوریشن احمد علی صدیقی نے محرم الحرام کے مقدس ایام کے پیشِ نظر شہر بھر میں فراہمی و نکاسی آب کے غیر معمولی اور مثر انتظامات کرنے کے احکامات جاری کردیئے۔ اس ضمن میں اسٹاف آفیسر ٹو سی ای او واٹر کارپوریشن الہی بخش بھٹو نے جاری کردہ ایک مراسلے میں تمام متعلقہ افسران کو ہدایات دی ہے کہ وہ ضلعی انتظامیہ منتخب عوامی نمائندوں مذہبی قائدین بالخصوص شیعہ علما کرام، جعفریہ الائنس اور دیگر مذہبی تنظیموں سے قریبی رابطہ رکھیں اور ان کے ساتھ مکمل تعاون کو یقینی بنائیں۔
انہوں نے ترجیحی اقدامات اور مکمل انتظامات کی تکمیل کی ہدایت دیتے ہوئے کہا کہ محرم الحرام کے آغاز سے قبل شہر بھر میں فراہمی و نکاسی آب کے تمام انتظامات مکمل کیے جائیں خصوصاً مساجد، امام بارگاہوں، مجالس، سبیلوں اور جلوس کے روٹس پر پانی کی فراہمی اور سیوریج نظام میں بہتری کو ترجیح دی جائے۔ اس ضمن میں تمام اضلاع کے سپرنٹنڈنگ انجینئرز کو ہدایت کی گئی ہے کہ وہ ضلعی انتظامیہ اور دیگر متعلقہ اداروں سے مسلسل رابطے میں رہیں اور مجالس و جلوسوں کے دوران پانی و صفائی کے تمام امور کی نگرانی کریں تاکہ عزادارانِ امام حسینؑ کو کسی قسم کی پریشانی کا سامنا نہ ہو، تمام ایگزیکٹو انجینئرز (واٹر) کو اپنے علاقوں میں پانی کی بلا تعطل فراہمی یقینی بنانے کی ہدایت دی گئی ہے۔
ایگزیکٹو انجینئرز (سیوریج) کو جلوس و مجالس کے مقامات پر صفائی سیوریج لائنوں کی درستگی اور مین ہولز کی حالت بہتر بنانے کی خصوصی ہدایت دی گئی ہے۔ ایگزیکٹو انجینئر (ورکشاپ) کو جیٹنگ و سکشن مشینوں کی مکمل تیاری اور ڈرائیوروں کی دستیابی یقینی بنانے کا کہا گیا ہے۔ ساتھ ہی محرم الحرام کی عام تعطیلات کے دوران عملے کی حاضری کے لیے ڈیوٹی روسٹرز مرتب کرنے کے احکامات بھی دیئے گئے ہیں۔ انچارج ہائیڈرنٹس سیل کو یکم محرم الحرام سے یوم عاشورہ تک پانی سے بھرے ٹینکرز کی مساجد، امام بارگاہوں، مجالس، سبیلوں اور جلوس کے مقامات پر بلا تعطل فراہمی یقینی بنانے کی ہدایت دی گئی ہے تاکہ جعفریہ الائنس سمیت دیگر مذہبی تنظیموں کی جانب سے لگائی جانے والی سبیلوں کو پانی کی سہولت بلا معاوضہ فراہم کی جا سکے۔
فوکل پرسن برائے ہائیڈرنٹس سیل واٹر ٹینکرز کی فراہمی اور دستیابی کی نگرانی کریں گے اور اس بات کو یقینی بنائیں گے کہ پانی بروقت اور مسلسل فراہم کیا جائے۔ محرم الحرام کے انتظامات کے لیے واٹر کارپوریشن کی جانب سے چیف انجینئر واٹر محمد علی شیخ، چیف انجینئر سیوریج منیر احمد بھٹی، ایگزیکٹو انجینئر ورکشاپ ڈویڑن شفقت حسین مگھن اور فوکل پرسن ٹو سی ای او برائے ہائیڈرنٹس سیل شہباز بشیر کو فوکل پرسنز نامزد کیا گیا ہے اور تمام متعلقہ حکام کو سخت ہدایت دی گئی ہے کہ وہ ان فوکل پرسنز سے بھرپور تعاون کریں تاکہ محرم الحرام کے دوران شہریوں کو کسی بھی قسم کی پریشانی کا سامنا نہ کرنا پڑے۔
بھارت نے حادثے کا شکار سنگاپور کے جہاز کے عملے کو بچا لیا