قومی سلامتی کے معاملے پر ہم سب یک جان ہیں، چوہدری انوارالحق
اشاعت کی تاریخ: 2nd, May 2025 GMT
آزاد جموں و کشمیر اسمبلی کے اجلاس میں پیش ہونے والی قراردادوں پر بحث میں حصہ لیتے ہوئے وزیراعظم کا کہنا تھا کہ حکومت آزاد کشمیر اپنی ذمہ داریوں سے پوری طرح آگاہ ہے، حکومت نے ایمرجنسی رسپانس فنڈ قائم کر دیا ہے۔ اسلام ٹائمز۔ وزیراعظم آزاد حکومت ریاست جموں و کشمیر چوہدری انوارالحق نے کہا ہے کہ قومی سلامتی کے معاملے پر ہم سب یک جان ہیں اور ہم مسلح افواج پاکستان کے ساتھ چٹان کی طرح کھڑے ہیں، ہم کسی بھی قربانی سے دریغ نہیں کریں گے اور ازلی دشمن کا مقابلہ کرنے کیلئے سب سے پہلے وزیراعظم اپنے آپ کو پیش کرے گا۔ اگر جارحیت بڑھتی ہے تو ایمرجنسی کا فیصلہ کابینہ نے کرنا ہے، لمحہ بہ لمحہ صورتحال مانیٹر کر رہے ہیں۔ ان خیالات کا اظہار انہوں نے آزاد جموں و کشمیر اسمبلی کے اجلاس میں پیش ہونے والی قراردادوں پر بحث میں حصہ لیتے ہوئے کیا۔ وزیراعظم آزاد کشمیر چوہدری انوارالحق نے کہا کہ حکومت آزاد کشمیر اپنی ذمہ داریوں سے پوری طرح آگاہ ہے، حکومت نے ایمرجنسی رسپانس فنڈ قائم کر دیا ہے اور اس فنڈ میں ایک ارب روپے منتقل کر دیے ہیں، آزاد کشمیر کے 13 حلقہ جات میں خوراک، ادویات اور دیگر تمام بنیادی ضروریات کے لیے انتظامات کیے ہیں۔ لائن آف کنٹرول کے 13 حلقوں میں خوراک کی ضروریات 2 ماہ کے لئے رکھنے کی ہدایت کر دی ہے، ایل او سی پر واقع 13 حلقوں میں ادویات، نیلم، جہلم، پونچھ اور سماہنی کے لائن آف کنٹرول کے حلقوں میں روڈ کو بحال رکھنے کے لئے سرکاری مشینری کے ساتھ ساتھ پرائیوٹ مشینری بھی لے رہے ہیں۔ ایس ڈی ایم اے، 1122 اور سول ڈیفنس کو کسی بھی ایمرجنسی صورتحال سے نمٹنے کے لئے تیار رہنے کی ہدایت دے دی ہے۔ انہوں نے کہا کہ حکومت، عوام اور تمام سیاسی و مذہبی جماعتیں اور قائدین ہندوستان کے جارحانہ عزائم کا جواب دینے کے لئے مکمل طور پر تیار ہیں۔ وزیراعظم چوہدری انوارالحق نے کہا کہ آج بھارتی قابض افواج نے لائن آف کنٹرول پر بلااشتعال فائرنگ شروع کی ہے اور پاک فوج نے بھرپور اور بروقت جواب دیا ہے۔ انہوں نے کہا کہ ہندوستان ایک دہشتگرد ریاست ہے اور اب دنیا بھر میں بےنقاب ہو چکا ہے، کشمیریوں کے خون سے لکھی گئی تحریک آزادی، آزادی تک جاری رہے گی۔
.
ذریعہ
ذریعہ: Islam Times
کلیدی لفظ: چوہدری انوارالحق نے کہا کہ کے لئے
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ