واہگہ اور گنڈا سنگھ والا بارڈر پر جوش و جذبے کی گونج، پاکستانی قوم کا دشمن کو منہ توڑ پیغام

اشاعت کی تاریخ: 5th, May 2025 GMT

لاہور:

پاک-بھارت کشیدگی کے سائے میں بھی پاکستانی قوم کے حوصلے بلند اور وطن سے محبت کا جذبہ بارڈر پر امڈ آیا، لاہور کے واہگہ بارڈر پر اتوار کو عوام کا جم غفیر رینجرز کی پریڈ دیکھنے پہنچا جہاں جذبہ حب الوطنی عروج پر دکھائی دیا، فضا مسلسل اللہ اکبر اور پاکستان زندہ باد کے نعروں سے گونجتی رہی، مائیں اپنے دودھ پیتے بچوں کو گود میں اٹھائے واہگہ اور گنڈا سنگھ والا بارڈر پریڈ دیکھنے پہنچ گئیں۔

پاکستان رینجرز پنجاب کے شیردل جوان جب دشمن کی آنکھوں میں آنکھیں ڈال کر پریڈ کرتے، مونچھوں پر ہاتھ پھیرتے اور غرور سے سینہ تان کر کھڑے ہوتے، تو عوام تالیوں کی گونج میں اپنے محافظوں کو خراج تحسین پیش کرتے، یہ صرف پریڈ نہ تھی بلکہ ایک پیغام تھا کہ ہم متحد ہیں، تیار ہیں اور کسی بھی جارحیت کا بھرپور جواب دینے کے لیے ہمہ وقت تیار ہیں۔

مفتی عبدالرحیم اور مفتی طارق مسعود کی سربراہی میں علمائے کرام کا وفد بھی واہگہ باردڑ پہنچا، علمائے کرام نے بھارت کو واضح اور دوٹوک جواب دیتے ہوئے کہا کہ وہ کسی بھول میں نہ رہے، پاکستان اور بھارت کے عوام کی آپس میں کوئی دشمنی نہیں، صرف مودی کی حکومت نے دماغ خراب کیا ہوا ہے، بھارت نے کوئی حماقت کی تو اسے ایسا منہ توڑ جواب ملے گا جسے وہ نسلوں تک یاد رکھے گا۔

پنجاب رینجرز کے جوانوں کی دلیرانہ چالوں اور گرج دار قدموں نے جہاں قوم کا خون گرما دیا، وہیں بھارتی فوجیوں کے چہرے بھی سنجیدہ ہوتے نظر آئے، اس بارڈر پر پریڈ صرف روایت نہیں بلکہ جذبے اور وقار کی علامت بن چکی ہے۔

دوسری جانب قصور کے گنڈا سنگھ والا بارڈر پر بھی روزانہ کی پریڈ میں نئی روح پھونکی گئی، اگرچہ یہاں کی پریڈ واہگہ سے مختلف ہوتی ہے، مگر جوش و جذبے میں کسی طور کم نہیں، پاکستان رینجرز اور بی ایس ایف کے جوانوں کے مابین بدن بولی کا مقابلہ بھی دیدنی تھا۔

حالیہ کشیدگی کے باعث گنڈا سنگھ والا بارڈر پر زیرو لائن پر لگے بیریئرز نہیں ہٹائے گئے، نہ ہی پرچم اتارنے کے روایتی موقع پر دونوں ممالک کے جوان ایک دوسرے کی حدود میں داخل ہوئے۔

پاکستان رینجرز کے افسر اظہر کا کہنا تھا کہ ہمیں بھارتی دھمکیوں سے مرعوب نہیں کیا جاسکتا، ہمارے حوصلے اور بھی بلند ہو گئے ہیں، ہم اپنی سرحد کا دفاع کرنا جانتے ہیں، عام دنوں کی نسبت ہمارا عزم، ہمت اور حوصلے بلند ہیں۔

شہریوں کا کہنا تھا کہ یہ مناظر دیکھ کر دل خوش ہو گیا اور ہر پاکستانی کے دل میں یہی عزم ہے کہ دشمن نے اگر میلی آنکھ سے دیکھا تو جواب صرف زبان سے نہیں، عمل سے بھی ملے گا۔

لاہور سے تعلق رکھنے والے ایک شہری نے پاکستان رینجرز کے جوانوں پر گلاب کی پتیاں نچھاور کیں، گنڈا سنگھ والا بارڈر پر پاکستان کی نسبت بھارتی شہریوں کی تعداد نہہونے کے برابر تھی، بھارتی اسٹیڈیم خالی دکھائی دے رہا تھا جبکہ پاکستانی اسٹیڈیم میں تل دھرنے کی بھی جگہ نہیں تھی۔

واہگہ بارڈر ہو یا گنڈا سنگھ والا پاکستانی قوم نے ایک بار پھر واضح کر دیا ہے کہ وہ ہر حال میں اپنی افواج کے شانہ بشانہ کھڑی ہے، وطن عزیز کی سلامتی، وقار اور خودمختاری کے لیے کسی بھی قربانی سے دریغ نہیں کیا جائے گا۔

ذریعہ

ذریعہ: Express News

کلیدی لفظ: پاکستان رینجرز

پڑھیں:

پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ

اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔

پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے

’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔

اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم

انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔

ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔

عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی

یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔

مزید :

واہگہ اور گنڈا سنگھ والا بارڈر پر جوش و جذبے کی گونج، پاکستانی قوم کا دشمن کو منہ توڑ پیغام

پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر