لبنان میں ایک دہائی بعد بلدیاتی انتخابات کے انعقاد کا آغاز
اشاعت کی تاریخ: 5th, May 2025 GMT
لبنان میں 9 سال سے زائد عرصے بعد اتوار کو پہلے بلدیاتی انتخابات کا آغاز ہوگیا۔
یہ بھی پڑھیں: اسرائیل کی لبنان پر راکٹ حملوں کے بعد بمباری، 2 شہری جاں بحق
ووٹنگ علاقوں کے لحاظ سے ہو رہی ہے۔ بیروت کے جنوبی مضافات سمیت ماؤنٹ لبنان کے اضلاع میں انتخابات کا پہلا مرحلہ شروع ہوا ہے۔
وزارت داخلہ کے مطابق ماؤنٹ لبنان میں 9،321 امیدوار جن میں 1،179 خواتین بھی شامل ہیں 333 میونسپل کونسلوں کی نشستوں کے لیے انتخاب لڑ رہے ہیں۔
مقامی وقت کے شام 7 بجے پولنگ بند ہونے سے 3 گھنٹے پہلے ووٹر ٹرن آؤٹ 35 فیصد سے بھی کم تھا۔
دریں اثنا صدر جوزف عون نے لبنانی عوام اور عالمی برادری کے درمیان اعتماد کی بحالی میں ووٹ کی اہمیت پر روشنی ڈالتے ہوئے کہا کہ لبنان اپنے اداروں کی تعمیر نو کر رہا ہے اور صحیح راستے پر گامزن ہے۔
یہ پول ان کی صدارتی مدت کا پہلا ہے اور مئی 2026 میں ہونے والے پارلیمانی انتخابات سے قبل ووٹنگ کے رجحانات کے اشارے کے طور پر دیکھا جاتا ہے۔
مزید پڑھیے: اسرائیلی فوج کا لبنان پر ڈرون حملہ، حماس کا اہم کمانڈر شہید
شمالی لبنان کے کچھ حصے اتوار 11 مئی کو ووٹ ڈالیں گے جب کہ بیروت اور مشرقی بیکا وادی میں انتخابات 18 مئی کو ہونے والے ہیں۔ اسرائیل اور حزب اللہ کے درمیان جھڑپوں کے باعث شدید متاثر ہونے والے جنوبی علاقوں کے ووٹرز 24 مئی کو اپنا حق رائے دہی استعمال کریں گے۔
لبنان کے صدارتی خلا اور اکتوبر 2023 سے سیکورٹی کی پیشرفت نے تقریباً ایک دہائی سے بلدیاتی انتخابی عمل کو متاثر کیے رکھا۔ حکومت نے آخری بار سنہ 2016 میں لوگل باڈیز الیکشن کروائے تھے۔
ان انتخابات میں ایک نمایاں تبدیلی دیکھی جا رہی ہے کہ لوگ اب اسمارٹ فونز کے ذریعے انتخابی مہم چلا رہے ہیں۔ اس سے امیدواروں کو ووٹرز کے ساتھ رابطے میں سہولت فراہم مل رہی ہے۔
مزید پڑھیے: لبنانی شہریوں پر اسرائیلی فوج کی فائرنگ، 22 شہید، 124 زخمی
گلیوں اور محلوں میں امیدواروں کے پوسٹرز اور بینرز کی موجودگی میں کمی آئی ہے اور اس کی جگہ سوشل میڈیا ریلز اور سوشل میڈیا گروپس نے لے لی ہے۔
برج البراجنہ، تحویت الغدیر لیلقی اور چیہ کی میونسپلٹیوں میں اراکین بلامقابلہ منتخب ہوگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لبنان لبنان میں بلدیاتی انتخابات.ذریعہ: WE News
کلیدی لفظ: لبنان میں بلدیاتی انتخابات
پڑھیں:
جرمنی میں بلدیہ کونسل کا مسجد کو گرانے کا حکم، مسلم تنظیم نے انکار کردیا
جرمنی کی وفاقی ریاست باڈن ورٹمبرگ کے قصبے لائن فیلڈن ایشترڈنگن میں بلدیاتی کونسل نے ایک زیر تعمیر مسجد کو گرانے کا حکم دے دیا ہے، تاہم مسجد بنانے والی مسلم تنظیم نے اس فیصلے کو ماننے سے انکار کر دیا ہے۔
یہ مسجد کولون میں قائم اسلامی ثقافتی مراکز کی تنظیم (VIKZ) تعمیر کر رہی ہے، جسے 2014 میں تعمیر کی اجازت دی گئی تھی، بشرطیکہ یہ مسجد چار سال کے اندر مکمل کی جائے۔ تاہم، مقررہ مدت مکمل ہونے کے باوجود مسجد کی تعمیر مکمل نہ ہو سکی، جس پر بلدیاتی حکام نے قانونی کارروائی کرتے ہوئے تعمیراتی اجازت منسوخ کر دی۔
بلدیاتی کونسل نے کثرت رائے سے فیصلہ کیا کہ تنظیم رواں سال کے اختتام تک اپنی لاگت پر اس مسجد کو گرا دے۔ اگر تنظیم نے انکار کیا، تو کونسل خود قانونی چارہ جوئی کے ذریعے مسجد کا انہدام یقینی بنائے گی۔
اگرچہ حکام نے تنظیم کو کسی نئی جگہ پر مسجد کی تعمیر کے لیے مدد دینے کی پیشکش بھی کی ہے، لیکن VIKZ نے واضح طور پر کہا ہے کہ وہ موجودہ مسجد کو ہرگز نہیں گرائے گی۔
سندھ میں 21 لاکھ مفت گھر بنانے کا منصوبہ دنیا کا سب سے بڑا منصوبہ ہے، شرجیل میمن