کراچی، پاکستان عوامی تحریک کا اسرائیل اور بھارت کیخلاف احتجاج، ویڈیو
اشاعت کی تاریخ: 5th, May 2025 GMT
اسلام ٹائمز: احتجاجی مظاہرے میں کثیر تعداد میں رہنماؤں، کارکنان، اہلیان کراچی سمیت بچوں و خواتین نے شرکت کی۔ رپورٹ: سید ظفر جعفری
پاکستان عوامی تحریک کراچی کے زیر اہتمام نمائش چورنگی پر عظیم الشان احتجاجی مظاہرہ کیا گیا، جس میں کثیر تعداد میں رہنماؤں، کارکنان، اہلیان کراچی سمیت بچوں و خواتین نے شرکت کی۔ احتجاجی مظاہرے سے پاکستان عوامی تحریک کے مرکزی صدر قاضی زاہد حسین، صوبائی صدر سید ظفر اقبال شاہ، سینئر نائب صدر راؤ کامران محمود، صوبائی جنرل سیکرٹری الیاس مغل، ویمن ونگ کی صدر رعنا نصرت ڈار، مجلس وحدت مسلمین کراچی کے صدر علامہ صادق جعفری، فلسطین فاؤنڈیشن پاکستان کے جنرل سیکریٹری ڈاکٹر صابر ابومریم و دیگر سیاسی و مذہبی رہنماؤں نے خطاب کیا۔ رہنماؤں نے کہا کہ فلسطین میں جنگ نہیں بلکہ اہل غزہ کی نسل کشی ہو رہی ہے، جو ایک سنگین جرم ہے، اسرائیل کی طرف سے غزہ کے مسلمانوں کے انسانی حقوق غصب کر لئے گئے ہیں، اسپتال، اسکول، تعلیمی اداروں اور انفراسٹرکچر کو تباہ کر دیا گیا ہے، غزہ شہر کو صفحہ ہستی سے مٹا دیا گیا ہے۔ رہنماؤں نے کہا کہ اقوام متحدہ سمیت انسانی حقوق کے اداروں کو بیان بازی سے آگے بڑھنا چاہیے اور ظلم بند کرانے میں عملی کردار ادا کرنا چاہیے، اسرائیل نہ تو بین الاقوامی چارٹرز کا لحاظ کر رہا ہے اور نہ ہی انسانی اقدار کا احترام کر رہا ہے،۔
رہنماؤں نے کہا کہ مسلم و عرب ممالک کی بے گناہ فلسطینی مسلمانوں کی نسل کشی رکوانے میں ناکامی سب سے بڑا المیہ ہے۔ انہوں نے کہا کہ فلسطین فلسطینیوں کا ہے، انہیں بندوق کے زور پر اپنے گھروں سے بے دخل نہیں کیا جا سکتا۔ مقررین نے کہا کہ پاکستان اور بھارت دو نیوکلیئر طاقتیں ہیں، ہندوستان سنجیدگی دکھانے کے بجائے انتہاپسندی کا مظاہرہ کرتا آ رہا ہے، بھارتی جنگی جنون جنوبی ایشیاء کیلئے خطرہ ہے۔ انہوں نے کہا کہ ایک طرف بھارت کا کشمیر پر ناجائز قبضہ کے ساتھ ساتھ اس کے ہاتھ پانچ لاکھ سے زائد کشمیریوں کے خون سے رنگے ہوئے ہیں، دوسری طرف پہلگام ڈرامے میں اب اپنی سیکورٹی کی ناکامی کو چھپانے کیلئے پاکستان پر الزام تراشی شروع کر دی، یہ اس کا وطیرہ بن چکا ہے۔
رہنماؤں نے کہا کہ پاکستانی قوم سمیت ادارے وطن عزیزکے دفاع کیلئے ہر قربانی دینے کیلئے ہمہ وقت تیار ہیں۔ انہوں نے کہا کہ پاکستان خود دہشتگردی کا شکار ہے، ثبوتوں کے باوجود پاکستان نے کبھی جنگی جنون اور غیر سنجیدگی کا مظاہرہ نہیں کیا، جنگیں مسائل حل نہیں بلکہ تباہی کا راستہ ہیں، بھارت نے ہمیشہ پاکستان کو کمزور کرنے کیلئے دہشتگردی کا سہارا لیا ہے، جس کے ناقابل تردید ثبوت پاکستان کے پاس موجود ہیں، اس کے کئی جاسوس پاکستان کی جیلوں میں موجود ہیں۔ رہنماؤں نے کہا کہ بھارت کا جنگی جنون پوری دنیا کو آگ کی لپیٹ میں لے گا، دونوں ممالک کا مفاد اسی میں ہے کہ وہ تحمل کا مظاہرہ کریں اور غربت و جہالت کے خلاف جنگ کریں اور اپنی قوم کو ترقی دینے کے منصوبوں پر کام کریں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ: Islam Times
کلیدی لفظ: رہنماؤں نے کہا کہ
پڑھیں:
حیدرآباد ، کل کا جلسہ فیصلہ کن ہوگا، عوامی تحریک
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) عوامی تحریک کے مرکزی صدر ایڈووکیٹ وسند تھری، مرکزی سینئر نائب صدر نور احمد کاتیار، مرکزی نائب صدر ستار رند، مرکزی ڈپٹی جنرل سیکرٹری ایڈووکیٹ راحیل بھٹو اور مرکزی رہنما نور نبی پلیجو نے اپنے مشترکہ پریس بیان میں کہا ہے کہ 21 جون 2025 ء کو جنگشاہی کے قریب گاؤں منگر خان پلیجو میں کارپوریٹ فارمنگ منصوبوں، نہروں اور وسائل کی لوٹ مار کے خلاف ملک گیر جلسہ عام اور مظلوم قوموں و طبقوں کی مضبوط آواز رسول بخش پلیجو کی ساتویں برسی کی تیاریاں آخری مرحلے میں داخل ہو چکی ہیں۔ملک بھر کی جمہوریت پسند، وطن دوست اور بائیں بازو کی قوتوں کو کارپوریٹ فارمنگ منصوبوں اور نہروں کے خلاف اس جلسہ عام میں شرکت کی دعوت دی گئی ہے۔ عوامی نیشنل پارٹی (اے این پی) کے صدر ایمل ولی، پاکستان مزدور کسان پارٹی کے صدر عظیم سعید، سندھ یونائیٹڈ پارٹی کے صدر سید زین شاہ، معروف ماہرِ آب ڈاکٹر حسن عباس، دانشور، محقق اور مصنف نصیر میمن، جامی چانڈیو سمیت ملک بھر کے مختلف ادیبوں، شاعروں، قلمکاروں اور سیاسی و سماجی رہنماؤں کو جلسے میں شرکت کی دعوت دی گئی ہے۔انہوں نے کہا کہ 21 جون 2025 ء کو گاؤں منگر خان پلیجو، جنگشاہی میں کارپوریٹ فارمنگ منصوبوں اور نہروں کے خلاف زبردست ، تاریخی اور فیصلہ کن جلسہ عام منعقد کیا جائے گا۔رہنماؤں نے مزید کہا کہ کارپوریٹ فارمنگ منصوبوں کے لیے سندھ، بلوچستان، گلگت بلتستان اور سرائیکی وسیب کی زمینیں، وسائل اور معدنیات نیلام کی جا رہی ہیں، جن پر ملک کی مظلوم قوموں اور طبقوں کو شدید اعتراضات ہیں۔ یہ منصوبے سندھ سمیت چھوٹے صوبوں کے وجود کو مٹانے کی سازش ہیں۔21 جون کو منگر خان پلیجو گاؤں میں ہزاروں افراد اکٹھے ہو کر کارپوریٹ فارمنگ منصوبوں اور دریائے سندھ پر نئی نہروں کو مسترد کریں گے۔رہنماؤں نے یہ بھی کہا کہ خیبرپختونخوا کے وزیرِ اعلیٰ علی امین گنڈاپور کا کالا باغ ڈیم کی حمایت میں دیا گیا بیان ملک دشمنی کے مترادف ہے۔
ایران پر اسرائیلی جارحیت: پی آئی اے نے فلائٹ پلان تبدیل کردیا