ٹرمپ کی گرین لینڈ کو نئی دھمکی سے تیسری عالمی جنگ کا خدشہ بڑھ گیا
اشاعت کی تاریخ: 5th, May 2025 GMT
امریکی صدر ڈونلڈ ٹرمپ کی گرین لینڈ پر قبضے سے متعلق نئی دھمکی سے تیسری عالمی جنگ کا خدشہ بڑھ گیا۔
ڈیلی اسٹار کی رپورٹ کے مطابق امریکی صدر ڈونلڈ ٹرمپ نے ایک بار پھر گرین لینڈ پر فوجی طاقت کے ذریعے قبضے کا عندیہ دیتے ہوئے کہا کہ انہوں نے اس گرین لینڈ کو پانے کے امکان کو مسترد نہیں کیا۔
رپورٹ کے مطابق اپنے حالیہ بیانات میں ٹرمپ نے ایک بار پھر ڈنمارک سے اس نیم خودمختار، وسائل سے مالا مال علاقے کو امریکہ میں شامل کرنے کی خواہش کا اظہار کیا، تاہم انہوں نے یہ واضح نہیں کیا کہ آیا یہ قبضہ بغیر طاقت کے ممکن ہوگا بھی یا نہیں۔
گرین لینڈ سے متعلق ان کے بیانات اس وقت سامنے آئے جب وہ این بی سی کو دیے گئے ایک طویل انٹرویو میں کینیڈا کو امریکہ کی 51ویں ریاست بنانے کی ممکنہ حکمت عملی پر گفتگو کر رہے تھے۔ گرین لینڈ کے وزیراعظم ٹرمپ کی جانب سے ’ملک خریدنے‘ کی کوششوں پر شدید ناراضگی کا اظہار کر چکے ہیں۔
ٹرمپ کینیڈا کو امریکہ میں شامل کرنے کی حمایت میں بھی آواز بلند کر چکے ہیں۔ این بی سی سے گفتگو میں ٹرمپ نے کہا کہ انہیں ”انتہائی غیر ممکن“ لگتا ہے کہ کینیڈا کو شامل کرنے کے لیے فوجی طاقت استعمال کرنا پڑے، لیکن انہوں نے گرین لینڈ کے لیے ایسا امکان مسترد نہیں کیا۔
صدر ٹرمپ کا انٹرویو میں کہنا تھا کہ گرین لینڈ کے ساتھ کچھ ہو سکتا ہے، سچ بتاؤں تو ہمیں یہ قومی اور بین الاقوامی سلامتی کے لیے درکار ہے.
امریکی صدر کی جانب سے گرین لینڈ پر نظر رکھنے کی وجہ اس کا اہم آرکٹک محلِ وقوع ہے۔ ان کی حکمت عملی کو بعض تجزیہ کار روسی صدر ولادیمیر پیوٹن کے 2014 میں کریمیا کے قبضے اور 2022 میں مکمل حملے کے انداز سے مشابہ قرار دے رہے ہیں۔
اگر ٹرمپ نے واقعی گرین لینڈ پر حملہ کیا، تو اس کا نتیجہ نیٹو (NATO) کے خاتمے کی صورت میں نکل سکتا ہے، کیونکہ اس صورت میں نیٹو سے منسلک دو ممالک آپس میں جنگ میں مصروف ہوں گے اور نیٹو کا آرٹیکل 5 زیرِ غور آئے گا۔
گرین لینڈ کے وزیراعظم جینس-فریڈرک نیلسن نے امریکی صدر کے بیانات کو بے ادبی قرار دیتے ہوئے کہا کہ گرین لینڈ کو کبھی کوئی نہیں خرید سکے گا۔
صدر ٹرمپ کی دلچسپی کے پیش نظر، گرین لینڈ کی مختلف سیاسی جماعتیں، جو ڈنمارک سے آزادی کی خواہاں ہیں، ایک نئے اتحادی حکومت میں اکٹھی ہو چکی ہیں۔ تاہم، گرین لینڈ کی عوامی رائے اب بھی ٹرمپ کی ممکنہ جارحیت کے سخت خلاف ہے۔
واضح رہے کہ ٹرمپ کی گریند لینڈ پر نظریں پہلی مرتبہ صدارت میں آنے کے بعد سے ہی جمی ہوئی ہیں، وہ 56,000 افراد پر مشتمل جزیرے خریدنا چاہتے ہیں۔
صدر ٹرمپ نے جنوری کے آغاز میں دھمکی دی تھی کہ اگر ڈنمارک نے گرین لینڈ امریکہ کے حوالے نہ کیا تو اس کے خلاف ٹیرف عائد کیے جائیں گے۔
Post Views: 1ذریعہ: Daily Mumtaz
کلیدی لفظ: گرین لینڈ پر گرین لینڈ کے امریکی صدر ٹرمپ کی
پڑھیں:
امریکی سینیٹ نے ٹرمپ کے عالمی محصولات کے منصوبے کو مسترد کر دیا
امریکی سینیٹ نے صدر ڈونلڈ ٹرمپ کے عالمی محصولات (Global Tariffs) کے منصوبے کے خلاف قرارداد منظور کر لی ہے، جو گزشتہ تین دنوں میں اس نوعیت کی تیسری قرارداد ہے۔
یہ بھی پڑھیں:امریکی پابندیوں کا شاخسانہ، روسی نیفتھا بردار جہاز بھارتی ساحل پر پھنس گیا
51 کے مقابلے میں 47 ووٹوں سے منظور ہونے والی اس قرارداد میں چار ریپبلکن سینیٹرز نے ڈیموکریٹس کا ساتھ دیا۔ ان میں رینڈ پال، لیزا مرکووسکی، سوزن کولنز اور مچ میکونل شامل ہیں۔
قرارداد کے ذریعے ٹرمپ کے اس قومی ایمرجنسی حکم کو ختم کرنے کی منظوری دی گئی، جس کے تحت انہوں نے رواں سال دنیا بھر کے بیشتر ممالک پر 10 سے 50 فیصد تک کے محصولات عائد کیے تھے۔
یہ بھی پڑھیں:ٹرمپ کے دورہ جنوبی کوریا سے چند گھنٹے قبل شمالی کوریا کا کروز میزائل تجربہ
سینیٹر رینڈ پال نے کہا کہ تجارتی خسارے کو ’قومی ہنگامی صورتحال‘ قرار دینا بے معنی ہے۔ ان کے مطابق یہ محض ایک حسابی غلط فہمی ہے جو کسی حقیقی قدر یا فائدے کا اشارہ نہیں دیتی۔
یہ قرارداد محض علامتی اہمیت رکھتی ہے کیونکہ ایوانِ نمائندگان کی ریپبلکن قیادت نے مارچ تک اس معاملے پر ووٹنگ مؤخر کر رکھی ہے۔ اگر ایوان میں قرارداد منظور بھی ہو جائے تو صدارتی ویٹو کو مسترد کرنے کے لیے دو تہائی اکثریت درکار ہوگی۔
ٹرمپ اس وقت اپنے ایشیائی دورے میں محصولات کو تجارتی معاہدوں اور بیرونی سرمایہ کاری کے حصول کا ذریعہ قرار دے رہے ہیں، جبکہ سینیٹ کی یہ کارروائی ان کے اقتصادی ایجنڈے کے خلاف ایک واضح سیاسی پیغام سمجھی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی سینیٹ ٹیرف
افغان طالبان کا وفد پاکستان کے مطالبات کو پوری طرح تسلیم کرنے کو تیار نہیں، ذرائع