چینی باشیندوں کی حفاظت پر مامور اہلکاروں کو تمام سہولیات دینگے، آغا محمد یوسف
اشاعت کی تاریخ: 5th, May 2025 GMT
اجلاس سے خطاب کرتے ہوئے ایڈیشنل آئی جی نے چینی باشندوں اور دیگر غیر ملکیوں کی سکیورٹی پر مامور اہلکاروں کو تمام بنیادی سہولیات فراہم کرنیکی ہدایت دی تاکہ وہ چوکس ہو کر اپنی ذمہ داریاں انجام دے سکیں۔ اسلام ٹائمز۔ ایڈیشنل آئی جی پی کمانڈنٹ بلوچستان کانسٹیبلری آغا محمد یوسف کی زیر صدارت ہیڈکوارٹر بدر لائن کوئٹہ میں ایک اہم اجلاس منعقد ہوا۔ جس میں ڈپٹی کمانڈنٹ (ر) لیفٹیننٹ کمانڈر عطاء اللہ شاہ، ایس ایس پی ہیڈکوارٹرز، جبکہ دیگر زونل کمانڈرز نے بذریعہ ویڈیو لنک شرکت کی۔ اجلاس سے خطاب کرتے ہوئے ایڈیشنل آئی جی پی آغا محمد یوسف نے کہا کہ بلوچستان کانسٹیبلری کو جدید تقاضوں سے ہم آہنگ کیا جا رہا ہے۔ انہوں نے بتایا کہ حاضری اور چیکنگ پوائنٹس کو سائبر سسٹم سے جوڑا جا رہا ہے تاکہ تمام امور ڈیش بورڈ کے ذریعے مانیٹر کیے جا سکیں۔ جوانوں کی حاضری، ڈیوٹی کی نگرانی اور احکامات کی ترسیل کو موثر بنانے پر زور دیا گیا۔
انہوں نے واضح کیا کہ ڈیوٹی کے دوران جوانوں کے مسائل فوری طور پر حل کیے جائیں گے اور ان کی رخصتوں کو بروقت یقینی بنایا جائے گا تاکہ کسی کی حق تلفی نہ ہو۔ انہوں نے کہا کہ حاضری کے معاملے میں کوئی کوتاہی برداشت نہیں کی جائے گی، اور اگر کوئی جوان غیر حاضر پایا گیا تو متعلقہ زونل کمانڈر کے خلاف سخت محکمانہ کارروائی کی جائے گی۔ ایڈیشنل آئی جی پی نے مزید کہا کہ کسی جوان سے آٹھ گھنٹوں سے زائد ڈیوٹی لینا ناقابل قبول ہوگا۔ انہوں نے چینی باشندوں اور دیگر غیر ملکیوں کی سکیورٹی پر مامور اہلکاروں کو تمام بنیادی سہولیات فراہم کرنے کی ہدایت دی تاکہ وہ چوکس ہو کر اپنی ذمہ داریاں انجام دے سکیں۔
ذریعہ: Islam Times
کلیدی لفظ: ایڈیشنل آئی جی انہوں نے
پڑھیں:
لاہور میں جرائم کو روکنے کے لیے جدید ’ڈاکنگ ڈرونز‘ کتنے کلومیٹر تک ملزمان کا تعاقب کر سکیں گے؟
پنجاب کے دارالحکومت لاہور شہر میں کوئی بھی جرم کرنے کے بعد فرار ہونا اب ایک ڈراؤنا خواب بننے جا رہا ہے۔ پنجاب سیف سٹی اتھارٹی نے جدید ٹیکنالوجی سے لیس ’ڈاکنگ ڈرونز‘ متعارف کرا دیے ہیں جو ملزمان کا فوری طور پر تعاقب کریں گے۔
یہ ڈرونز دبئی، لندن اور نیویارک جیسے شہروں میں استعمال ہونے والے جدید ماڈلز کی طرز پر کام کریں گے، لاہور میں ڈرونز کا ٹیسٹ رن آج سے شروع کردیا گیا ہے۔
مزید پڑھیں: سیف سٹی اسلام آباد شہریوں کو سی سی ٹی وی اینڈ نیٹ ورک ٹیکنیشن کورس کروائے گا
’ڈاکنگ ڈرونز‘ کو پولیس ہیلپ لائن 15 سسٹمز کے ساتھ منسلک کردیا گیا ہے۔ 15 پر کال موصول ہوتے ہی یہ ڈرونز خودکار طور پر حرکت میں آ جائیں گے اور ملزمان کی فوری گرفتاری کو یقینی بنائیں گے۔
ابتدائی طور پر 10 بڑے تھانوں کی حدود میں یہ ڈرونز نصب کیے جائیں گے، جہاں شہر کے 70 فیصد سے زیادہ جرائم رپورٹ ہوتے ہیں۔
پولیس اسٹیشنز کی بلند و بالا عمارتوں پر ڈاکنگ اسٹیشنز قائم کیے جائیں گے۔ ہر ڈرون کا ورک اسٹیشن بھی انہی عمارتوں پر ہوگا، جو خودکار نظام سے چلے گا۔ ڈرونز کمانڈ ملتے ہی آٹومیٹک طور پر فضا میں اڑان بھریں گے اور 24 گھنٹے نگرانی کریں گے۔
ہر ’ڈاکنگ ڈرون‘ شہر میں 15 کلومیٹر تک پیٹرولنگ کر سکے گا، جو لاہور کے مرکزی علاقوں کو مکمل کور کر لے گا۔
’یہ ڈرونز ٹریفک بلاک، احتجاج یا ہنگامی صورتحال میں بھی مدد فراہم کریں گے‘یہ ڈرونز ٹریفک بلاک، احتجاج یا ہنگامی صورتحال میں بھی مدد فراہم کریں گے۔ ڈرونز ہائی ریزولوشن کیمروں، تھرمل امیجنگ اور جی پی ایس ٹریکنگ سے لیس ہوں گے، جو رات کے وقت بھی ملزمان کی نگرانی ممکن بنائیں گے۔
یہ ڈرونز آرٹیفیشل انٹیلی جنس (اے آئی) سسٹم سے بھی منسلک ہوں گے، جو جرائم کی فوری نشاندہی اور تعاقب کو ممکن بنائیں گے اور لائیو ویڈیو فیڈ سیف سٹی کنٹرول روم کو بھیجیں گے۔
جدید ترین ڈاکنگ ڈرونز کی قمیت 22 سے 25 لاکھ روپے ہے، ان ڈورنز کے اندر جدید فریچز ہوں گے۔ سیف سٹی اتھارٹی نے ابتدائی طور پر 10 ڈرونز ہی خریدے ہیں، اگر یہ تجربہ کامیاب رہا تو مزید 10 ڈرونز منگوائے جائیں گے۔
پائلٹ پراجیکٹ کی کامیابی پر اسے صوبے کے دیگر شہروں تک وسعت دی جائےگی، ترجمان سیف سٹی اتھارٹیترجمان سیف سٹی اتھارٹی کے مطابق لاہور کے پائلٹ پراجیکٹ کی کامیابی پر اسے صوبے کے دیگر شہروں جیسے راولپنڈی، ملتان، فیصل آباد اور گوجرانوالہ تک وسعت دی جائے گی۔
ان کا مزید کہنا تھا کہ پنجاب کے 94 تحصیلوں میں سیف سٹی کوریج جلد مکمل ہو جائے گی، جس میں ڈرونز کلیدی کردار ادا کریں گے۔
مزید پڑھیں: لاہور: ای چالان نادہندگان کے خلاف بڑا ایکشن، ڈھائی ہزار سے زیادہ گاڑیاں بلیک لسٹ قرار
پولیس افسران کا کہنا ہے کہ یہ اقدام اسٹریٹ کرائم، چوری اور فرار ہونے والے ملزمان کے خلاف پولیس کی صلاحیتوں کو دگنا کر دے گا۔
آئی جی پنجاب نے بھی اس پراجیکٹ کی حمایت کرتے ہوئے کہاکہ جدید ٹیکنالوجی سے جرائم کی روک تھام آسان ہو جائے گی، اور شہریوں کی حفاظت کو یقینی بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب پنجاب سیف سیٹی جدید ڈرونز ڈاکنگ اسٹیشنز لاہور وی نیوز
ٹی ٹی پی کے اہم رہنما حافظ گل بہادر کیا پاکستانی حملے میں مارے گئے؟