امریکی اخبار کا آرمی چیف جنرل عاصم منیر کے لیے مردِ آہن کا خطاب
اشاعت کی تاریخ: 6th, May 2025 GMT
پہلگام فالس فلیگ آپریشن کے بعد آرمی چیف کے دوٹوک مؤقف پر امریکی اخبار نیویارک ٹائمز نے جنرل عاصم منیر کو مردِ آہن کا خطاب دے دیا۔
امریکی اخبار کی جانب سے آرمی چیف جنرل عاصم منیر کو مردِ آہن کا خطاب ایسے وقت میں دیا گیا ہے جب پاکستان اور بھارت کے درمیان کشیدگی بڑھ رہی ہے۔
یہ بھی پڑھیں پاکستان امن چاہتا ہے مگر ملکی سالمیت کی خلاف ورزی پر پوری طاقت سے جواب دیگا، آرمی چیف
نیویارک ٹائمز نے اپنے مضمون میں چیف آف آرمی اسٹاف جنرل عاصم منیر کے قائدانہ کردار کی اہمیت کو تسلیم کیا۔ مضمون میں کہا گیا ہے کہ پہلگام واقعے کے بعد بھارت پر دباؤ بڑھ رہا ہے اور خطے میں تناؤ میں اضافہ ہورہا ہے، ایسے میں جنرل عاصم منیر کی جانب سے پاکستان کا واضح مؤقف تشکیل دیا گیا۔
امریکی اخبار نے کہاکہ آرمی چیف نے کچھ روز قبل ٹینک پر کھڑے ہوکر کہاکہ پاکستان بھارت کی کسی بھی مہم جوئی کا فوری اور منہ توڑ جواب دے گا۔
نیویارک ٹائمز کے مطابق آرمی چیف نے اپنے اس خطاب میں اس عزم کا اعادہ کیا کہ بھارت کے کسی بھی حملے کا جواب دیا جائےگا۔
اخبار کے مطابق پاکستانی قوم سیاسی اور معاشی مشکلات میں گھری تھی، لیکن آرمی چیف جنرل عاصم منیر نے اسے متحد کردیا۔ سپہ سالار کے بیانات کو بھارت میں پاکستان کی جانب سے طاقت کےاظہارکے طورپر دیکھا جارہا ہے۔
یہ بھی پڑھیں ملکی سلامتی سے بڑھ کر کوئی تحریک، کوئی شخصیت نہیں، یک زبان ہوکر بیانیہ بنانا ہوگا، آرمی چیف
واضح رہے کہ چیف آف آرمی اسٹاف جنرل سید عاصم منیر نے بھارتی دھمکیوں پر واضح کہا ہے کہ ہم خطے میں امن چاہتے ہیں لیکن اگر جنگ مسلط کی گئی تو منہ توڑ جواب دینے کے لیے تیار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرمی چیف پاک بھارت کشیدگی پاکستان بھارت جنگ پاکستانی موقف پہلگام فالس فلیگ جنرل عاصم منیر مردِ آہن مودی سرکار نیویارک ٹائمز وی نیوز.ذریعہ: WE News
کلیدی لفظ: ا رمی چیف پاک بھارت کشیدگی پاکستان بھارت جنگ پاکستانی موقف پہلگام فالس فلیگ مودی سرکار نیویارک ٹائمز وی نیوز نیویارک ٹائمز امریکی اخبار آرمی چیف
پڑھیں:
جنرل عاصم منیر نے بہترین قائدانہ صلاحیتوں اور حکمت عملی سے ہر محاذ پر بھارت کو پسپائی پر مجبور کر دیا‘فیاض الحسن چوہان
راولپنڈی (اُردو پوائنٹ اخبارتازہ ترین - آن لائن۔ 03 مئی2025ء) استحکام پاکستان پارٹی کے مرکزی رہنما اور سابق صوبائی وزیر فیاض الحسن چوہان نے آرمی چیف کو ایشیا کا شیر قرار دیتے ہوئے کہا ہے کہ جنرل عاصم منیر نے بہترین قائدانہ صلاحیتوں اور حکمت عملی سے ہر محاذ پر بھارت کو پسپائی پر مجبور کر دیا ہے اگرچہ بھارت کی جارحانہ پالیسی سے یہ بھی واضح ہوگیا ہے کہ پاکستان میں کچھ عرصہ قبل '' نک دا کوکا'' سے شروع ہونے والی تحریک اور مودی سرکار پاکستان مخالف مشترکہ ایجنڈے پر کام کر رہے تھے لیکن جس طرح ملک کے اندر نک دا کوکا تحریک اپنے انجام کو پہنچ گئی اسی طرح جنرل عاصم منیر کی قیادت میں 25 کروڑ عوام مودی سرکار کو بھی نشان عبرت بنائے گی۔(جاری ہے)
ان خیالات کا اظہار انہوں نے گزشتہ روز انسداد دہشت گردی راولپنڈی کی عدالت کے باہر میڈیا سے گفتگو میں کیا فیاض الحسن چوہان نے کہا کہ آج بلی تھیلے سے باہر ا گئی ہے نک دا کوکا کے ٹائٹل سے شروع ہونے والی تحریک کی طرف سے آئی ایم ایف کو خط لکھے گئے کہ پاکستان کی امداد اور قرضہ روک دیا جائے آج مودی نے بھی اسی طرح آئی ایم ایف کو خط لکھا ہے کہ پاکستان کا قرض بند کرکے اگلی قسط نہ دی جائے جس سے اندازہ لگایا جاسکتا ہے نک دا کوکا تحریک میں پاکستان کو نقصان پہنچانے کی حکمت عملی اور پروگرام دراصل مودی سرکار کا منصوبہ تھا اب مودی نے خود کھل کر بین الاقوامی سطح پر وہی مطالبہ آئی ایم ایف سے کیا ہے لیکن جنرل حافظ عاصم منیر کی قیادت میں پوری پاکستانی قوم متحد ہے جنرل عاصم منیر نے یہود و ہنود کی ہر سازش کو گزشتہ 3 سالوں میں بے نقاب، ناکام اور نامراد کیا ہے جس مودی نے 10 دن پہلے پاکستان کو تباہ کرنے کا جو ٹھیکہ لیا تھا آج وہ خود چہرہ چھپائے پھر رہا ہے انہوں نے کہا کہ مودی حکومت اور بھارتی میڈیا سر عام تسلیم کرتا ہے کہ ہم نے پاکستان کو تھریٹ لگا کر غلطی کی پاکستان ہم سے زیادہ مضبوط ہے انہوں نے کہا کہ پاکستان کا آرمی چیف جنرل عاصم منیر ملک کے اندر اور باہر کے دشمنوں کو ڈیل کرنا جانتا ہے تاریخ شاہد ہے کہ جنرل عاصم منیر نے پاکستان کی تعمیر و ترقی اور بقاء کے لئے جو کردار ادا کیا ہے وہ سنہری الفاظ کے ساتھ لکھا جائے گا آج پوری دنیا میں جنرل عاصم منیر کو اسد الایشیاء (شیر ایشیائ) کے نام سے جانا مانا اور پہچانا جا رہا ہے شام، عراق اور عرب سمیت دنیا کے جس ٹی وی چینل کو دیکھ لیں سب جنرل عاصم منیر کو شیر کا لقب دے رہے ہیں ان شااللہ پاکستانی عوام جنرل عاصم منیر کی قیادت میں بھارت کی ہر غنڈہ گردی اور بدمعاشی کا مقابلہ کرے گی انہوں نے کہا کہ پاکستانی عوام ملک کو جان سے زیادہ عزیز رکھتے ہوئے بھارت، مودی سرکار کی ہر سازش کو ناکام بنائے گی۔
پاکستانی کرنسی مارکیٹ میں امریکی ڈالر مزید مہنگا ہوگیا