دہشتگردی کو پوری قوم کے اتحاد سے ہی شکست دی جا سکتی ہے؛ آرمی چیف
اشاعت کی تاریخ: 5th, May 2025 GMT
سٹی 42 : آرمی چیف جنرل عاصم منیر نے کہاہے کہ بیرونی پشت پناہی سے چلنے والی دہشتگردی بلوچستان کے امن کی سب سے بڑی رکاوٹ ہے، بلوچ شناخت کے نام پر دہشتگردی پھیلانے والے عناصر بلوچ قوم کی بدنامی کا سبب ہیں ۔
آرمی چیف جنرل عاصم منیر نے نیشنل ورکشاپ بلوچستان کے شرکا سے جی ایچ کیو میں ملاقات کی۔ ورکشاپ میں بلوچستان سے تعلق رکھنے والے مختلف شعبہ ہائے زندگی کے افرادنے بھرپور شرکت کی، ورکشاپ کا مقصد مستقبل کی قیادت کو قومی و صوبائی امور سے روشناس کرانا ہے۔
اسٹیٹ بینک نے شرح سود میں ایک فیصد کمی کردی
آرمی چیف نے اس موقع پر شرکا سے خطاب کرتے ہوئے کہاکہ حکومت بلوچستان کی سماجی و معاشی ترقی پر مسلسل توجہ دے رہی ہے،بلوچستان کے ترقیاتی منصوبوں کے ثمرات عوام تک پہنچنا شروع ہو گئے ہیں،بلوچ نوجوانوں میں شعور اجاگر کرنے پر سول سوسائٹی کا کردار قابلِ تحسین ہے۔ انہوں نے کہا کہ بیرونی پشت پناہی سے چلنے والی دہشتگردی بلوچستان کے امن کی سب سے بڑی رکاوٹ ہے، بلوچ شناخت کے نام پر دہشتگردی پھیلانے والے عناصر بلوچ قوم کی بدنامی کا سبب ہیں۔
یہ اپریل ہسٹری کا گرم ترین اپریل کیوں تھا
جنرل عاصم منیر نے کہا کہ پاکستان کے امن کا عزم برقرار، لیکن خودمختاری پر کوئی سمجھوتہ نہیں کیا جائے گا، دہشتگردی کو پوری قوم کے اتحاد سے ہی شکست دی جا سکتی ہے، پاکستانی افواج اور ادارے عوام کی حمایت سے دہشتگردی کے خلاف جنگ جاری رکھیں گے۔
ورکشاپ کااختتام سوال و جواب کے سیشن کے ساتھ ہوا۔
سونے کی قیمت میں بڑا اضافہ
سورس : آئی ایس پی آر
.ذریعہ: City 42
کلیدی لفظ: بلوچستان کے
پڑھیں:
جنرل عاصم منیر نے بہترین قائدانہ صلاحیتوں اور حکمت عملی سے ہر محاذ پر بھارت کو پسپائی پر مجبور کر دیا‘فیاض الحسن چوہان
راولپنڈی (اُردو پوائنٹ اخبارتازہ ترین - آن لائن۔ 03 مئی2025ء) استحکام پاکستان پارٹی کے مرکزی رہنما اور سابق صوبائی وزیر فیاض الحسن چوہان نے آرمی چیف کو ایشیا کا شیر قرار دیتے ہوئے کہا ہے کہ جنرل عاصم منیر نے بہترین قائدانہ صلاحیتوں اور حکمت عملی سے ہر محاذ پر بھارت کو پسپائی پر مجبور کر دیا ہے اگرچہ بھارت کی جارحانہ پالیسی سے یہ بھی واضح ہوگیا ہے کہ پاکستان میں کچھ عرصہ قبل '' نک دا کوکا'' سے شروع ہونے والی تحریک اور مودی سرکار پاکستان مخالف مشترکہ ایجنڈے پر کام کر رہے تھے لیکن جس طرح ملک کے اندر نک دا کوکا تحریک اپنے انجام کو پہنچ گئی اسی طرح جنرل عاصم منیر کی قیادت میں 25 کروڑ عوام مودی سرکار کو بھی نشان عبرت بنائے گی۔(جاری ہے)
ان خیالات کا اظہار انہوں نے گزشتہ روز انسداد دہشت گردی راولپنڈی کی عدالت کے باہر میڈیا سے گفتگو میں کیا فیاض الحسن چوہان نے کہا کہ آج بلی تھیلے سے باہر ا گئی ہے نک دا کوکا کے ٹائٹل سے شروع ہونے والی تحریک کی طرف سے آئی ایم ایف کو خط لکھے گئے کہ پاکستان کی امداد اور قرضہ روک دیا جائے آج مودی نے بھی اسی طرح آئی ایم ایف کو خط لکھا ہے کہ پاکستان کا قرض بند کرکے اگلی قسط نہ دی جائے جس سے اندازہ لگایا جاسکتا ہے نک دا کوکا تحریک میں پاکستان کو نقصان پہنچانے کی حکمت عملی اور پروگرام دراصل مودی سرکار کا منصوبہ تھا اب مودی نے خود کھل کر بین الاقوامی سطح پر وہی مطالبہ آئی ایم ایف سے کیا ہے لیکن جنرل حافظ عاصم منیر کی قیادت میں پوری پاکستانی قوم متحد ہے جنرل عاصم منیر نے یہود و ہنود کی ہر سازش کو گزشتہ 3 سالوں میں بے نقاب، ناکام اور نامراد کیا ہے جس مودی نے 10 دن پہلے پاکستان کو تباہ کرنے کا جو ٹھیکہ لیا تھا آج وہ خود چہرہ چھپائے پھر رہا ہے انہوں نے کہا کہ مودی حکومت اور بھارتی میڈیا سر عام تسلیم کرتا ہے کہ ہم نے پاکستان کو تھریٹ لگا کر غلطی کی پاکستان ہم سے زیادہ مضبوط ہے انہوں نے کہا کہ پاکستان کا آرمی چیف جنرل عاصم منیر ملک کے اندر اور باہر کے دشمنوں کو ڈیل کرنا جانتا ہے تاریخ شاہد ہے کہ جنرل عاصم منیر نے پاکستان کی تعمیر و ترقی اور بقاء کے لئے جو کردار ادا کیا ہے وہ سنہری الفاظ کے ساتھ لکھا جائے گا آج پوری دنیا میں جنرل عاصم منیر کو اسد الایشیاء (شیر ایشیائ) کے نام سے جانا مانا اور پہچانا جا رہا ہے شام، عراق اور عرب سمیت دنیا کے جس ٹی وی چینل کو دیکھ لیں سب جنرل عاصم منیر کو شیر کا لقب دے رہے ہیں ان شااللہ پاکستانی عوام جنرل عاصم منیر کی قیادت میں بھارت کی ہر غنڈہ گردی اور بدمعاشی کا مقابلہ کرے گی انہوں نے کہا کہ پاکستانی عوام ملک کو جان سے زیادہ عزیز رکھتے ہوئے بھارت، مودی سرکار کی ہر سازش کو ناکام بنائے گی۔
بانی پی ٹی آئی سے ملنے کی دیر ہے، سب کچھ ٹھیک ہو جائے گا: شیر افضل مروت