پاک بھارت کشیدگی میں نواز شریف کا بیان اہمیت کا حامل ہوگا، اسپیکر پنجاب اسمبلی ملک احمد خان
اشاعت کی تاریخ: 6th, May 2025 GMT
اسپیکر پنجاب اسمبلی ملک محمد احمد خان نے کہا ہے کہ پاکستان اور بھارت کے درمیان حالیہ کشیدگی میں سابق وزیراعظم نواز شریف کا بیان اہمیت کا حامل ہوگا۔
وی نیوز کو انٹرویو دیتے ہوئے انہوں نے کہاکہ حکومت نے موجودہ کشیدہ صورت حال پر نواز شریف کو بریفنگ دی ہے، وزیراعظم شہباز شریف بہت سے معاملات پر ان سے مشورہ کررہے ہیں۔
یہ بھی پڑھیں نواز شریف پاک بھارت کشیدگی کے خاتمے کے لیے میدان میں آگئے، بین الاقوامی رابطوں کا آغاز
انہوں نے کہاکہ نواز شریف کی طرف سے جو بھی رہنمائی مل رہی ہوگی وہ پاکستان کے بہتر مفاد کے لیے ہی ہوگی۔
اسپیکر پنجاب اسمبلی نے کہاکہ اس صورتحال میں نواز شریف کا جو بھی کردار ہوگا وہ سب کے لیے رہنمائی کا باعث بنے گا۔ نریندر مودی کے اقدامات کسی بھی طور پر قابل قبول نہیں، نواز شریف کے لیے بھی یہ صورت حال یقیناً قابل قبول نہیں ہوگی۔
ملک احمد خان نے کہاکہ نواز شریف نریندر مودی سے کسی ذاتی تعلق کی بنیاد پر معاملہ فہمی کی بات کریں لیکن معاملات اب بہت آفیشلی ہوگئے ہیں۔
پاکستان نے سفارتی محاذ پر بہت اچھا کردار ادا کیاانہوں نے کہاکہ امریکا نے پہلگام واقعہ پر اس بات کی تائید کی ہے کہ ایک آزادانہ تحقیقات ہونی چاہیے، اس وقت جو خارجہ پالیسی اپنائی گئی ہے اس کی مثال مجھے ماضی میں نظر نہیں آتی۔ پاکستان نے سارے محاذوں پر اپنا نکتہ نظر پیش کیا، جس کے بعد ہندوستان کے بیانیے کو پذیرائی نہیں مل رہی۔
یہ بھی پڑھیں بھارت کے ساتھ بگڑے تعلقات کو سنوارنے کی ضرورت ہے، نواز شریف
عمران خان کی رہائی عدالتوں کے ذریعے ہی ممکن ہےایک سوال کے جواب میں اسپیکر ملک احمد خان نے کہاکہ عمران خان کے جرائم کی ایک لمبی لسٹ ہے، جس کے باعث وہ جیل میں ہیں، اگر ان کو رہائی ملتی ہے تو یہ عدالت کے ذریعے ہی ممکن ہوگا۔ میں نہیں سمجھتا کہ انہیں باہر آنا چاہیے لیکن عدالت کی جانب سے کوئی ریلیف دیا جاتا ہے تو ان کی رہائی ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسپیکر پنجاب اسمبلی امریکا پاک بھارت کشیدگی پاکستان بھارت تعلقات شہباز شریف ملک احمد خان نریندر مودی نواز شریف نواز شریف کا بیان وزیراعظم پاکستان وی نیوز.
ذریعہ
ذریعہ: WE News
کلیدی لفظ: اسپیکر پنجاب اسمبلی امریکا پاک بھارت کشیدگی پاکستان بھارت تعلقات شہباز شریف ملک احمد خان نواز شریف نواز شریف کا بیان وزیراعظم پاکستان وی نیوز اسپیکر پنجاب اسمبلی نواز شریف کا ملک احمد خان نے کہاکہ کے لیے
پڑھیں:
پاکستان ویسٹ انڈیز ٹیسٹ سیریز کی ٹرافی کی رونمائی، پہلا میچ کل سے شروع ہوگا
پاکستان اور ویسٹ انڈیز کے درمیان 2 ٹیسٹ میچوں پر مشتمل سیریز کی ٹرافی کی باضابطہ رونمائی کر دی گئی۔
پاکستانی ٹیم کے کپتان بابر اعظم اور ویسٹ انڈیز کے کپتان روومن پاول نے مشترکہ طور پر سیریز کی ٹرافی کی نقاب کشائی کی۔ تقریب ٹرینیڈاڈ میں واقع برائن لارا کرکٹ اکیڈمی میں منعقد ہوئی، جہاں دونوں کپتانوں نے ٹرافی کے ساتھ تصاویر بھی بنوائیں۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
— PCB Media (@TheRealPCBMedia) July 24, 2026
پاکستان اور ویسٹ انڈیز کے درمیان ٹیسٹ سیریز کا پہلا میچ 25 جولائی سے شروع ہوگا۔ دونوں ٹیمیں سیریز کے آغاز سے قبل اپنی تیاریوں کو حتمی شکل دے رہی ہیں اور شائقین کو دلچسپ مقابلوں کی توقع ہے۔
کرکٹ ماہرین کے مطابق دونوں ٹیموں کے درمیان ٹیسٹ سیریز نہ صرف آئی سی سی ورلڈ ٹیسٹ چیمپئن شپ کے تناظر میں اہمیت رکھتی ہے بلکہ نوجوان اور تجربہ کار کھلاڑیوں کی کارکردگی بھی شائقین کی توجہ کا مرکز رہے گی۔ پاکستانی ٹیم سیریز میں عمدہ آغاز کرتے ہوئے ویسٹ انڈیز کی سرزمین پر کامیابی حاصل کرنے کے لیے پرعزم ہے، جبکہ میزبان ٹیم بھی ہوم گراؤنڈ کا بھرپور فائدہ اٹھانے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برائن لارا پاکستان ٹرافی ٹیسٹ سیریز ویسٹ انڈیز
پاکستان نے ورلڈ کپ 2028 کیلیے براہ راست کوالیفائی کر لیا