نوشہرہ ورکاں: پرانی دشمنی پر بھتیجے سمیت 6 افراد قتل، ملزم، ساتھی مبینہ مقابلے میں ہلاک
اشاعت کی تاریخ: 7th, May 2025 GMT
لاہور؍ نوشہرہ ورکاں؍ تتلے عالی (نامہ نگار+ نمائندہ نوائے وقت+ نامہ نگار) چچا نے بھتیجے سمیت 6 افراد کو قتل کر دیا۔ پولیس مقابلے میں ملازم خود بھی ساتھی سمیت ہلاک، قاتل کی فائرنگ سے ایس ایچ او تتلے عالی زخمی، نوشہرہ ورکاں کے نواحی گاؤں اڑتالی ورکاں میں خوفناک خاندانی سانحہ پیش آیا، جہاں آئس کے نشے میں دھت شخص عمران شیر ورک گزشتہ روز علی الصبح گوجرانوالہ شیخوپورہ روڈ پر واقع اپنے بھتیجوں کے ملکیتی پٹرول پمپ پر پہنچا، جہاں اس کا بھتیجا عثمان سرفراز ورک اپنے بھائی سفیان ورک اور تین گن مینوں کے ہمراہ موجود تھا۔ عمران شیر نے دروازہ کھٹکھٹایا جیسے ہی عثمان نے دروازہ کھولا تو ملزم نے اندھا دھند فائرنگ کر دی، جس کے نتیجے میں عثمان ورک موقع پر ہی جاں بحق ہو گیا۔ ملزم نے بھاگنے کی کوشش کرنے والے دو گن مین، وقاص جمیل اور عمر حمید کو بھی فائرنگ کر کے قتل کر دیا جبکہ تیسرا گن مین سلمان بھنڈر بعد ازاں ڈی ایچ کیو ہسپتال میں زخموں کی تاب نہ لاتے ہوئے دم توڑ گیا جبکہ دوسرے بھتیجے سفیان سرفراز ورک نے پٹرول پمپ کے عقبی دروازہ سے بھاگ کر جان بچائی۔ قاتل نے پٹرول پمپ سے روانگی کے بعد اڑتالی ورکاں گاؤں میں داخل ہو کر ایک اور شخص عمران ارائیں کو گھر سے بلا کر قتل کیا اور کھیتوں میں کام کرتے افضل ولد خوشی کو بھی نشانہ بنا کر قتل کر دیا۔ پولیس نے ملزم کی تلاش شروع کی تو تتلے عالی کے علاقے میں عمران شیر ورک سے آمنا سامنا ہو گیا۔ گرفتاری کی کوشش کے دوران عمران نے پولیس پر فائرنگ کر دی جس سے ایس ایچ او صفدر عطاء بھٹی ٹانگوں میں گولیاں لگنے سے زخمی ہو گئے۔ پولیس کی جوابی کارروائی میں عمران شیر موقع پر ہی ہلاک ہو گیا، جبکہ اس کا ساتھی فقیر حسین ساکن قاضی کوٹ شدید زخمی ہوا جو ہسپتال میں دم توڑ گیا۔ مقتولین کی نعشیں پوسٹ مارٹم کے لیے ٹی ایچ کیو ہسپتال منتقل کر دی گئیں۔ سی پی او گوجرانوالہ رانا ایاز سلیم نے زخمی ایس ایچ او کی عیادت کی اور پولیس پارٹی کی بہادری کو سراہا۔ چھ افراد کے سفاکانہ قتل سے گاؤں اڑتالی ورکاں میں ہر طرف کہرام برپا ہو گیا، چھ خاندانوں کے چراغ گل ہو گئے جبکہ شدید فائرنگ سے ہر طرف خوف وہراس طاری رہا۔ سی پی او رانا ایاز سلیم کے مطابق ملزم عمران شیر ورک آئس کا عادی تھا، مزید تفتیش جاری ہے۔ تحصیل بار ایسوسی ایشن نے سردار خان ورک سے اظہار یکجہتی کرتے ہوئے مکمل ہڑتال کی۔ دریں اثناء انسپکٹر جنرل پولیس پنجاب ڈاکٹر عثمان انور نے گوجرانوالہ کے تھانہ تتلے عالی کے علاقے اڑتالی ورکاں میں پرانی دشمنی پر جاں بحق ہونے پر آر پی او گوجرانوالہ سے رپورٹ طلب کی۔ آئی جی پنجاب ڈاکٹر عثمان انور نے سی پی او گوجرانوالہ کو فائرنگ میں ملوث ملزموں کی، جلد گرفتاری کیلئے احکامات جاری کیے۔ جس کے بعد سی پی او گوجرانوالہ نے ملزموں کی گرفتاری کے لئے ٹیمیں تشکیل دیں۔
.ذریعہ: Nawaiwaqt
کلیدی لفظ: پی او گوجرانوالہ سی پی او ہو گیا
پڑھیں:
کندھ کوٹ؛کچےمیں پولیس کا ڈاکوں کے خلاف آپریشن جاری،2 ڈاکو ہلاک 5 زخمی
کندھ کوٹ کے کچے میں پولیس کا ڈاکوں کے خلاف آپریشن گزشتہ روز سے جاری آپریشن میں دو ڈاکو ہلاک پانچ زخمی ہوگئے،پولیس اور ڈاکووں میں فائرنگ کا تبادلہ جاری ہے
گزشتہ روز انڈس ہائی وے قمبرانی پولیس چوکی پر ڈاکوں کےحملے میں ایک پولیس اہلکار اغوا ہونے کے بعدپولیس کا ایس ایس پی کشمورمحمد مرادکی نگرانی میں ڈاکووں کےخلاف جدید اسلحہ کےساتھ آپریشن جس کے نتیجے میں انعام یافتہ دو ڈاکوشفیق ڈاہانی اورصحبت جاگیرانی مارے گئے جبکہ پانچ ڈاکو زخمی ہوگئے۔
پولیس نےمارے جانےوالے ایک ڈاکو شفیق ڈاہانی کی لاش تحویل میں لےکرکندھ کوٹ اسپتال منتقل کردی ایس ایس پی کشمور کےمطابق ڈاکو اور پولیس میں جدید اسلحہ سے فائرنگ کا تبادلہ جاری ہےجلد مغوی پولیس اہلکار کو بھی بازیاب کرالیا جائے گا۔
Post Views: 1
کسی ملزم کو عدالتی پراسیس کا غلط استعمال کرنے کی اجازت نہیں دیں گے، چیف جسٹس