بھارت کے بزدلانہ حملوں پر پاک فوج سے اظہار یکجہتی کیلئے مختلف شہروں میں ریلیاں
اشاعت کی تاریخ: 7th, May 2025 GMT
بھارت کے بزدلانہ حملوں پر پاک فوج سے اظہار یکجہتی کیلئے مختلف شہروں میں ریلیاں نکالی گئیں۔
کراچی پریس کلب پر نکالی گئی ریلی سے خطاب کرتے ہوئے وزیر اعلیٰ سندھ مراد علی شاہ نے کہا کہ ہم نے واضح پیغام دیا تھا کہ جنگ نہیں چاہتے، لیکن اگر ایک پتھر بھی پاکستان کی سمت آیا تو بھرپور جواب دیں گے۔
مراد علی شاہ نے کہا کہ بھارت نے رات کی تاریکی میں حملہ کیا، ہماری فوج نے بھر پور جواب دیا، بھارت اگر میلی نظر پاک سر زمین پر رکھے گا تو آنکھیں نوچ لیں گے۔
لیفٹیننٹ کرنل ظہیر عباس طوری کے 7 سال کے بیٹے.
عوامی نیشنل پارٹی (اے این پی) کے رہنما شاہی سید نے کہا کہ رات کے اندھیرے میں حملہ کرنا بھارت کی کم ظرفی ہے، مودی انسانیت کا دشمن ہے، اس ملک کی بقاء کے لیے ہم سب حاضر ہیں۔
امیر جماعت اسلامی کراچی منعم ظفر کا کہنا تھا کہ آج کی ریلی بھارتی فوج اور مودی کو کھلا پیغام ہے۔
اسلام آباد میں پاکستان سویٹ ہوم کے بچوں نے ڈی چوک میں پاک فوج سے یکجہتی کے لیے مظاہرہ کیا، فیصل آباد میں جماعت اسلامی کے تحت پاکستان زندہ باد ریلی نکالی گئی۔
سدھنوتی، ہٹیاں بالا اور اٹھ مقام پر بھی پاک فوج سے اظہار یکجہتی کے لیے ریلیاں نکالی گئیں، چارسدہ ميں بھارتی جارحیت کےخلاف متحدہ شاپ کیپرز فیڈریشن نے احتجاجی مظاہرہ کیا، جبکہ نواب شاہ میں ایکس سروس مین ایسوسی ایشن نے پاک فوج کی حمایت میں ریلی نکالی۔
ذریعہ
ذریعہ: Jang News
کلیدی لفظ: پاک فوج سے
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی