کوئٹہ، ضلعی انتظامیہ کیجانب سے بھارتی جارحیت کیخلاف ریلی
اشاعت کی تاریخ: 7th, May 2025 GMT
ریلی سے خطاب کرتے ہوئے مقررین نے کہا کہ عام شہریوں کو نشانہ بنانا انسانی حقوق کی کھلی خلاف ورزی ہے اور عالمی برادری کو اس کا فوری نوٹس لینا چاہئے۔ اسلام ٹائمز۔ پاک فوج سے اظہار یکجہتی اور بھارتی جارحیت کے خلاف ضلعی انتظامیہ کی جانب سے کوئٹہ میں ریلی نکالی گئی۔ ریلی کی قیادت ڈپٹی کمشنر کوئٹہ لیفٹیننٹ (ر) سعد بن اسد نے کی۔ ڈی سی آفس کوئٹہ سے شرکاء اسمبلی چوک پر اختتام پذیر ہوئی۔ شرکاء نے ہاتھوں میں پلے کارڈز اور بینرز اٹھا رکھے تھے، جن پر بھارت مخالف نعرے اور افواجِ پاکستان کے حق میں تحریریں درج تھیں۔ ڈپٹی کمشنر سعد بن اسد نے اس موقع پر خطاب کرتے ہوئے بھارتی جارحیت کی شدید مذمت کرتے ہوئے کہا کہ پاکستان کے عوام اور افواج ہر جارحیت کا منہ توڑ جواب دینے کی بھرپور صلاحیت رکھتے ہیں۔ انہوں نے کہا کہ عام شہریوں کو نشانہ بنانا انسانی حقوق کی کھلی خلاف ورزی ہے اور عالمی برادری کو اس کا فوری نوٹس لینا چاہئے۔ شرکاء نے اس عزم کا اظہار کیا کہ وہ ملکی سالمیت، خودمختاری کی خاطر افواج پاکستان کے ساتھ کھڑے ہیں۔
.ذریعہ: Islam Times
پڑھیں:
یومِ استحصال کشمیر پر پاک افواج کا کشمیری عوام سے مکمل اظہارِ یکجہتی
سٹی 42 : آرمی چیف فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی، پاک فضائیہ اور پاک بحریہ کے سربراہان نے مشترکہ بیان میں یومِ استحصال کشمیر پر پاک افواج کا کشمیری عوام سے مکمل اظہار یکجہتی کا اظہار کرتے ہوئے بھارتی قبضے کے خلاف کشمیریوں کی جائز جدوجہد کی مکمل حمایت کا اعادہ کیا ہے۔
آئی ایس پی آر کے جاری کردہ اعلامیہ کے مطابق کشمیریوں کا حقِ خودارادیت اقوام متحدہ کی قراردادوں کے مطابق تسلیم شدہ ہے،مقبوضہ کشمیر میں بھارتی فوج کا ظالمانہ فوجی محاصرہ جاری ہے، نسلی تناسب کی تبدیلی اور انسانی حقوق کی سنگین خلاف ورزیاں تشویشناک ہیں،بھارتی حکومت کا جنگی رویہ اور اشتعال انگیز بیانات علاقائی امن کے لیے خطرہ ہیں،جنوبی ایشیا میں پائیدار امن مسئلہ کشمیر کے منصفانہ حل کے بغیر ممکن نہیں، اقوام متحدہ کی قراردادوں اور کشمیری عوام کی امنگوں کے مطابق مسئلہ کشمیر کا حل ضروری ہے۔
ٹی ٹونٹی سیریز ؛پاکستان ویمنز کرکٹ ٹیم کی ڈبلن میں بھرپور پریکٹس
اعلامیہ میں کہا گیا ہےکہ پاکستانی افواج شہدائے کشمیر کو خراجِ عقیدت پیش کرتی ہیں، پاک فوج کشمیری عوام کے شانہ بشانہ کھڑی ہے اور جدوجہد آزادی میں بھرپور ساتھ دے گی۔
معرکہ حق میں شکست کھانے والا بھارت پراکسی جنگ میں شدت لا رہا ہے: فیلڈ مارشل