دیر میں شدید بارش نے تباہی مچادی، تودے گرنے سے سڑکیں بند
اشاعت کی تاریخ: 8th, May 2025 GMT
مختلف علاقوں میں بارشوں سے گرمی کا زور ٹوٹ گیا اور موسم خوشگوار ہوگیا، بیشتر مقامات پر بادل آسمان پر چھائے رہے اور ٹھنڈی ہوائیں چلتی رہیں۔ اسلام ٹائمز۔ دیر میں شدید بارشوں نے تباہی مچادی، ندی نالوں میں طغیانی اور تودے گرنے سے سڑکیں بند ہو گئیں، جس سے لوگ متاثرہ علاقوں میں پھنس کر رہ گئے۔ تفصیلات کے مطابق دیر لوئر کے مختلف علاقوں میں بارشوں سے گرمی کا زور ٹوٹ گیا اور موسم خوشگوار ہوگیا، بیشتر مقامات پر بادل آسمان پر چھائے رہے اور ٹھنڈی ہوائیں چلتی رہیں۔ دریں اثناء دیر بالا کے دیر کوہستان میں موسلا دھار بارشوں اور ندی نالوں میں طغیانی نے تباہی مچا دی۔ باڈا کے مقام پر لینڈ سلائیڈنگ سے وادی کمراٹ جانے والی سڑک بند ہو گئی، جس سے بڑی تعداد میں سیاح پھنس کر رہ گئے۔ مقامی ذرائع کے مطابق متاثرہ علاقوں میں پھنسنے والے سیاحوں میں مرد، خواتین، بوڑھے اور بچے سب شامل ہیں۔
دریں اثنا پی ڈی ایم اے کا کہنا ہے کہ خیبر پختونخوا کے بیشتر اضلاع میں آج سے وقفے وقفے سے بارشوں کا سلسلہ شروع ہونے کا امکان ہے جو 12 مئی تک جاری رہ سکتا ہے۔ اس دوران چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، مالاکنڈ، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک اور کوہاٹ میں گرج چمک کے ساتھ وقفے وقفے سے بارش کا امکان ہے۔
ذریعہ: Islam Times
کلیدی لفظ: علاقوں میں
پڑھیں:
پری مون سون نے گرمی کا زور توڑ دیا، موسم خوشگوار مزید بارشوں کی پیشگوئی
محکمہ موسمیات کے مطابق آئندہ چند روز تک بارش، آندھی اور ٹھنڈی ہوائیں ملک کے مختلف حصوں میں موسم کو خوشگوار بنائے رکھیں گی۔ ملک بھر میں پری مون سون سسٹم سرگرم ہے۔ اسلام آباد سمیت کئی شہروں میں رات بھر جاری رہنے والی موسلادھار بارش نے موسم خوشگوار بنا دیا۔ حبس، گرمی اور لو کا زور ٹوٹ گیا، اور درجہ حرارت میں واضح کمی سے شہریوں کے چہرے کھل اٹھے۔
ٹھنڈی ہواؤں نے گرمی کے ستائے لوگوں کو راحت بخشی، جبکہ محکمہ موسمیات کے مطابق بارشوں کا سلسلہ 24 جون تک جاری رہنے کا امکان ہے۔ مری، گلیات، کشمیر اور گلگت بلتستان میں بھی بادل کھل کر برسے۔
مزید پڑھیں: پاکستان میں پہلی مون سون بارش کب ہوگی، پہلا اسپیل کب تک چلے گا؟
دوسری جانب پنجاب اور سندھ میں آج آندھی اور گرج چمک کے ساتھ بارش کی پیشگوئی ہے۔
بلوچستان میں شدید گرمی اور گرد آلود ہواؤں کا سلسلہ جاری رہے گا۔ پشاور، مردان، شانگلہ، کوہستان، ایبٹ آباد، لاہور، گوجرانوالہ، فیصل آباد، اور راولپنڈی میں بھی آندھی اور بارش کا امکان ظاہر کیا گیا ہے۔
مزید پڑھیں: مون سون 2025: معمول سے زیادہ بارشیں، سیلاب اور اربن فلڈنگ کا خطرہ، محکمہ موسمیات
زرعی ماہرین نے کہا ہے کہ بارشیں دھان کی فصل کی کاشت کے لیے مفید ہیں، مگر کسانوں کو چاہیے کہ فصل لگانے سے قبل موسم کی تازہ صورتحال ضرور معلوم کریں۔
این ڈی ایم اے نے شہریوں کو سیاحتی مقامات کا رخ کرتے وقت احتیاط برتنے اور پہاڑی علاقوں میں لینڈ سلائیڈنگ کے خدشے سے آگاہ رہنے کی ہدایت کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران پر اسرائیلی حملہ اور اقوام متحدہ!!!