آزاد کشمیر کے پہاڑ’پاک فوج زندہ باد‘ کے نعروں سے گونج اُٹھے
اشاعت کی تاریخ: 8th, May 2025 GMT
سٹی 42 : صدر ریاست آزاد جموں و کشمیر بیرسٹر سلطان محمود چوہدری کی کال پر وزیر توانائی آزاد حکومت ریاست جموں وکشمیر چوہدری ارشد حسین اور وزیر فزیکل پلاننگ و ہاؤسنگ چوہدری یاسر سلطان کی قیادت میں میرپور میں قائد اعظم اسٹیڈیم میرپور تا چوک شہیداں میرپور پاک فوج زندہ باد ریلی نکالی گئی۔
اس عظیم الشان ریلی میں میرپور کی تمام سیاسی جماعتوں،سول سوسائٹی سمیت تمام مکاتب فکر کے افراد نے بڑی تعداد میں شرکت کی۔ اس موقع پر پاک فوج کے حق میں زبردست نعرے بازی کی گئی اور پاک فوج کے ساتھ مکمل اظہاریکجہتی کیا گیا۔
ملتان؛ پاک فوج کے ساتھ اظہارِ یکجہتی کیلئے ریلی نکالی گئی
پاک فوج زندہ باد ریلی سے وزیر توانائی چوہدری ارشد حسین، وزیر فزیکل پلاننگ و ہاؤسنگ چوہدری یاسر سلطان،چیئرمین ضلع کونسل میرپور راجہ نوید اختر گوگا، میئر میونسپل کارپوریشن میرپور چوہدری عثمان خالد اور دیگر نے ریلی سے خطاب کیے، مقررین نے بھارت کی طرف سے آزاد کشمیر اور پاکستان کی شہری آبادی پر بزدلانہ حملے کی بھرپور مذمت کی اور اس بزدلانہ حملے کا منہ توڑ جواب دینے پر چیف آف آرمی سٹاف جنرل عاصم منیر اور پاک فوج کے جوانوں کو زبردست الفاظ میں خراج تحسین پیش کیا۔
ضلع خیبر باڑہ ؛ قبائلی مشران، پولیس سمیت نوجوانوں نے بڑی ریلی نکالی
ریلی سے خطاب کرتے ہوئے تمام مقررین نے اس عزم کا اظہار کیا کہ اگر بھارت نے پاکستان پر جنگ مسلط کی تو آزاد کشمیر کا بچہ بچہ پاک فوج کے ساتھ محاذ جنگ پر لڑے گا۔ پاک فوج چیف آف آرمی سٹاف جنرل عاصم منیر کی قیادت میں دشمن کی ہر طرح کی جارحیت کا مقابلہ کرنے کی صلاحیت رکھتی ہے۔
مقررین نے اقوام متحدہ اور عالمی برادری سے مطالبہ کیا کہ وہ مسئلہ کشمیر کو حل کروانے میں اپنا کردار ادا کرے۔
کرک؛ بھارتی جارحیت کیخلاف ریلی، پاکستان کیلئے ہر قربانی دینےکا اعلان
.ذریعہ: City 42
کلیدی لفظ: پاک فوج کے
پڑھیں:
ایورسٹ کی کوہ پیمائی مہنگی ہوگئی مگر نیپال کے 97 پہاڑ مفت سر کرنے کا موقع
نیپال نے سیاحت کو فروغ دینے کے لیے اگلے 2 سالوں تک اپنے 97 ہمالیائی پہاڑوں پر چڑھائی کو مفت قرار دینے کا اعلان کیا ہے، یہ پہاڑ زیادہ تر دور دراز اور کم مشہور علاقوں میں واقع ہیں۔
یہ اقدام ایسے وقت میں سامنے آیا ہے جب دنیا کی بلند ترین چوٹی، ماؤنٹ ایورسٹ، کی کوہ پیمائی کی پرمٹ فیس ستمبر سے بڑھا کر 15 ہزار ڈالر کر دی جائے گی، جو تقریباً ایک دہائی بعد پہلا اضافہ ہے۔
یہ بھی پڑھیں:
نیپال کے محکمہ سیاحت کا کہنا ہے کہ اس اقدام کا مقصد ملک کے غیر دریافت شدہ سیاحتی مقامات اور مصنوعات کو اجاگر کرنا ہے۔ کوہ پیمائی نیپال کی آمدنی کا ایک اہم ذریعہ ہے، جو دنیا کی 10 بلند ترین پہاڑی چوٹیوں کا گھر ہے۔
گزشتہ سال کوہ پیمائی سے نیپال کو 59 لاکھ ڈالر کی آمدنی ہوئی، جس کا 75 فیصد سے زیادہ صرف ماؤنٹ ایورسٹ سے حاصل ہوا۔
مزید پڑھیں:
جن پہاڑوں پر فیس معاف کی گئی ہے وہ نیپال کے صوبہ کرنالی اور سدورپشچم میں واقع ہیں، جن کی بلندی 5,970 میٹر سے 7,132 میٹر تک ہے، یہ دونوں صوبے ملک کے انتہائی پسماندہ اور کم ترقی یافتہ علاقوں میں شمار ہوتے ہیں۔
محکمہ سیاحت کے ڈائریکٹر ہمل گوتم کے مطابق، دلکش خوبصورتی کے باوجود یہاں آنے والے سیاحوں اور کوہ پیماؤں کی تعداد بہت کم ہے کیونکہ رسائی مشکل ہے۔ ’ہمیں امید ہے کہ نیا اقدام مددگار ثابت ہوگا، اس سے روزگار پیدا ہو سکتا ہے، آمدنی بڑھے گی اور مقامی معیشت مضبوط ہوگی۔‘
مزید پڑھیں: متنازع راستے سے ایورسٹ تک پہنچنے والے برطانوی سابق فوجیوں کیخلاف نیپال کا بڑا ایکشن
تاہم یہ واضح نہیں کہ حکومت نے ان دور دراز علاقوں میں بنیادی ڈھانچے اور رسائی کو بہتر بنانے کا کوئی منصوبہ بنایا ہے یا نہیں، اور اگر یہ مہم کامیاب ہوئی تو مقامی کمیونٹیز اضافی کوہ پیماؤں سے کس حد تک نمٹ سکیں گی۔
تاریخی طور پر کوہ پیماؤں کی ان 97 چوٹیوں میں دلچسپی کم رہی ہے، پچھلے 2 سالوں میں صرف 68 کوہ پیما یہاں پہنچے، جبکہ صرف 2024 میں ماؤنٹ ایورسٹ پر چڑھنے کے لیے 421 پرمٹ جاری ہوئے۔
مزید پڑھیں: سندھ حکومت نے نیپال کا کون سا ریکارڈ توڑ دیا؟
ماؤنٹ ایورسٹ، جس کی بلندی 8,849 میٹر سے زائد ہے، حالیہ برسوں میں بھیڑ، ماحولیاتی مسائل اور متعدد مہلک حادثات کا شکار رہا ہے۔ اپریل 2024 میں نیپال کی سپریم کورٹ نے حکومت کو ایورسٹ اور دیگر چوٹیوں کے لیے پرمٹ کی تعداد محدود کرنے کا حکم دیاتھا۔
جنوری 2025 میں حکومت نے پرمٹ فیس میں 36 فیصد اضافہ کیا، اپریل سے مئی کے عروج کے موسم کے علاوہ، ستمبر سے نومبر میں ایورسٹ پر چڑھنے کی فیس 7,500 ڈالر اور دسمبر سے فروری میں 3,750 ڈالر مقرر کی گئی ہے۔
مزید پڑھیں: گوگل میپ نے پھر دھوکا دیدیا، نیپال جانے والے سائیکلسٹ بھارت میں بھٹک گئے
نیپال کی پارلیمنٹ ایک نئے قانون پر بھی غور کر رہی ہے، جس کے تحت ایورسٹ پر چڑھنے کے خواہشمند کو پہلے نیپال میں 7,000 میٹر سے بلند کسی پہاڑ کو سر کرنا ہوگا، اس تناظر میں کرنالی اور سدورپشچم کے پہاڑوں کو ’مثالی تربیتی میدان‘ قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پارلیمنٹ پرمٹ فیس سپریم کورٹ سدورپشچم کرنالی ماؤنٹ ایورسٹ نیپال
عمران خان کی رہائی یقینی بنا کر دم لیں گے، بانی کے احکامات پر آج ریلیاں نکالی جارہی ہیں : بیرسٹر گوہر