جانوروں کی باتیں سمجھ سکیں گے؟ پالتو جانوروں کی زبان سمجھنے کے لئے چینی کمپنی کیجانب سے اہم خبر
اشاعت کی تاریخ: 8th, May 2025 GMT
کیا آپ نے کبھی سوچا ہے کہ آپ کی بلی یا کتا کیا کہنا چاہتا ہے؟ شاید وہ بھی کچھ باتیں ہم سے کرنا چاہتے ہوں، مگر ہم انہیں سمجھ نہیں پاتے۔ اب ایک چینی ٹیکنالوجی کمپنی نے اس مسئلے کا حل ڈھونڈنے کی کوشش شروع کی ہے۔ بیڈو (Baidu)، جو چین کے سب سے بڑے سرچ انجن کا مالک ہے، نے ایک نیا پیٹنٹ دائر کیا ہے جس میں جانوروں کی آوازوں کو انسانوں کی زبان میں ترجمہ کرنے کی کوشش کی جا رہی ہے۔ تو، کیا ہم جلد اپنے پالتو جانوروں کی باتیں سمجھ سکیں گے؟ آئیے اس دلچسپ خبر پر ایک نظر ڈالتے ہیں۔
بیڈو نے چین کی نیشنل انٹیلیکچوئل پراپرٹی ایڈمنسٹریشن کے ساتھ ایک پیٹنٹ دائر کیا ہے جس میں ایک ایسا سسٹم تجویز کیا گیا ہے جو جانوروں کی آوازوں کو انسانوں کی زبان میں ترجمہ کرے گا۔ یہ سسٹم جانوروں کی آوازوں، رویوں اور جسمانی علامات کو جمع کرے گا اور پھر ان کا تجزیہ کرے گا تاکہ جانور کی جذباتی حالت کو سمجھا جا سکے۔
اس سسٹم میں مصنوعی ذہانت یعنی ’اے آئی‘ کا استعمال کیا جائے گا جو جانوروں کے مختلف سگنلز کو پراسیس کرے گا۔ یہ سگنلز جانوروں کی آوازیں، جسمانی حرکات، اور ان کی جذباتی حالت پر کام کریں گے۔ سسٹم ان تمام معلومات کو ملا کر جانور کی جذباتی حالت کو سمجھنے کی کوشش کرے گا۔ اس کے بعد، ان جذبات کو انسانوں کی زبان میں ترجمہ کیا جائے گا تاکہ انسان اپنے پالتو جانور کی ضروریات اور جذبات کو بہتر طور پر سمجھ سکے۔
دنیا بھر میں کئی محققین جانوروں کی زبان کو سمجھنے کی کوشش کر رہے ہیں، جیسے کہ ’پروجیکٹ سیٹی‘ (CETI) اور ’ارتھ اسپیشیز پروجیکٹ‘۔ بیڈو کا یہ پیٹنٹ ان کی کوششوں کا تسلسل ہے، اور اس بات کی امید ہے کہ ایک دن ہم اپنے جانوروں کے ساتھ زیادہ بہتر اور گہرا تعلق قائم کر سکیں گے۔
چینی کمپنی کا یہ پیٹنٹ ابھی تحقیق کے مرحلے میں ہے، اس پروجیکٹ کی کامیابی یقینا ایک انقلاب ہوگا، اور ہم اپنے پالتو جانوروں کی زبان کو بہتر طور پر سمجھ سکیں گے۔ اس کا مطلب یہ ہو گا کہ ہم اپنے جانوروں کی ضروریات، درد، خوشی، یا پریشانی کو زیادہ مؤثر طریقے سے جان سکیں گے۔ یہ مستقبل کی طرف ایک اور قدم ہے۔
.
ذریعہ
ذریعہ: Daily Ausaf
کلیدی لفظ: جانوروں کی ا کی کوشش کی زبان سکیں گے کرے گا
پڑھیں:
ستاروں کی روشنی میں آپ کا آج (جمعے) کا دن کیسا رہے گا ؟
ستاروں کی روشنی میں آپ کا آج (جمعے) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
آپ کو آج اپنے معاملے میں بہتری لانے کےلئے کچھ فیصلے تو کرنے ہوںگے اور کوشش کرنی ہے کہ اب جو بھی فیصلہ ہو اس پر قائم رہیں کسی طرح بھی اب واپسی نہ کریں تو بہتر ہے۔
برج ثور، سیارہ زہرہ، 21 اپریل سے 20 مئی
آپ ایک بڑی اچھی تبدیلی کی زد میں ہیں اور لوگ اسی کوشش میں رہتے ہیں مگر آپکے نصیب میںجو ایسا ہو رہا ہے اب پوری ایمانداری سے اسے حاصل کر لیں تو بہتر ہے۔
برج جوزہ، سیارہ عطارد، 21 مئی سے 20 جون
صورتحال آج آپ کے حق میں جا رہی ہے اس لئے بسم اللہ کر کے قدم اٹھائیں قسمت بھرپور ساتھ دے گی جو لوگ عرصہ دراز سے تبدیلی کے خواہشمند تھے وہ تیاری شروع کر لیں۔
برج سرطان، سیارہ چاند، 21 جون سے 20 جولائی
آج کا دن آپ کی مالی مدد کرے گا انشاءاللہ اور کافی دِنوں سے جو تکلیف تنگ کر رہی تھی اس سے نجات حاصل ہو گی، مگر کچھ اپنے اب ساتھ بھی چھوڑتے دکھائی دیتے ہیں۔
برج اسد، سیارہ شمس، 21 جولائی سے 21 اگست
اپنے مزاج کو بدلیں اور سنجیدہ ہو جائیں اس موبائل نے آپ کو کچھ نہیں دیا ماسوائے وقت برباد کرنے کے۔آج جو سامنے آ رہا ہے اس پر اچھی طرح غور و فکر کی ضرورت ہے۔
برج سنبلہ ، سیارہ عطارد، 22 اگست سے 22 ستمبر
ایک بار پھر ماضی کی ایک غلطی سامنے آنے کا اندیشہ ہے اور جن لوگوں سے پہلے بھی دھوکا کھایا تھا وہ دوبارہ کر سکتے ہیں اس لئے آج وہ قریب بھی آئیں تو ان کو دور ہی رکھیں۔
برج میزان ، سیارہ زہرہ، 23 ستمبر سے 22 اکتوبر
آپ کو جن مسائل کا سامنا ہے اُن کے ٹھیک ہونے میں ابھی وقت درکار ہے مگر تھوڑی سی بہتری آج صبح ہی مل جائےگی اور آپ کو اپنے کاموں میں قدرے آسانیاں محسوس ہونگی۔
برج عقرب ، سیارہ مریخ، 23 اکتوبر سے 22 نومبر
ایک ٹینشن ختم ہوتی نہیں ہے کہ دوسری سر پر سوار ہو جاتی ہے،بری طرح جکڑن کا شکار لگتے ہیں آپ کو چاہئے کہ اپنا صدقہ دیں اور سات یوم لگاتار اپنی نظر بھی اتاریں۔
برج قوس ، سیارہ مشتری، 23 نومبر سے 20 دسمبر
آپ کو بار بار وارننگ دی جا رہی ہے کہ اپنے دلی معاملات پر قابو رکھیں اور توبہ کر کے واپسی کا راستہ اختیار کریں۔ آپ کے لئے صورتحال بڑی خراب ہو سکتی ہے یہ وارننگ ہے۔
برج جدی ، سیارہ زحل، 21 دسمبر سے 19 جنوری
دوسروں کی زندگی میں مداخلت نہ کریں اور نا ہی خود کسی کی زندگی میں مداخلت کریں اس طرح آپ نقصان سے بچ جائینگے آج کل ویسے ہی مخالفین بہت خلاف ہو رہے ہیں۔
برج دلو ، سیارہ زحل، 20 جنوری سے 18 فروری
مالی حالات کچھ تو بہتری کی طرف جا رہے ہیں مگر آپ کو ابھی بھی اچھے برے کی تمیز نہیں ہے غلط فیصلے کر رہے ہیں جو خود پر ظلم ہے آج کا دن صرف اپنی عقل استعمال کرنےکا ہے۔
سیارہ مشتری، 19 فروری سے 20 مارچ
اچھا دن ہے آپکو اپنے مسئلے کا حل مل سکتا ہے اور وہ کام بھی ممکن ہو گا جس سے آپ کی ایک بڑی ضرورت پوری ہو سکے گی۔ آج آپ کی صحت میں بھی بہتری آ رہی ہے بندش ٹوٹ سکتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع