واجبات کی دوسری قسط 3 سے 15 نومبر تک لازمی جمع کرادی جائے، وزارت حج
اشاعت کی تاریخ: 31st, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔ وزارت مذہبی امور نے سرکاری اسکیم کے درخواست گزاروں سے کہا ہے کہ وہ اپنے حج واجبات کی دوسری قسط 6لاکھ 50ہزار روپے 3 سے 15نومبر تک اپنے متعلقہ بنک میں جمع کرا کر کمپیوٹرائزڈ رسید حاصل کریں، دوسری قسط بروقت جمع نہ کرانے کی صورت میں حج درخواست منسوخ تصور ہوگی، آن لائن ادائیگی والے عازمین حسب سابق آن لائن پورٹل استعمال کرسکتے ہیں۔
جمعہ کو وزارت مذہبی امور کے ترجمان عمر بٹ نے کہا کہ حج 2026ءکے جو درخواست گزار واجبات کی پہلی قسط جمع کرا چکے ہیں وہ دوسری قسط 3تا 15نومبر 2025ءتک جمع کراسکتے ہیں۔
ایسے افراد جو مکة المکرمہ میں ڈبل بیڈ فیملی روم کی اختیاری سہولت حاصل کرنا چاہتے ہیں وہ 2لاکھ روپے فی کس اضافی جمع کرائیں گے، جبکہ ٹرپل بیڈ فیملی روم کی اختیاری سہولت حاصل کرنے کے لیے 67ہزار روپے فی کس جمع کرانے ہوں گے، یہ دونوں سہولیات صرف مکة المکرمہ میں ہی دستیاب ہوں گی، بعد میں حج پیکج تبدیل کرنا ممکن نہیں ہوگا، لہٰذا دوسری قسط جمع کراتے وقت پیکج کا انتخاب کیا جاسکتا ہے۔
انہوں نے کہا کہ دوسری قسط جمع کراتے وقت بنک سے کوائف کی تصحیح اور پیکج کی تبدیلی صرف شارٹ سے لانگ حج کے حوالے سے کرائی جاسکتی ہے جبکہ لانگ سے شارٹ حج پیکج کی تبدیلی کے لیے بذریعہ بنک وزارت مذہبی امور میں درخواست بھجوانا ہوگی، جسے صرف دستیابی کی صورت میں ہی منظور کیا جائے گا۔
انہوں نے کہا کہ دوسری قسط جمع کرانے سے قبل اپنی متعلقہ بنک برانچ سے اپنے کوائف میں کسی قسم کی درستگی کرائی جاسکتی ہے، گروپنگ کے مسائل شناختی کارڈ نمبرکی درستگی کے لیے وزارت کے متعلقہ حج آفیسر، انچارج آئی ٹی سیل کو تحریری درخواست بھی بھجوانا ہوگی۔
انہوں نے مزید کہا کہ دوسری قسط بروقت جمع نہ کرانے کی صورت میں حج درخواست منسوخ تصور ہوگی،کسی بھی مرحلے پر حج داخلہ منسوخ کرانے کی صورت میں وزارت مذہبی امور ضوابط کے مطابق کٹوتی کی مجاز ہے، منسوخ شدہ درخواستوں کی بقیہ رقم درخواست گزار کے متعلقہ بنک اکاﺅنٹ میں واپس بھجوائی جائے گی۔
ذریعہ: Jasarat News
کلیدی لفظ: کی صورت میں کہا کہ
پڑھیں:
پی ایس ایل کی دو نئی ٹیموں کے لیے نیلامی ہوگی، سی ای او
پاکستان سپر لیگ (پی ایس ایل) کے سی ای او نے کہا ہے کہ کہ دو نئی ٹیموں کے لیے نیلامی ہوگی۔
نیشنل اسٹیڈیم کراچی میں پریس کانفرنس کرتے ہوئے پی ایس ایل ایل کے سی ای او سلمان نصیر نے کہا کہ بڈ کرنے والی پارٹیز کو شہروں کے نام کا پول دیا جائے گا جس میں سے انہیں انتخاب کرنا ہوگا۔
سلمان نصیر نے کہا کہ نئی ٹیموں کے شہروں میں بھی میچز کروائے جائیں گے۔
انہوں نے کہا کہ ہم نے دسویں ایڈیشن کے بعد ویلیوایشن دوبارہ کرانے کا فیصلہ کیا تھا جس کی رپورٹ رواں ہفتے سامنے آ جائے گی۔
لیگ کے سی ای او کا کہنا تھا کہ گیارہویں ایڈیشن کے میچز پشاور میں بھی کروانے کا ارادہ ہے۔
سلمان نصیر نے کہا کہ کراچی میں میچز کے دوران تماشائیوں کو لانے کیلیے مشترکہ اقدامات کریں گے۔ اسٹیڈیم میں تزئین و آرائش کے کام کو بھی مد نظر رکھا جائے گا۔
انہوں نے کہا کہ پی ایس ایل کی الگ کمپنی بن گئی ہے، پی سی بی کے وسیع تر وسائل اور تجربہ لیگ کے لیے سود مند ہے۔
مسلم لیگ (ن) کا ضمنی انتخابات کیلئے متعدد امیدواروں کو ٹکٹ جاری کرنے کا فیصلہ