معروف اداکار عزیر عباسی چل بسے
اشاعت کی تاریخ: 1st, November 2025 GMT
پاکستانی ٹیلی ویژن انڈسٹری کے معروف سینئر اداکار عزیر عباسی طویل علالت کے بعد اس دارفانی سے کوچ کر گئے۔
عزیر عباسی پاکستانی ڈرامہ انڈسٹری کے ایک ستون کی حیثیت سے کئی دہائیوں تک اپنے فن کے جوہر دکھاتے رہے اور متعدد یادگار کرداروں کے ذریعے شائقین کے دلوں میں ہمیشہ کے لیے جگہ بنا گئے۔
عزیر عباسی کو ڈرامہ سیریل ’انتقام‘ میں رشید بابا کے کردار سے عوام میں بے پناہ مقبولیت حاصل ہوئی، جہاں ان کی شاندار اداکاری اور شائستہ اردو تلفظ نے ناظرین کو بے حد متاثر کیا۔ ان کے فنی سفر کے دیگر قابل ذکر ڈراموں میں ’کراچی ڈویژن‘، ’باشو‘، ’ہیر رانجھا‘ اور ’کھلونا‘ جیسے مشہور سیریلز شامل ہیں۔
اداکار کا تعلق ایک ایسے فنکار خاندان سے تھا جس کی جڑیں پاکستانی انڈسٹری میں گہری ہیں۔ ان کے بڑے بھائی زبیر عباسی معروف پروڈیوسر اور ڈائریکٹر تھے، جبکہ وہ موجودہ دور کے مقبول اداکار شمعون عباسی کے چچا تھے۔
شمعون عباسی نے اپنے چچا کے انتقال پر گہرے دکھ کا اظہار کرتے ہوئے سوشل میڈیا پر لکھا ’’میرے پیارے چچا آج ہمیں چھوڑ کر چلے گئے، براہِ کرم ان کی مغفرت کے لیے سورۃ الفاتحہ پڑھیں۔‘‘
عزیر عباسی کے انتقال کی خبر پر ان کے مداح اور ساتھی فنکار غم کا اظہار کرتے ہوئے ان کی مغفرت کیلئے دعائیں کر رہے ہیں۔
TagsShowbiz News Urdu.
ذریعہ: Al Qamar Online
پڑھیں:
پاکستان کے بیوٹی ورلڈ مڈل ایسٹ 2025 ء میں منفرد تاثر
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)دبئی میںآج اختتام پذیر ہونے والی بیوٹی ورلڈ مڈل ایسٹ 2025 ایک شاندار اور دلکش انداز میں مکمل ہوئی، جس میں پاکستان نے سال کی سب سے بڑی بیوٹی اور ویلنس تجارتی نمائش میں متاثر کن شرکت کے ذریعے نمایاں مقام حاصل کیا۔ یہ نمائش 27 سے 29 اکتوبر 2025 تک دبئی ورلڈ ٹریڈ سینٹر میں جاری رہی۔دنیا بھر سے 75,000 سے زائد وزیٹرز اور 2,400 نمائش کنندگان کی شرکت کے ساتھ ، اس نمائش کا 29واں ایڈیشن عالمی بیوٹی انڈسٹری کے سب سے بڑے اور اہم ایونٹس میں سے ایک ثابت ہوا۔پاکستانی ایکسپورٹرز، مینوفیکچررز اور ڈسٹری بیوٹرز کو تین روزہ نمائش کے دوران غیر ملکی خریداروں سے ملاقات، نئے مارکیٹس تک رسائی، اور پاکستان کی بیوٹی انڈسٹری کی تخلیقی صلاحیت، اور معیار کو پیش کرنے کا شاندار موقع ملا۔اس سال پاکستان کی شمولیت خاص طور پر نمایاں رہی، جہاں 40 معروف بیوٹی اور پرسنل کیئر کمپنیاں نمائش میں شریک ہوئیں۔ ان میں سے 16 کمپنیاں پاکستان پویلین کے تحت شریک تھیں، جبکہ دیگر کمپنیوں نے اپنے علیحدہ اسٹالز قائم کیے — جو ملک کی تیزی سے ترقی کرتی ہوئی کاسمیٹکس انڈسٹری کا عکاس ہے۔انفرادی طور پر شریک کمپنیوں میں جنید جمشید (J.)، ہاشمی سرمہ، سعید غنی، ریواج کاسمیٹکس ، اولیویا مسکاتیہ ، اور گولڈن پرل کاسمیٹکس شامل تھیں، جبکہ شہزاد مہر، نورانی اینڈ کمپنی، اور کیس کاسمیٹکس نے پاکستان پویلین کے تحت اپنی مصنوعات پیش کیں۔بیوٹی ورلڈ مڈل ایسٹ 2025 آج شاندار کامیابی کے ساتھ اختتام پذیر ہوئی۔نمائش کے دوران خریداروں اور نمائش کنندگان دونوں نے غیر معمولی جوش و خروش اور مثبت توانائی کا مظاہرہ کیا، جس نے اس ایڈیشن کو عالمی بیوٹی انڈسٹری کی سب سے مؤثر اور یادگار نمائشوں میں شامل کر دیا۔
ہنگو؛ پولیس چیک پوسٹ پر مسلح افراد کی فائرنگ، اہلکار زخمی، حملہ آور ہلاک