ڈرون حملوں کی شدید مذمت، بھارت کو خمیازہ بھگتنا پڑے گا: مریم نواز
اشاعت کی تاریخ: 9th, May 2025 GMT
لاہور (نوائے وقت رپورٹ) وزیراعلیٰ مریم نواز شریف نے اہم فیصلہ کرتے ہوئے پنجاب میں سول ڈیفنس اور ریسکیو 1122کی فرضی مشقیں شروع کرا دیں۔ صوبہ بھر میں محکمہ سول ڈیفنس کو پوری طرح فعال کر تے ہوئے فرضی مشقوں کا آغاز کر دیا گیا۔ چھوٹے بڑے شہر وں میں شہری دفاع کی مشقیں کی جا رہی ہیں۔ مریم نواز نے ضلعی انتظامیہ کو سول ڈیفنس ایکسرسائز کی مانیٹرنگ کی ہدایت کی۔ ریسکیو 1122 نے بھی مختلف شہروں میں موک ایکسرسائز کرنے کا آغاز کر دیا۔ ہنگامی حالات سے نمٹنے کیلئے اور خطرات سے بچاؤ کے لئے ریسکیو 1122کی فرضی مشقیں جاری ہیں۔ کسی بھی ہنگامی صورتحال سے نمٹنے کیلئے سول ڈیفنس اور ریسکیو 1122کو ہمہ وقت مستعد رہنے کی ہدایت کی۔ علاوہ ازیں مریم نواز نے لاہور سمیت دیگر مقامات پرڈرون حملوں کی شدید مذمت کی ہے۔ مریم نواز نے بھارتی ڈرون بروقت گرانے پر پاک فوج کو خراج تحسین پیش کیا ہے۔ وزیراعلیٰ نے انتظامیہ، پولیس، ریسکیو سروسز اور پاک فضائیہ کے بروقت ریسپانس کو سراہا اورلاہور، گوجرانوالہ، چکوال، راولپنڈی، اٹک، بہاولپور او ردیگر شہروں میں پولیس، انتظامیہ اور دیگر اداروں کو ہمہ وقت الرٹ رہنے کی ہدایت کی۔ مریم نواز نے ڈرون حملو ں میں زخمیوں کی جلد صحت یابی کی دعا کی ہے اور پنجاب کے مختلف شہروں میں ڈرون حملوں کے دوران زخمی شہری اور افسران کے بہترین علاج کی ہدایت کی۔ وزیراعلیٰ نے متعلقہ علاقوں میں انتظامی افسروں کو زخمیوں کے علاج کی مانیٹرنگ کی ہدایت کی۔ مریم نواز نے کہاکہ کمسن بچوں سمیت بے گناہ شہریوں کو شہید کر کے بھارت نے ننگی جارحیت کا ارتکاب کیا ہے۔ بھارت کو بے گناہ شہریوں پر حملے کا خمیازہ بھگتنا ہو گا۔ پوری قوم پاک فوج کے افسروں اور سپاہیوں کو سلام پیش کرتی ہے۔ دنیا بھر میں بھارتی پائلٹ کی نااہلی اور ناکامی کا استعارہ بن چکے ہیں۔ بھارت کا غرور رافیل طیارے زمین پر ملبے کا ڈھیر بن چکے ہیں۔ شہداء کا خون رائیگاں نہیں جائے گا، ایک ایک قطرے کا حساب دینا ہوگا-بھارت نے آبی ذخائر پر حملہ کر کے عالمی قوانین کی واضح خلاف ورزی کی ہے۔
.ذریعہ: Nawaiwaqt
کلیدی لفظ: مریم نواز نے کی ہدایت کی سول ڈیفنس
پڑھیں:
پاکستان تحریک انصاف کی ایران پر امریکی حملوں کی شدید الفاظ میں مذمت
مذمتی بیان میں کہا گیا ہے کہ جوہری تنصیبات پر بلااشتعال امریکی حملہ ایران کی خودمختاری، علاقائی سالمیت، اقوام متحدہ کے چارٹر اور اس کے اپنے آئین کی سنگین خلاف ورزی ہے۔ ایسا نہیں کہ اس حملے کو کسی بھی طرح سے جائز قرار دیا جاتا، یہاں تک کہ کانگریس کی منظوری بھی نہیں مانگی گئی۔ اسلام ٹائمز۔ پاکستان تحریک انصاف کی ایران پر امریکی حملوں کی شدید الفاظ میں مذمت کی ہے۔ پی ٹی آئی کی جانب سے جاری مذمتی بیان میں کہا گیا ہے کہ جوہری تنصیبات پر بلااشتعال امریکی حملہ ایران کی خودمختاری، علاقائی سالمیت، اقوام متحدہ کے چارٹر اور اس کے اپنے آئین کی سنگین خلاف ورزی ہے۔ ایسا نہیں کہ اس حملے کو کسی بھی طرح سے جائز قرار دیا جاتا، یہاں تک کہ کانگریس کی منظوری بھی نہیں مانگی گئی۔ ایران پر ایک ایسے وقت میں حملہ کیا گیا جب اسے پہلے ہی اسرائیلی جارحیت کا سامنا تھا، جس کا مقصد ایران کو تابعداری میں لانا تھا، خطے میں موجودہ کشیدگی کو مزید بڑھا دے گا۔ مذمتی بیان میں مزید کہا گیا ہے کہ یہ حملہ بین الاقوامی معاہدوں، اصولوں، قانون کی پابندیوں، پرامن بقائے باہمی کے تصور کے احترام اور انسانیت کے تقاضوں کی حقارت آمیز غفلت کو بھی ظاہر کرتا ہے۔ اس عمل میں، دنیا کو ایک بے قابو ہنگامے کے کنارے پر دھکیل دیا گیا ہے۔
مذمتی بیان میں کہا گیا ہے کہ پاکستان تحریک انصاف اس بلااشتعال حملے کی شدید مذمت کرتی ہے، پی ٹی آئی ایران کیخلاف مخاصمت کے مکمل خاتمے اور جارحیت کا سہارا لئے بغیر پُرامن طریقے سے تصفیہ طلب مسائل کو حل کرنے کا مطالبہ کرتی ہے۔مذمتی بیان میں کہا گیا ہے کہ پی ٹی آئی ایران کی خودمختاری، علاقائی سالمیت اور اپنے وسائل کو پُرامن مقاسد کیلئے استعمال کرنے کے حق کی مکمل حمایت کا اعادہ کرتی ہے، ہم اپنے برادر ملک کے عوام کیساتھ مضبوطی سے کھڑے ہیں جو اپنی آزادی کے حق پر زور دینے کی جنگ میں مصروف ہیں۔
برطانوی ایف 35کی بھارت میں ہنگامی لینڈنگ