بھارت نے کراچی پورٹ کا ایکس اکاؤنٹ ہیک کرکے حملے کی جھوٹی خبر دی، ترجمان کے پی ٹی
اشاعت کی تاریخ: 9th, May 2025 GMT
— فائل فوٹو
بھارت کی جانب سے کراچی پورٹ ٹرسٹ (کے پی ٹی) کا سوشل میڈیا اکاؤنٹ ہیک کرلیا گیا تھا۔
کراچی پورٹ ٹرسٹ (کے پی ٹی) کے ترجمان نے بتایا کہ کراچی پورٹ کی آئی ٹی ٹیم نے آفیشل اکاؤنٹ فوری ریکور کرلیا ہے۔
اُنہوں نے کہا کہ کراچی پورٹ سے متعلق مضحکہ خیز خبر جاری کرنا بھارت کی بچکانہ حرکت ہے۔
اُنہوں نے یہ بھی بتایا کہ کراچی پورٹ پر جہازوں کی آمدورفت معمول کے مطابق جاری ہے، بھارت کی جانب سے جو خبر دی گئی وہ جھوٹی ہے۔
کراچی پورٹ ٹرسٹ (کے پی ٹی) کے سوشل میڈیا اکاؤنٹ پر ایک پوسٹ میں بھی عوام اور میڈیا کو اس حوالے سے آگاہ کیا گیا ہے۔
پوسٹ میں لکھا ہے کہ یہ اکاؤنٹ ہیک ہوگیا تھا، کراچی پورٹ بالکل محفوظ ہے۔
ایک اور پوسٹ میں لکھا ہے کہ بھارت نے کے پی ٹی کا آفیشل ٹوئٹر اکاؤنٹ ہیک کرلیا تھا اور ہیک کرنے کے بعد آفیشل اکاؤنٹ سے پورٹ کے بارے میں جھوٹی خبر دی۔
پوسٹ میں پاکستانی میڈیا سے اپیل کرتے ہوئے لکھا ہے کہ براہ مہربانی، کوئی بھی خبر نشر کرنے سے پہلے پورٹ کی پبلک ریلیشن ٹیم سے اس کی تصدیق کروائیں۔
واضح رہے کہ نیشنل سائبر ایمرجنسی ریسپانس ٹیم نے پاک بھارت کشیدگی کے درمیان سائبر حملوں کے پیشِ نظر ایڈوائزری پہلے ہی جاری کر رکھی ہے۔
.ذریعہ: Jang News
کلیدی لفظ: کراچی پورٹ پوسٹ میں کے پی ٹی
پڑھیں:
بھارت نے پاکستان پر ایک اور حملے کا اشارہ دے دیا
بھارت نے پاکستان پر ایک اور حملے کا اشارہ دے دیا ہے۔ بھارتی وزیر دفاع راج ناتھ سنگھ نے ایک بار پھر پاکستان کو نام نہاد فوجی کارروائیوں کی دھمکیاں دیں۔
بھارتی وزیر دفاع نے حالیہ ’’آپریشن سندور‘‘ کا حوالہ دیتے ہوئے کہا کہ اس کا ”پارٹ ون“ یا ”پارٹ ٹو“ بھی ہو سکتا ہے۔
#WATCH | #OperationSindoor | Rabat, Morocco: At the interaction with the Indian community in Morocco, Defence Minister Rajnath Singh says, "The terrorists came here and killed our citizens after asking their religion. Humne kisi ka dharm dekh kar nahi, unka karm dekh kar maara… pic.twitter.com/EKiewH5xBo
— ANI (@ANI) September 22, 2025
خیال رہے کہ 22 اپریل 2025 کو پہلگام واقعے کے بعد سات مئی کو علی الصبح بھارت نے اپنے نئے اور جدید رافیل طیاروں سمیت پوری قوت سے جارحیت دکھاتے ہوئے پاکستان پر حملوں کا غیر معمولی آغاز کیا تھا۔ لیکن پاکستان کی فضائیہ بھی متوقع حملے کے لیے ہردم تیار اور چوکس تھی۔
اس فضائی کارروائی میں پاکستان نے بھارت کے رافیل سمیت 6 طیارے اور ایک اسرائیلی ساختہ ڈرون مار گرایا تھا۔ اس کے علاوہ پاکستان نے بھارت کے کئی اہم عسکری اہداف کو نشانہ بنایا، یہاں تک کہ ایک ایس-400 فضائی دفاعی نظام بھی تباہ کردیا گیا۔ پاکستان نے اپنی اس جوابی کارروائی کو ”آپریشن بنیان مرصوص“ کا نام دیا۔
اس جواب کے بعد بھارت کو سانپ سونگھ گیا اور اس نے سیز فائر کے لیے امریکا سے درخواست کی۔ اس کے بعد ہزیمت چھپانے اور نقصانات کے حوالے سے عوامی دباؤ پر بھارتی ایئر چیف نے مضحکہ خیز دعویٰ کرتے ہوئے کہا کہ بھارتی فضائیہ نے 5 پاکستانی طیارے گرائے، لیکن ثبوت پیش نہ کرسکے۔
بھارتی فوج کے سابق افسر اور دفاعی تجزیہ ماہر پراوین ساہنی کہہ چکے ہیں کہ پاک فضائیہ نے جنگ کے آغاز میں ہی فضا میں برتری حاصل کر لی تھی جس نے جنگ کا نتیجہ متعین کر دیا تھا۔ انہوں نے بھارتی ایئر چیف سے استعفے کا مطالبہ بھی کیا۔
حقیقت یہ ہے کہ بھارت اپنی ناکامیوں اور اندرونی خلفشار کو چھپانے کے لیے پاکستان کے خلاف پروپیگنڈا کر رہا ہے۔
یاد رہے کہ پلوامہ سے لے کر پہلگام تک ہر بڑے واقعے کے بعد بھارت نے بغیر ثبوت پاکستان پر الزام تراشی کی، مگر عالمی سطح پر ہمیشہ شرمندگی کا سامنا کرنا پڑا۔ نہ تو بھارت اپنے دعوؤں کے ثبوت دے سکا اور نہ ہی پاکستان کے خلاف کوئی سازش کامیاب ہوئی۔
ماہرین کے مطابق مودی سرکار الیکشن سے پہلے عوام کی توجہ اصل مسائل سے ہٹانے کے لیے پاکستان کارڈ کھیل رہی ہے۔ بڑھتی ہوئی مہنگائی، کسانوں کے احتجاج، اقلیتوں پر مظالم اور کشمیری عوام کی جدوجہد آزادی نے بھارت کے مکروہ چہرے کو دنیا کے سامنے عیاں کر دیا ہے۔
پاکستانی دفاعی ماہرین کا کہنا ہے کہ بھارت کی کوئی بھی مہم جوئی خطے کے امن کے لیے سنگین خطرہ ہوگی، اور پاکستان کی مسلح افواج ہر جارحیت کا منہ توڑ جواب دینے کی بھرپور صلاحیت رکھتی ہیں۔
Post Views: 1
چترال میں شدید بارشیں، سیلاب نے تباہی مچادی