ہندوستان دنیا کا سب سے بڑا دہشت گرد ہے: حنیف عباسی
اشاعت کی تاریخ: 9th, May 2025 GMT
حنیف عباسی— فائل فوٹو
وفاقی وزیرِ ریلوے حنیف عباسی نے کہا ہے کہ بھارت نے ہمارے معصوم بچوں کو مارا اور دنیا ہندوستان کا یہ چہرہ اپنے سامنے رکھے۔
وفاقی وزیر ریلوے حنیف عباسی نے ایوان میں اظہار خیال کرتے ہوئے کہا کہ یہ وہ موقع ہے جب پاکستانی کو یک زبان ہو کردشمن کو پیغام دینا ہے۔
حنیف عباسی کا کہنا تھا کہ دشمن نے رات کی تاریکی میں جو پاکستان پر حملہ کیا وہ نئی بات نہیں، بزدل دشمن نے ہمیشہ رات کی تاریکی میں حملہ کیا۔
وزیرِ ریلوے حنیف عباسی نے راولپنڈی انسٹی ٹیوٹ آف کارڈیالوجی میں نئے بلاک کا افتتاح کر دیا۔
انہوں نے بتایا کہ آج ہمارے شاہینوں نے وہ طیارے گرائے جس کا گجرات کا قصاب مودی ڈھنڈورا پیٹتا تھا۔
وفاقی وزیر نے کہا کہ ہندوستان دنیا کا سب سے بڑا دہشت گرد ہے۔ نیپال، آسٹریلیا، کینیڈا، بنگلادیش، برطانیہ میں بھارت دہشت گردی کرتا ہے۔
انہوں نے پاکستان کی دہشت گردی کے خلاف جنگ کا حوالہ دیتے ہوئے کہا کہ ہم ایک فوجی کے مقابلے میں 100 دہشت گرد ماریں گے، ہم 30 سال سے جنگ لڑ رہے ہیں۔
حنیف عباسی نے کہا کہ آپ نے ہمارے معصوم شہریوں کی جان لی اور آج آپ کے سپاہی سفید جھنڈے لہرا رہے ہیں۔
انہوں نے بتایا کہ اب جہاز اڑنے کا فیصلہ ہم نے کرنا ہے، شاہینوں نے اپنی حدود میں رہ کر آپ کو ٹارگٹ کیا، ہم نے آپ کا ایک شہری نہیں مارا، ابھی ہم نے کچھ نہیں کیا، ابھی ہماری بارے آئے گی۔
بھارتی حکمران جماعت بی جے پی کو آئینہ دکھاتے ہوئے انہوں نے کہا کہ ہم نے دہشت گردی میں آج تک اپنا حصہ نہیں ڈالا، جب بی جے پی اقتدار میں آتی ہے تو دہشت گردی کرتے ہیں۔
پاک فوج کی حالیہ کامیابیوں پر روشنی ڈالتے ہوئے انہوں کہا کہ سندور کو پاکستانی فوج نے تندور بنادیا۔
انہوں بھارتی پروپیگنڈے کا جواب دیتے ہوئے کہا کہ بھارت نے کہا کہ بانی پی ٹی آئی کے ساتھ جیل میں زیادتی ہوئی اسکی تردید کرتا ہوں۔
انہوں نے مزید کہا کہ ان کےلیے پیغام ہے جس نے پاکستان کا کھایا اور بڑے ہوئے، پاکستان کے جہاز میں سفر کر کے دنیا میں گئے، اب وہاں جا کر پاکستان کی مخالفت کر رہے ہیں۔
حنیف عباسی کا کہنا تھا کہ جو پاکستان میں بیٹھ کر فوج پر تنقید کرے گا وہ غدار وطن کہلائے گا، جو باہر بیٹھے ہیں وہ سن لیں، ہم جنگ سے فارغ ہو کر آپ کو گھسیٹ کر لائیں گے۔
.
ذریعہ
ذریعہ: Jang News
کلیدی لفظ: حنیف عباسی نے نے کہا کہ
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع