آئرلینڈ کی خاتون فٹبالر کا انوکھا ریکارڈ!
اشاعت کی تاریخ: 9th, May 2025 GMT
آئرلینڈ کی ایک خاتون اسٹار فٹبالر نے اپنی گیند پھینکنے کی صلاحیت کا مظاہرہ کر کے فٹبال تھرو-اِن کا گینیز ورلڈ ریکارڈ قائم کر دیا۔
انگلینڈ کی ایک ٹیم لندن سٹی لائنیسز کی جانب سے کھیلنے والی 31 سالہ میگن کیمبل نے فٹبال کو اوورہیڈ تھرو کر کے 123 فٹ اور 2 انچز کے فاصلے پر پھینک کر ٹائٹل اپنے نام کر لیا۔
کھلاڑی کی پھینکی گئی تھرو بولنگ ایلے لین کی لمبائی سے سے دُگنا فاصلہ طے کیا اور بلیو وھیل کی لمبائی سے 40 فٹ سے زیادہ تھا۔
میگن کو یہ ریکارڈ حاصل کرنے کے لیے 114 فٹ اور 9 انچز کا فاصلہ طے کرنا تاکہ خواتین کی کیٹیگری میں پہلے نمبر پر آ سکیں۔
میگن کا کہنا تھا کہ اگر کوئی اور کھلاڑی یہ ٹائٹل اپنے نام کر لیتی ہیں تو ان کو مایوسی نہیں ہوگی بلکہ ان کو خوش آمدید کہیں گی۔
.ذریعہ: Express News
پڑھیں:
ناروے کپ کے ہیروز لیاری کراچی کی فٹبال ٹیم کا سندھ اسمبلی میں شاندار استقبال
سینئر وزیر شرجیل میمن نے وزیرِ اعلیٰ سندھ اور اسپورٹس ڈپارٹمنٹ کی جانب سے ان کھلاڑیوں کو انعامات دینے کی یقین دہانی کرائی اور کہا کہ ان کے شایانِ شان انعامات کا باضابطہ اعلان جلد کیا جائے گا۔ اسلام ٹائمز۔ ناروے کپ جیت کر ملک و قوم کا نام روشن کرنے والی لیاری کراچی کی فٹ بال ٹیم پارلیمانی سیکریٹری و ایم پی اے لیاری شازیہ کریم سنگھار کے ہمراہ سندھ اسمبلی پہنچی۔ اسپیکر سندھ اسمبلی اویس قادر شاہ، سینئر وزیر شرجیل انعام میمن، سابق اسپیکر آغا سراج درانی اور اپوزیشن رہنما صابر راجپوت نے فلور آف دی ہاؤس پر کھڑے ہو کر ٹیم کو شاندار الفاظ میں خوش آمدید کہا۔ ارکانِ اسمبلی نے ان نوجوان کھلاڑیوں کو ’قومی ہیروز‘ قرار دیتے ہوئے کہا کہ انہوں نے پاکستان اور سندھ کا وقار بلند کیا ہے۔ سینئر وزیر شرجیل میمن نے وزیرِ اعلیٰ سندھ اور اسپورٹس ڈپارٹمنٹ کی جانب سے ان کھلاڑیوں کو انعامات دینے کی یقین دہانی کرائی اور کہا کہ ان کے شایانِ شان انعامات کا باضابطہ اعلان جلد کیا جائے گا۔
اس موقع پر دلچسپ صورتحال اس وقت پیدا ہوئی، جب آغا سراج درانی نے وزیر ٹرانسپورٹ شرجیل میمن کو تجویز دی کہ بچوں کو ریڈ بس کا تحفہ بھی دیا جائے، تاکہ انہیں انٹر سٹی میچز میں آمد و رفت کی سہولت میسر ہو۔ اس تجویز پر اسمبلی ارکان نے ڈیسک بجا کر بھرپور تائید کی، جس سے ناروے کپ کے فاتح کھلاڑیوں میں خوشی کی لہر دوڑ گئی۔ پارلیمانی سیکریٹری و ایم پی اے شازیہ کریم سنگھار کے ہمراہ سندھ اسمبلی پہنچنے والی ٹیم نے عالمی فٹبال ایونٹ ناروے کپ 2025ء اپنے نام کر کے دنیا بھر میں سبز ہلالی پرچم لہرایا۔ ’بیٹر فیوچر پاکستان‘ کے نام سے میدان میں اُترنے والی لیاری کراچی کے باصلاحیت نوجوانوں کی اس جیت نے ناصرف کھیل کے میدان میں تاریخ رقم کی، بلکہ پاکستان کا نام عالمی افق پر فخر سے بلند کیا۔
مادر ملت کا یوم پیدائش عزت و احترام سے منایا گیا، ایرانی سفارتخانے کا خراج عقیدت