نیتن یاہو ہمیں قتل کرنا چاہتا ہے، صیہونی اسیر
اشاعت کی تاریخ: 11th, May 2025 GMT
حماس کی عسکری شاخ، القسام بریگیڈز نے ہفتے کی شب ایک نئی ویڈیو جاری کی جس میں صیہونی قیدیوں کی مایوسی اور ذہنی دباؤ کو دکھایا گیا ہے۔ اسلام ٹائمز۔ حماس کی عسکری شاخ، القسام بریگیڈز نے ہفتے کی شب ایک نئی ویڈیو جاری کی جس میں صیہونی قیدیوں کی مایوسی اور ذہنی دباؤ کو دکھایا گیا ہے۔ فارس نیوز کے مطابق، ویڈیو میں قیدیوں نے اسرائیلی وزیر اعظم بنیامین نیتنیاہو کو مخاطب کرتے ہوئے کہا کہ وہ پاگل ہو چکا ہے اور اس کا ارادہ ہے کہ تمام قیدیوں کو مروادے۔ ویڈیو میں موجود قیدیوں کی شناخت ظاہر نہیں کی گئی، صرف اُنہیں نمبر 21 اور 22 سے پکارا گیا ہے۔ قیدی نمبر 21 نے بتایا کہ اُس کا ذہنی حال بہت خراب ہے اور جاری جنگ اُس اور دوسرے قیدیوں کی جانوں کے لیے خطرہ بن چکی ہے۔ اس نے کہا کہ قیدی نمبر 22 نے خود کو نقصان پہنچانے کی کوشش کی، خاص طور پر جب اُسے معلوم ہوا کہ غزہ کی جنگ جلد ختم ہونے والی نہیں ہے۔
تاہم، القسام کے ایک رکن نے اُسے روک دیا۔ اس وقت وہ نہ کھا رہا ہے اور نہ پانی پی رہا ہے، کیونکہ خوراک بہت محدود ہے اور محاصرہ بھی جاری ہے۔ اسیر نے مزید کہا کہ ہر لمحہ یہاں زندگی بہت مشکل ہو چکی ہے۔ نہ ہم سو سکتے ہیں اور نہ سکون سے جی سکتے ہیں۔ اُس نے نیتنیاہو کی کابینہ کو مخاطب کرتے ہوئے کہا کہ کس چیز کا انتظار ہے؟ ہمارا مقدر تمہارے ہاتھ میں ہے۔ پاگل ہو گئے ہو؟ جنگ کو ابھی ختم کیوں نہیں کرتے؟ اسیر نے صیہونی عوام کو بھی پیغام دیا کہ ابھی تک کچھ قیدی زندہ ہیں۔ اگر تم جاننا چاہتے ہو کہ کتنے قیدی باقی ہیں تو نیتن یاہو سے پوچھو، کیونکہ اُسے وہ سب پتا ہے جو تم نہیں جانتے۔
اسیر نے نیتن یاہو کی بیوی کو مخاطب کرتے ہوئے کہا کہ اور کتنے قیدیوں کی موت چاہتی ہو تا کہ ہم اپنے گھروں کو لوٹ سکیں؟ اس نے اسرائیلی پائلٹس سے بھی سوال کیا کہ جو اب بھی ہمیں بمباری کا نشانہ بنا رہے ہیں، وہ اپنے خاندانوں کو کیا جواب دیں گے؟ اس ویڈیو کے بعد ایک قیدی کے والد نے کہا کہ وہ صدمے میں ہے اور فوری جنگ بندی کا مطالبہ کیا۔ دریں اثنا، قیدیوں کے خاندان روزانہ نیتن یاہو کے خلاف مظاہرے کرتے ہیں اور حکومت کی برطرفی کا مطالبہ کر رہے ہیں، کیونکہ وہ صرف اقتدار بچانے کے لیے جنگ بندی اور قیدیوں کے تبادلے کو روک رہا ہے۔
ذریعہ: Islam Times
کلیدی لفظ: قیدیوں کی نیتن یاہو کہا کہ ہے اور
پڑھیں:
حزب الله کو غیر مسلح کرنا دشوار ہے، فرانس
اپنے ایک بیان میں صیہونی وزیر جنگ کا کہنا تھا کہ اگر حزب الله نے ہتھیار نہ پھینکے تو اسرائیل بمباری جاری رکھے گا۔ اسلام ٹائمز۔ فرانس کی وزارت خارجہ کے ترجمان "پاسكل كنفرو" نے اعتراف کیا کہ "حزب الله" کو غیر مسلح کرنا لبنانی فوج کی ذمے داری ہے۔ مذکورہ فرانسوی عہدے دار نے صیہونی وزراء سے ہم آہنگ ہو کر لبنانی مزاحمت کو غیر مسلح کرنے کی ضرورت کا دعویٰ کیا، تاہم انہوں نے ساتھ ہی کہا کہ یہ کام مشکل ہے اور اس کے لئے روزانہ اقدامات کرنے ضرورت ہے۔ پاسكل كنفرو نے کہا کہ اسرائیل، لبنان کے پانچ اہم مقامات سے اپنی فوجیں واپس بلانے کا خواہاں ہے۔ انہوں نے جنوبی لبنان پر صیہونی حملوں کی مذمت کی جس کے نتیجے میں متعدد شہری شہید ہوئے۔ واضح رہے کہ یہ بیانات اس وقت سامنے آئے جب یورپی ممالک خاص طور پر فرانس نے غزہ اور لبنان میں اسرائیلی جرائم کی کُھل کر حمایت کی، نیز گزشتہ دو سال کے دوران تل ابیب کو ہتھیاروں کی بھرپور فراہمی بھی کی۔
دوسری جانب حزب الله نے زور دے کر کہا کہ جب تک لبنان پر قبضہ موجود ہے، وہ کبھی بھی ہتھیار نہیں ڈالیں گے۔ وہ ان ہتھیاروں کو لبنان کی خودمختاری کا تحفظ قرار دیتے ہیں۔ قبل ازیں فرانس نے بیروت کے جنوبی مضافات پر اسرائیل کے حالیہ حملوں کی مذمت کی اور اسرائیل سے مطالبہ کیا کہ وہ جلد از جلد مکمل طور پر لبنانی سرزمین سے نکل جائے۔ یہ بیانات گزشتہ شب جنوبی علاقوں پر اسرائیل کی فضائی بمباری کے بعد سامنے آئے۔ مذکورہ شب ہونے والی صیہونی کارروائی، نومبر 2024ء میں جنگ بندی کے معاہدے کے بعد سے اب تک کا شدید ترین حملہ تھا۔ صیہونی وزیر جنگ "یسرائیل کاٹز" نے دعویٰ کیا کہ اگر حزب الله نے ہتھیار نہ پھینکے تو اسرائیل بمباری جاری رکھے گا۔ یسرائیل کاٹز نے لبنانی صدر جوزف عون سے کہا کہ اگر آپ نے ضروری اقدامات نہ کئے تو ہم پوری طاقت سے اپنی کارروائیاں جاری رکھیں گے۔
ایسی دنیا چاہتے ہیں جہاں مساوات، یکجہتی اور انسانی حقوق کا احترام ہو، آصف زرداری