منشیات کی روک تھام، طلبہ کو براہ راست اشیاء کی ڈیلیوری روکنے کا حکم
اشاعت کی تاریخ: 12th, May 2025 GMT
---فائل فوٹو
اسلام آباد ہائیکورٹ نے تعلیمی اداروں میں طلبہ کو براہ راست اشیاء کی ڈیلیوری روکنے کا حکم دے دیا۔
تعلیمی اداروں میں منشیات کی روک تھام اور آگاہی کےلیے تعلیمی نصاب میں شامل کرنے کی درخواست پر اسلام آباد ہائی کورٹ کے جسٹس انعام میمن منہاس نے سماعت کی۔
عدالت نے کہا کہ طلبہ کو براہ راست ڈیلیوریز روکیں، جو اسکول اور کالج عملدرآمد نہیں کرتا اس کے خلاف کارروائی کریں، نیشنل اینٹی نارکوٹکس کونسل تشکیل دی گئی یا نہیں؟ اسلام آباد ہائیکورٹ نے سیکریٹری کابینہ سے رپورٹ طلب کرلی۔
اسلام آباد اسلام آباد ہائیکورٹ نے دفتر خارجہ سے.
جسٹس انعام امین منہاس نے استفسار کیا کہ کیا آپ کو معلوم ہے کہ منشیات اسکولوں اور کالجوں میں داخل کیسے ہوتی ہے؟ کوریئر اور ڈلیوری والوں کے ذریعے اسکول اور کالج میں منشیات پہنچتی ہیں۔
جسٹس انعام امین منہاس نے ریمارکس دیے کہ چیک کرکے بتائیں کن کن اسکولوں اور کالجوں میں کیا کیا ڈلیور کیا جاتا ہے؟ بچے پیزا وغیرہ منگواتے ہیں ساتھ منشیات بھی منگوا لیتے ہیں، جتنے ڈلیوری والے ہیں براہ راست اسکولوں اور کالجوں میں ڈیلیوری پہنچا رہے ہیں اس پر پابندی لگانی ہے۔
انہوں نے کہا آپ اس پر عملدرآمد کر کے آئندہ تاریخ پر رپورٹ پیش کریں، چیک کریں کن کن اسکولوں اور کالجوں میں کثرت سے براہ راست ڈلیوریز ہو رہی ہیں، جو اسکول اور کالج عملدرآمد نہیں کرتے اُن کے خلاف ایکشن لیں۔
اسلام آباد ہائیکورٹ نے تعلیمی اداروں میں منشیات کی روک تھام سے متعلق کیس کی سماعت 28 مئی تک ملتوی کر دی۔
ذریعہ: Jang News
کلیدی لفظ: ہائیکورٹ نے اسلام آباد براہ راست
پڑھیں:
براہ راست مذاکرات کی تیاری: پاک بھارت ڈی جی ایم اوز آج ہاٹ لائن پر اہم رابطہ کریں گے
پاکستان اور بھارت کے درمیان کشیدگی میں کمی کی کوششوں کیلئے دونوں ممالک کے ڈائریکٹر جنرل ملٹری آپریشنز (ڈی جی ایم اوز) کے درمیان آج اہم رابطہ متوقع ہے۔ ذرائع کے مطابق یہ رابطہ ہاٹ لائن پر صبح ساڑھے گیارہ بجے ہوگا، جس میں فریقین 10 مئی کے سیز فائر کے فیصلے کی تفصیلات کا جائزہ لیں گے۔
ڈی جی ایم اوز کے درمیان دس مئی کی سہ پہر بھی رابطہ ہوا تھا، جس میں فوری سیز فائر پر اتفاق ہوا تھا۔
سکیورٹی ذرائع نے اس رابطے کو اہم پیش رفت قرار دیتے ہوئے بتایا ہے کہ دونوں ممالک کے درمیان براہ راست مذاکرات کی راہ بھی ہموار ہو رہی ہے، جن کے لیے ابتدائی رابطے جاری ہیں۔
ذرائع کا کہنا ہے کہ یہ مذاکرات کسی تیسرے ملک میں منعقد ہوں گے، اور اس حوالے سے سعودی عرب کو ممکنہ میزبان مقام کے طور پر زیر غور لایا جا رہا ہے۔
سفارتی ذرائع کے مطابق، پاک بھارت سفارتی نمائندگان اور نیشنل سیکیورٹی ایڈوائزرز کے درمیان رابطے جاری ہیں، جو ان مذاکرات کے وقت اور مقام کو حتمی شکل دیں گے۔
Post Views: 4
بھارتی فوج کے لیفٹیننٹ جنرل بھی پاک فوج کی صلاحیتوں کے معترف نکلے