پاک،بھارت جنگ بندی کی ٹوئٹ ڈیلیٹ کرنے پربھارتی صارفین کی جانب سے سلمان خان کو سخت تنقید کا سامنا
اشاعت کی تاریخ: 12th, May 2025 GMT
بولی وڈ سُپر اسٹار سلمان خان کو پاکستان اور بھارت میں جنگ بندی کی ٹوئٹ ڈیلیٹ کرنے پر تنقید کا سامنا ہے اور سوشل میڈیا صارفین انہیں ٹرول کرتے دکھائی دیے۔
شوبز ویب سائٹ ’مشابل‘ کے مطابق سلمان خان نے جنگ بندی کے فیصلے کا خیر مقدم کرتے ہوئے ایکس پر شکر ادا کرنے کی ٹوئٹ کی لیکن جلد ہی اسے ڈیلیٹ کردیا، جس پر بھارتی صارفین نے برہمی کا اظہار کیا۔پاکستان اور بھارت نے 10 مئی کی سہ پہر کو امریکی صدر ڈونلڈ ٹرمپ کی ثالثی کے بعد فوری اور مکمل جنگ بندی کا اعلان کیا تھا۔دونوں ممالک کے درمیان جنگ بندی کے اعلان کے بعد سلمان خان نے اپنے ایکس اکاؤنٹ پر مختصر ٹویٹ میں لکھا کہ شکر ہے، سیز فائر ہوگیا لیکن جلد ہی انہوں نے ٹوئٹ ڈیلیٹ کردی تھی۔
اداکار کی جانب سے جنگ بندی پر شکر ادا کرنے اور پھر ٹوئٹ کو ڈیلیٹ کرنے پر بھارتی صارفین نے سلمان خان کو آڑے ہاتھوں لیا۔اُن پر یہ الزام لگا گیا کہ وہ اپنے ملک پر حملے، پہلگام واقعے اور بھارتی فوج کی کارروائی پر خاموش رہے، مگر جیسے ہی سیز فائر ہوا، اُنہیں اطمینان محسوس ہوا، چند ہی گھنٹوں میں عوامی دباؤ کے باعث سلمان خان نے یہ ٹویٹ ڈیلیٹ کردیا۔
تاہم، سلمان خان کی جانب سے ٹویٹ کو ڈیلیٹ کیے جانے پر بھارتی صارفین مزید برہم ہوگئے، ایک صارف نے ایکس پر بولی وڈ کے تینوں خانوں پر تنقید کرتے ہوئے لکھا کہ سلمان خان کی ڈیلیٹ کی گئی پوسٹ، شاہ رُخ خان کی خاموشی اور عامر خان کا ترکی کے لیے پیار اس بات کی نشاندہی کرتا ہے دشمن صرف بارڈر کے پار نہیں بلکہ گھر کے اندر بھی ہوتا ہے، دیمک بن کر جیتا ہے۔دوسرے صارف نے اداکار کو تنقید کا نشانہ بناتے ہوئے لکھا کہ آپریشن سندور کے حوالے سے کوئی تبصرہ نہیں، کیوں؟۔
ایکس پر صارف نے اداکار پر شدید غم و غصے کا اظہار کرتے ہوئے لکھا کہ پچھلے 4 دن سے خاموشی اور اب سیز فائر پر شکر؟ اب ہمیں پتہ چل گیا کہ تمہاری فلموں کے ساتھ کیا کرنا ہے۔بعض صارفین نے لارنس بشنوئی کی تصویر کو اداکار کی ٹویٹ کے ساتھ جوڑتے ہوئے لکھا کہ لارنس بشنوئی سلمان خان سے ملنا چاہتا ہے۔
واضح رہے کہ لارنس بشنوئی وہی دہشت گرد ہیں، جنہوں نے 2018 میں سلمان خان کو جودھپور میں قتل کرنے کی دھمکی دی تھی، بعد ازاں بھی وہ متعدد بار سلمان خان کو دھمکیاں دے چکے ہیں۔
.ذریعہ: Daily Ausaf
کلیدی لفظ: بھارتی صارفین سلمان خان کو ہوئے لکھا کہ
پڑھیں:
‘شہداء کا بدلہ لے لیا’ آصف غفور 5 سال بعد ٹوئٹر پر فعال
بھارتی جارحیت کے جواب میں پاکستان کی جانب سے بھارت کے خلاف ’آپریشن بُنیان مرصوص‘ کا آغاز ہوتے ہی سابق ڈی جی آئی ایس پی آر اور سابق کور کمانڈر کوئٹہ لیفٹیننٹ (ر) جنرل آصف غفور سوشل میڈیا پر فعال ہوگئے۔
پہلگام واقعے کے بعد سے مسلسل جاری پاک بھارت کشیدگی کے دوران پاکستانی عوام آصف غفور کو شدت سے یاد کررہے تھے۔
بطور ڈی جی آئی ایس پی آر، وہ نہ صرف بھارت بلکہ خارجی دہشتگردوں کو بھی اپنے مخصوص انداز میں ‘شٹ اپ کال’ دینے میں مہارت رکھتے تھے جسکے سبب وہ عوام میں بےانتہا مقبول تھے اور ان کا مدلل انداز گفتگو خوب پسند کیا جاتا تھا۔
ان کے ایکس (ٹوئٹر) اکاؤنٹ سے آخری ٹوئٹ جنوری 2020ء میں کی گئی تھی، تاہم آج بھارت کے خلاف پاک فوج کی بھرپور جوابی کارروائی کے بعد بالآخر 5 سال بعد جنرل (ر) آصف غفور کا ٹوئٹر اکاؤنٹ بھی فعال ہوگیا۔
سابق کور کمانڈر آصف غفور نے آج اپنی سب سے پہلی ٹوئٹ میں لکھا ’نصر من اللہ وفتح قریب‘۔
ساتھ ہی انہوں نے ’آپریشن بُنیان مرصوص‘، ‘بھارت امن دشمن’ اور ‘پاکستان زندہ باد’ جیسے ہیش ٹیگز کا بھی استعمال کیا۔
بعد ازاں آصف غفور کی جانب سے ایک تصویر شیئر کرتے ہوئے ایک اور ٹوئٹ کی گئی جس میں درج تھا کہ ٹوئٹر کی جانب سے میری ٹائم لائن سے اس پوسٹ ( نیچے شیئر کی گئی تصویر ) کو چھپا دیا گیا ہے۔
ٹوئٹ میں آصف غفور نے دشمن کو للکارتے ہوئے کہا تھا ’یہ تو صرف ایک پوسٹ ہے، بھارت تم پاکستان کی مسلح افواج کا مقابلہ کیسے کروگے؟’
اپنی ٹوئٹ میں آصف غفور نے بھارتی وزیراعظم نریندر مودی کو ٹیگ کرتے ہوئے لکھا کہ ’نریندر مودی تمہیں بار بار متنبہ کیا گیا کہ ہمارے عزم کا امتحان نہ لو اور پاکستان کے ساتھ کوئی گڑبڑ نہ کرو، تم دراصل دہشتگرد ریاست ہو اور تم نے مقبوضہ کشمیر کے معصوم کشمیر کے خلاف اس کا بدترین مظاہرہ بھی کیا‘۔
آصف غفور نے اپنی ٹوئٹ میں مودی کو اپنی سفاکیت ختم کرنے کا مشورہ دیتے ہوئے تنبیہ کیا کہ ‘اب باز آجاؤ ورنہ پاکستان کی مسلح افواج کے ہاتھوں بڑے نتائج کے لیے تیار رہو’۔
اگلی ٹوئٹ میں انہوں نے 6 اور 7 مئی کی درمیانی شب بھارت کے بزدلانہ حملے میں شہید ہونے والے بچے ارتضیٰ کی تصویر شیئر کرتے ہوئے لکھا کہ ‘ہمارے پیارے بھوری آنکھوں والے بیٹے ارتضیٰ اور بہت سے لوگوں کو ہم تمام خطرات سے اپنی مادر وطن کی حفاظت کرتے ہوئے وقت سے پہلے کھو چکے ہیں، آج آپ سب جنت میں مسکرا رہے ہوں گے، وعدے کے مطابق آپ کے خون کا بدلہ لیا گیا ہے’۔
انہوں نے مزید لکھا کہ ‘ہمارے شہداء اور غازیوں کے والدین اور اہل خانہ کو سلام، ہم آپ کے مقروض ہیں’۔
علاوہ ازیں جنرل (ر) آصف غفور کے آفیشل فیس بک اور انسٹاگرام اکاؤنٹ سے بھی یہی پیغامات سامنے آنے کا سلسلہ جاری ہے۔
پاک بھارت کشیدگی
یاد رہے کہ پہلگام حملے کے بعد 6 اور 7 مئی کی درمیانی شب بھارتی فوج نے رات کی تاریکی میں بزدلانہ حملہ کرتے ہوئے آزاد کشمیر کے علاقوں کوٹلی، مظفر آباد اور باغ کے علاوہ مریدکے اور احمد پور شرقیہ میں شہری آبادی کو نشانہ بنایا جس میں 2 مساجد شہید ہوئیں جبکہ حملوں میں دو بچوں سمیت 31 پاکستانی شہید اور 51 زخمی ہوئے تھے۔
بھارت کی جانب سے رات کی تاریکی میں پاکستان پر بزدلانہ حملے کے بعد پاکستان نے بھارتی جارحیت کا بھرپور جواب دیا، پاکستان پر حملہ کرنے والے 3 رافیل، ایک مگ ٹوئنٹی نائن، ایک ایس یو تھرٹی طیارے اور ایک کومبیٹ ڈرون کو مار گرایا۔
بعدازاں آج 10 مئی کو بھارت کے خلاف ‘آپریشن بُنیان مرصوص’ کے تحت پاکستان نے بھارت میں متعدد اہداف کو نشانہ بناتے ہوئے ادھم پور ایئربیس، پٹھان کوٹ ایئربیس، سرسہ ایئربیس، سورت گڑھ ایئرفیلڈز، براہموس اسٹوریج سائٹ، بھارتی بریگیڈ ہیڈکوارٹر کے جی ٹاپ اور اڑی میں سپلائی ڈپو سمیت 12 اہداف کو تباہ کردیا۔
Post Views: 3
پاکستان میں 9مقامات کو نشانہ بنا یا ، میزائل حملوں کے بعد بھارت کا موقف بھی آگیا