چین نے پاک بھارت جنگ بندی کی حمایت کردی
اشاعت کی تاریخ: 13th, May 2025 GMT
چین کے وزارت خارجہ کے مطابق 10 مئی کی رات، چینی وزیر خارجہ وانگ یی نے پاکستان کے نائب وزیراعظم اور وزیر خارجہ اسحاق ڈار سے رابطہ کیا۔ اسلام ٹائمز۔ چین نے پاکستان اور بھارت کے درمیان جنگ بندی کی حمایت کرتے ہوئے اس کا خیر مقدم کیا ہے۔ چین کے وزارت خارجہ کے مطابق 10 مئی کی رات، چینی وزیر خارجہ وانگ یی نے پاکستان کے نائب وزیراعظم اور وزیر خارجہ اسحاق ڈار سے رابطہ کیا۔ اس کے علاوہ چین کے وزیر خارجہ نے بھارت کے قومی سلامتی مشیر اجیت دوول سے بھی ٹیلی فون کالز کیں جس کا مقصدہ کشیدگی میں کمی اور مکمل اور پائیدار جنگ بندی کو یقینی بنانا ہے۔
چینی وزیر خارجہ نے کہا کہ چین امید کرتا ہے کہ بھارت اور پاکستان جنگ بندی کے موجودہ رجحان کو مضبوطی سے برقرار رکھیں گے اور مزید تصادم سے گریز کریں گے۔ انہوں نے امید ظاہر کی کہ دونوں ممالک اپنے اختلافات کو مذاکرات اور بات چیت کے ذریعے سلجھائیں گے تاکہ سیاسی حل کے راستے پر واپس آسکیں۔ وزیر خارجہ نے کہا کہ چین بھارت اور پاکستان کے ساتھ مسلسل رابطے میں رہے گا اور خطے میں پائیدار امن و استحکام کے لیے اپنا تعمیری کردار ادا کرتا رہے گا۔
ذریعہ: Islam Times
پڑھیں:
لداخ میں بھارتی فورسز کے ہاتھوں مظاہرین کی شہادت پر دفتر خارجہ کا ردِعمل آگیا
ترجمان دفتر خارجہ کے مطابق ہم اس ساری صورتحال پر گہری نگاہ رکھے ہوئے ہیں، مقبوضہ جموں و کشمیر کے علاقے لیہ میں رونما ہونے والے بھارت کی جانب سے غیرقانونی واقعات نہایت تشویشناک ہیں۔ اسلام ٹائمز۔ مقبوضہ جموں و کشمیر کے علاقے لیہ، لداخ میں بھارتی فورسز کے خلاف جاری احتجاج میں مظاہرین کو شہید کرنے پر دفتر خارجہ کا ردعمل آگیا۔ ترجمان دفتر خارجہ شفقت علی کے مطابق ہم اس ساری صورتحال پر گہری نگاہ رکھے ہوئے ہیں، مقبوضہ جموں و کشمیر کے علاقے لیہ میں رونما ہونے والے بھارت کی جانب سے غیرقانونی واقعات نہایت تشویشناک ہیں۔ شفقت علی کا کہنا تھا کہ یہ واقعات عکاسی کرتے ہیں کہ بھارتی حکام احتجاج دبانے کے لیے کسی بھی حد تک جا سکتے ہیں۔ ترجمان دفتر خارجہ نے مزید کہا کہ یہ واقعہ اِس مقبوضہ خطے میں بھارت کے آہنی ہاتھوں والے رویے کی ایک اور مثال ہے۔
یوٹیوبر رجب بٹ کے ہاں پہلے بچے کی پیدائش