مودی پاکستان سے نفرت کرتاہے، انتقام لے گا، قوم متحد اور الرٹ رہے،عمران خان
اشاعت کی تاریخ: 13th, May 2025 GMT
راولپنڈی :بانی چیئرمین پی ٹی آئی عمران خان نے کہا ہے کہ مودی پاکستان سے نفرت کرتا ہے وہ انتقام لے گا، قوم نے متحد اور الرٹ رہنا ہے کیوں کہ جنگ میں لوگوں کا حوصلہ اور سپورٹ بہت اہم ہے۔
سابق وزیراعظم کی ہمشیرہ علیمہ خان نے میڈیا سے گفتگو میں بتایا کہ آج ہم تینوں بہنوں کی عمران خان سے ملاقات ہوئی، ہم نے بتایا کہ وکلاءباہر کھڑے ہیں انہوں نے تین کو نہیں جانے دیا، ہم نے ان کو بتایا کہ بھارت سے جنگ میں پاکستانی قوم کیسے جوش اور جذبے کے ساتھ نڈر تھی، پاکستان کے دفاع میں سب پاکستانی متحد ہیں۔
انہوں نے بتایا عمران خان نے کہا کہ جنگ میں فوری ریسپانس بہت اہم ہوتا ہے، 60 فیصد دماغ کی گیم ہوتی ہے، حملے کا جواب فوج خود نہیں دیتی بلکہ کمانڈر انچیف صدر اور وزیراعظم کے حکم پر ایکشن کرتے ہیں، مودی پاکستان سے بہت نفرت کرتا ہے، اس وقت مودی سخت غصے میں ہوگا، وہ انتقام لے گا، قوم نے اسی طرح متحد اور الرٹ رہنا ہے، فوج اور لوگوں نے جس طرح جواب دیا ہے، سوشل میڈیا کی جنگ بھی پاکستان جیت گیا، مودی یہ برداشت نہیں کرے گا وہ معاشی اٹیک کرے گا، فالس فلیگ جیسے اقدامات مودی کرسکتا ہے۔
سابق وزیراعظم نے کہا کہ 26 ویں ترمیم نے ملک سے رول آف لاءختم کردیا ہے، جو بھی ووٹ دے رہے تھے اس ترمیم کے حق میں وہ آرڈر مان رہے تھے، سب نے مل کر پاکستان کا رول آف لاءختم کردیا، جو سپریم کورٹ نے ملٹری ٹرائل کی اجازت دے دی اس سے دنیا میں مذاق اڑے گا، اس پر آپ نے ملک کا تماشا بنایا ہے، اس ترمیم سے آپ نے ججز کو سرکاری ڈیپارٹمنٹ بنادیا ہے، ججز اور عدلیہ کی آزادی آپ نے لے لی ہے اب وہ آرڈر پر فیصلہ کریں گے۔
عمران خان نے کہا کہ ہم نے لوگوں کو تنہا نہیں کرنا لوگوں کو انصاف دینا ہے، 9 مئی کی سی سی ٹی وی فوٹیج کی بات کیوں نہیں کرتے؟ اس سے پتا چلے گا کہ سزائیں کیوں دی ہیں، چھپ چھپا کر ملٹری عدالت سے 10,10 سال سزائیں دے دی گئیں، میرے بھانجے نے پتلون اٹھائی تھی اس کو اٹھانے کی سزا 10 سال قید ہے؟ ملٹری کا کام لوگوں کو پروٹیکٹ کرنا ہے، ہمارے آئین میں سب سے بڑی اہمیت انسانیت کی ہے، ہمارے دین اور آئین میں انسانیت پہلے ہے یونیفارم بعد میں ہے۔
علیمہ خان کہتی ہیں کہ جب بات چیت ہوگی مودی کے سامنے کون بولے گا؟ اس لئے ہم نے عمران خان سے کہا کہ باہر آئیں مودی کے خلاف بیان دیں کیوں کہ وزیراعظم اور صدر تو بیان نہیں دے رہے لیکن ان کے کیسز نہیں لگائے جارہے، عمران خان نے چوتھی بات یہ کی کہ میں جنید اکبر پر چھوڑ دوں گا کہ وہ کون سی سیٹ رکھنا چاہتا ہے، انہوں نے کہا کہ میرا فوکس تنظیم سازی اور تحریک پر ہے، جنید اکبر 100 فیصد فوکس تحریک پر رکھیں۔
ذریعہ: Daily Mumtaz
کلیدی لفظ: نے کہا کہ
پڑھیں:
مودی سرکارکی بنیادیں ہلادوں گی،ممتا بنرجی
data-id="863a0a8" data-element_type="widget" data-widget_type="theme-post-content.default">
بنگال:بنگال کی وزیر اعلیٰ ممتا بنرجی نے مودی سرکار کو خبردار کرتے ہوئے کہا کہ ملک بھر میں بی جے پی کی بنیادیں ہلادوں گی۔
مغربی بنگال میں جاری ایس آئی آر پر ترنمول کانگریس کی حکومت نے سخت احتجاج کیا ہوا ہے۔ بنگال میں 3 بوٹھ لیول آفیسر BLO کی موت کے بعد سیاست مزید گرم ہو گئی ہے۔
وزیراعلیٰ اور ترنمول کانگریس کی سربراہ ممتا بنرجی نے منگل 25 نومبر کو الیکشن کمیشن آف انڈیا اور بی جے پی پر براہِ راست حملہ کیا۔ بونگاﺅں میں منعقدہ ریلی میں انہوں نے الزام لگایا کہ الیکشن کمیشن اب غیرجانبدار ادارہ نہیں رہا بلکہ بی جے پی کمیشن بن گیا ہے۔
ساتھ ہی بی جے پی کو وارننگ دیتے ہوئے کہا کہ اگر بنگال میں انہیں کمزور کرنے کی کوشش کی گئی تو وہ پورے ملک میں بی جے پی کی بنیاد ہلا دیں گی۔
ایس آئی آر کے تنازع پر مغربی بنگال کی وزیراعلیٰ ممتا بنرجی نے سخت ردِعمل ظاہر کیا ہے۔ انہوں نے کہا کہ ڈرنے کی کوئی ضرورت نہیں ہے۔
نریندر مودی بھی 2024 کی ووٹر لسٹ کی بنیاد پر ہی منتخب ہوئے تھے،اگر یہی لسٹ غلط ہے تو ان کی انتخابی حیثیت بھی غلط قرار دی جانی چاہیے۔
انتخابات سے دو ماہ پہلے جان بوجھ کر یہ سب کیا جا رہا ہے۔ 2016 میں، 2021 میں اور 2024 میں بھی آپ نے کوشش کی، مگر ہر بار ناکام رہے۔
اگر کوئی کہہ دے کہ وہ بنگلہ دیش سے آیا ہے اور بھارت کا شہری بننا چاہتا ہے، تو یہ لوگ اسے غیر قانونی قرار دے دیں گے۔ وہ کوئی مدد نہیں کریں گے۔
میں ووٹ کی سیاست نہیں کرتی، اس لیے صاف کہہ رہی ہوں،ڈرئیے مت، جب تک میں ہوں کوئی آپ کو ووٹر لسٹ سے نہیں ہٹا سکتا۔
ایس آئی آر کے تنازع پر مغربی بنگال کی وزیراعلیٰ ممتا بنرجی نے مرکز اور بی جے پی پر براہِ راست حملہ کیا۔
انہوں نے کہابہار میں آپ کا کھیل پکڑا نہیں گیا، لیکن ہمیں بیوقوف بنانا آسان نہیں ہے۔
بنگال کو اتنا کنٹرول کرنے کی حسد کیوں ہے؟ آپ بنگال کو گجرات بنانا چاہتے ہیں لیکن یاد رکھیں،گجرات میں بھی بی جے پی ہارے گی، اسے میری پیشن گوئی سمجھ لیں۔
آزاد کشمیر کی 18 رکنی کابینہ نے اپنے عہدوں کا حلف اٹھا لیا