بھارت سے سیزفائر ہوگیا اب ملک میں بھی سیاسی سیزفائر کی ضرورت ہے، بیرسٹرگوہر
اشاعت کی تاریخ: 13th, May 2025 GMT
راولپنڈی(اردوپوائنٹ اخبار تازہ ترین۔13 مئی 2025)پاکستان تحریک انصاف کے چیئرمین بیرسٹرگوہر کا کہنا ہے کہ بھارت سے سیزفائر ہوگیا ہے اب ملک میں بھی سیاسی سیزفائر کی ضرورت ہے، سب سے بڑی سیاسی جماعت کے رہنما کو مزید جیل میں نہ رکھا جائے، بانی پی ٹی آئی عمران خان کی اپنی بہنوں سے ملاقات بہت ضروری تھی، راولپنڈی کی اڈیالہ جیل کے باہر میڈیا سے گفتگو کرتے ہوئے چیئرمین پی ٹی آئی نے کہا کہ بھارت کا غرور خاک میں مل چکا ہے۔
قوم کا سر فخر سے بلند ہوا ہے۔ پہلی بار دنیا میں کسی مسلمان ملک نے اپنا لوہا منوایا۔انہوں نے کہا کہ جب پاکستان کا جواب گیا تو پوری دنیا نے دیکھا اور سنا۔ بھارت نے خود اعتراف کیا کہ پاکستان نے 26 مقامات کو ٹارگٹ کیا۔ بھارتی فضائیہ نے رافیل طیارے کے نقصان کا بھی اعتراف کیا۔(جاری ہے)
دوسری جانب اڈیالہ جیل میں آج بانی پی ٹی آئی عمران خان سے ملاقات کا دن ہے۔
جیل حکام نے بانی پی ٹی آئی کی بہنوں اور قریبی ساتھیوں کو ملاقات کی اجازت دیدی ہے۔بتایاگیا ہے کہ بانی پی ٹی آئی کی بہنیں علیمہ خان، عظمیٰ خان اور نورین نیازی عمران خان سے ملاقات کیلئے جیل روانہ ہو گئیں۔ ملاقات کی فہرست میں سلمان صفدر، ظہیر عباس چوہدری، ملک احمد بچھر، سینیٹر علی ظفر، نعیم پنجھوتہ، نیازاللہ نیازی اور علی بخاری بھی شامل ہیں جنہیں جیل آمد کی اجازت دی گئی۔بانی پی ٹی آئی کی اہلیہ بشریٰ بی بی کی بھابھی مہرالنساءکو بھی جیل میں ملاقات کی اجازت دی گئی، تاہم خیبرپختونخوا ہ اسمبلی کی ڈپٹی اسپیکر ثریا بی بی کو جیل جانے سے روک دیا گیا اور واپس بھیج دیا گیا۔قبل ازیںگفتگو کرتے ہوئے پاکستان تحریک انصاف کے چیئرمین بیرسٹرگوہر کا کہنا تھا کہ قوم ہم آواز ہے اور بہتر ہے اس اتحاد کافائدہ اٹھاتے ہوئے بانی پی ٹی آئی عمران خان کی رہائی کی جائے۔اگر دشمنوں اور غیروں کے ساتھ صلح ہوسکتی ہے تو اپنوں کےساتھ بھی ہونی چاہیے۔جیو نیوز سے گفتگو کرتے ہوئے چیئرمین پی ٹی آئی نے کہا کہ اب سیاسی ماحول میں تناو میں کمی ہونی چاہیے اور بانی پی ٹی آئی عمران خان اور بشریٰ بی بی سے پارٹی رہنماوں کو ملاقاتوں کی اجازت دینی چاہئے۔ اگر والدین کو آپ جیل میں رکھوتو بچے کب تک آپ کا ساتھ دیں گے؟کب تک آپ کےساتھ فنکشن منائیں گے اورکیوں منائیں؟۔دوسری جانب قومی اسمبلی میں اپوزیشن لیڈر عمر ایوب کاکہنا ہے کہ مودی کے خطاب سے لگتا ہے کہ انہیں ابھی تک مکمل چین نہیں آیا۔اگرہمت ہے تو فاشسٹ مودی پاکستان پر دوبارہ حملے کا شوق پورا کر لے۔ پاکستانی قوم اور افواج متحد ہو کر مقابلہ کریں گے۔اپنے ایک بیان میں انہوں نے کہا کہ بانی پی ٹی آئی عمران خان نے 4 سال پہلے کہا تھا کہ مودی فالس فلیگ آپریشن کرکے کا ملبہ پاکستان پر ڈالے گا۔.
ذریعہ
ذریعہ: UrduPoint
کلیدی لفظ: تلاش کیجئے بانی پی ٹی آئی عمران خان ملاقات کی نے کہا کہ کی اجازت جیل میں
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع