غزہ میں فوری جنگ بندی کی درخواست کرتے ہیں، روس
اشاعت کی تاریخ: 14th, May 2025 GMT
روس کے نمائندے نے سلامتی کونسل میں خطاب کرتے ہوئے کہا کہ اسرائیل انسانی امداد کی غیر جانبداری اور یکجہتی کو خطرے میں ڈال رہا ہے۔ اسلام ٹائمز۔ روس کے نمائندے نے سلامتی کونسل میں خطاب کرتے ہوئے کہا کہ اسرائیل انسانی امداد کی غیر جانبداری اور یکجہتی کو خطرے میں ڈال رہا ہے۔ فارس نیوز کے مطابق، روس کے اقوام متحدہ میں نمائندے واسیلی نبنزیا نے بدھ کی صبح غزہ میں فوری جنگ بندی کے ضرورت پر تاکید کی۔ نبنزیا نے سلامتی کونسل کے اجلاس میں غزہ کی صورتحال پر بات کرتے ہوئے کہا کہ اسرائیل انسانی امداد کی غیر جانبداری اور یکجہتی کو خطرے میں ڈال رہا ہے۔ اسپوتنیک نیوز ایجنسی کے مطابق، انہوں نے کہا کہ ہم غزہ میں فوری جنگ بندی اور مذاکرات کے دوسرے مرحلے کی بحالی کا مطالبہ کرتے ہیں۔ اس روسی سفارتکار نے مزید کہا کہ ہم عیدان الیگزینڈر کی آزادی کا خیرمقدم کرتے ہیں اور امید کرتے ہیں کہ یہ حماس اور اسرائیل کے درمیان معاہدے تک پہنچنے میں مدد کرے گا۔
.
ذریعہ
ذریعہ: Islam Times
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار