ارشد ندیم ایک اور بڑے مقابلے کی تیاریوں میں مصروف
اشاعت کی تاریخ: 14th, May 2025 GMT
پاکستان کے اولمپئن گولڈ میڈلسٹ جیولین تھرور ارشد ندیم پیرس اولمپکس کے بعد پہلے بڑے ایونٹ ایشین ایتھلیٹکس چیمپئن شپ کی تیاریوں میں مصروف ہیں۔
پاکستان کا فخر ارشد ندیم ایشین چیمپئن شپ میں اپنی بہترین تھرو کر کے گولڈ میڈل جیتنے کےلیے پُرعزم ہیں۔
ان دنوں ارشد ندیم پنجاب اسٹیڈیم لاہور میں ٹریننگ کر رہے ہیں۔
ٹریننگ کے موقع پر جیو نیوز سے گفتگو کرتے ہوئے ارشد ندیم نے کہا کہ 5 ماہ سے سخت محنت کر رہا ہوں، اولمپکس کے بعد پہلا بڑا ایونٹ ہے، ایشین چیمپئن شپ 27 سے 31 مئی تک کوریا میں ہوگی۔
ارشد ندیم نے کہا کہ میرا ایونٹ 31 مئی کو ہے، میرا کسی سے مقابلہ نہیں ہے میرا مقابلہ صرف ارشد ندیم سے ہوتا ہے، مجھے اپنا بہترین کرنا ہے، کسی بھی ایونٹ میں اپنا بہترین کرتا ہوں تو میں گولڈ میڈل جیتنے کی پوزیشن میں ہوتا ہوں۔
ارشد ندیم نے کہا کہ میرا ہدف ہے کہ جن ایونٹس میں گولڈ میڈل نہیں جیتا ان میں گولڈ میڈل جیتوں۔ ورلڈ، ایشین چیمپئن شپ، ایشین گیمز اور ڈائمنڈ لیگز میں گولڈ میڈلز جیتنے ہیں۔
انہوں نے کہا کہ لاس اینجلس اولمپکس 2028 میں بھی حصہ لینا ہے، ایک سال پہلے سارا فوکس اولمپکس پر ہوگا، اس سے قبل میری توجہ اس دوران ہونے والے دیگر ایونٹس پر ہے۔
ارشد ندیم کے کوچ سلمان اقبال بٹ کا کہنا ہے کہ ارشد ندیم کی تیاری اچھی ہے، ایک بار پھر اچھی کارکردگی کےلیے پُرعزم ہیں کیونکہ پانچ چھ ماہ کی ٹریننگ کے دوران ہمارے ریفرنس اچھے سامنے آئے ہیں، اب ان کو برقرار رکھنا ہے۔
انہوں نے کہا کہ کچھ ثابت کرنے کی ضرورت نہیں، ہمارے لیے یہ ایک اور ایونٹ ہے ہم نے کسی ایونٹ کو چھوٹا بڑا نہیں سمجھا سب کو ایک ہی اہمیت دی ہے اور اچھا پرفارم کرنے کی کوشش کی ہے۔
سلمان اقبال بٹ نے کہا کہ دباؤ ہونا اچھی چیز ہے، دباؤ نہ ہو تو آپ پرفارم نہیں کرسکتے اضافی دباؤ سے آپ غیر معمولی کارکردگی کا مظاہرہ کرنے کی کوشش کرتے ہیں۔
Post Views: 1.ذریعہ: Daily Mumtaz
کلیدی لفظ: میں گولڈ میڈل چیمپئن شپ نے کہا کہ
پڑھیں:
پاکستانی گالفرز نے قازقستان جونیئر اوپن گالف چیمپئن شپ جیت لی
پاکستان کے مہاد خان اور سارہ امین خان نے قازقستان جونیئر اوپن گالف چیمپئن شپ 2025 میں بوائز اور گرلز ٹائٹل جیت لیے۔
موصولہ اطلاعات کے مطابق چیمپئنز کا تاج اپنے نام کرنے والے ابھرتے ہوئے گالف اسٹارز نے زیلجاو گالف کلب، الماتی میں منعقدہ قازقستان جونیئر اوپن گالف چیمپئن شپ 2025 میں تاریخی کارکردگی پیش کی۔
مہاد خان نے بوائز اور سارہ امین خان نے گرلز کیٹیگری میں فتح حاصل کی، بوائز ایونٹ میں مہاد خان نے غیر معمولی مہارت اور مستقل مزاجی کا مظاہرہ کر کے دیگر کو پیچھے چھوڑدیا۔ پاکستان ہی کی نمائندگی کرنے والے زید عمر ارشد رنر اپ رہے، گرلز ایونٹ میں سارہ امین خان نے اپنی سبقت دکھا کر وننگ ٹرافی اپنے نام کی۔
مہاد خان نے طویل ترین ڈرائیو کا بھی اعزاز حاصل کیا جبکہ زید عمر ارشد نے پن کے قریب ترین شاٹ کھیلی۔
دریں اثنا پاکستان گالف فیڈریشن کے صدر اور سیکریٹری میں شاندار کارکردگی کا مظاہرہ کرنے پر پاکستان ٹیم کے کھلاڑیوں کو مبارکباد پیش کی ہے۔
انہوں نے اس فتح کو 14 اگست کو قوم کے لیے یوم آزادی کا ایک خوبصورت تحفہ قرار دیا۔
پہلی بار پاکستانی کمپنی کا یو اے ای کے بڑے گروپ کو گوشت سپلائی کرنے کا معاہدہ