9 مئی فسادات: کیسز کو تیزی سے نمٹانے کے لیے انسداد دہشتگردی عدالتوں کا بڑا فیصلہ
اشاعت کی تاریخ: 14th, May 2025 GMT
انسداد دہشتگردی لاہور کی عدالتوں میں زیرسماعت 9 مئی واقعات کے کیسز کو تیزی سے نمٹانے کے لیے ہفتے میں 4 دن سماعت کا فیصلہ کرلیا گیا۔
انسداد دہشت گردی کی عدالتوں (اے ٹی سیز) نے 9 مئی 2023 کے فسادات سے متعلق مقدمات کی سماعت سپریم کورٹ کی جانب سے 4 ماہ میں ختم کرنے کی ہدایت کے بعد تیز کردی ہے۔
یہ بھی پڑھیں عمران خان 9 مئی واقعات پر کوئی معافی نہیں مانگیں گے، پی ٹی آئی نے واضح کردیا
یہ مقدمات 9 مئی 2023 کو سابق وزیراعظم عمران خان کی گرفتاری کے بعد ہونے والے فسادات سے متعلق ہیں۔ جن کے مطابق پی ٹی آئی کے کارکنوں اور رہنماؤں پر الزام ہے کہ انہوں نے فوجی تنصیبات پر دھاوا بولا۔
لاہور ہائیکورٹ کے رجسٹرار نے کوٹ لکھپت جیل میں 9 مئی کے مقدمات کی سماعت کا نیا ترمیمی شیڈول جاری کردیا ہے۔
ترمیمی شیڈول کے مطابق 9 مئی کے فسادات کے مقدمات کی سماعت اب ہفتے میں چار دن منگل، بدھ، جمعرات اور ہفتہ کو جیل میں ہو گی۔ جیل ٹرائل پہلے ہفتے میں 3 دن ہوتے تھے لیکن ان کے نمٹانے کے لیے اس میں توسیع کی گئی ہے۔
انسداد دہشتگردی عدالتیں جناح ہاؤس حملے سمیت 14 مقدمات کے جیل ٹرائل کی سماعت کررہی ہیں۔
واضح رہے کہ پی ٹی آئی کے 60 کارکنوں کو اس سے قبل دسمبر 2024 میں فوجی عدالت سے سزا سنائی جا چکی ہے۔
ڈی جی آئی ایس پی آر نے اس وقت بتایا تھا کہ فیلڈ جنرل کورٹ مارشل نے تمام شواہد کی جانچ پڑتال کے بعد مجرموں کو سزائیں سنائی ہیں، اور اس میں ملزموں کو تمام قانونی حقوق فراہم کیے گئے۔
یہ بھی پڑھیں پشاور ہائی کورٹ نے ملٹری کورٹ سے سنائی گئی سزاؤں کو درست قرار دے دیا
سزا پانے والوں میں جیل میں قید سابق وزیراعظم عمران خان کے بھانجے حسان نیازی اور مسلح افواج کے 2 ریٹائرڈ افسران شامل ہیں۔ کچھ دن پہلے 25 دیگر افراد کو بھی اسی الزام میں سزا سنائی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 مئی فسادات wenews اڈیالہ جیل انسداد دہشتگردی عدالت بڑا فیصلہ سپریم کورٹ عمران خان وی نیوز.
ذریعہ
ذریعہ: WE News
کلیدی لفظ: 9 مئی فسادات اڈیالہ جیل انسداد دہشتگردی عدالت بڑا فیصلہ سپریم کورٹ وی نیوز انسداد دہشتگردی کی سماعت کے لیے
پڑھیں:
سارا انعام قتل کیس: شاہنواز امیر کی اپیلوں پر سماعت موسم گرما کی تعطیلات کے بعد تک ملتوی
---فائل فوٹواسلام آباد ہائی کورٹ نے سارا انعام قتل کیس میں سزا یافتہ مجرم شاہنواز امیر کی سزا کے خلاف اپیل اور دیگر متعلقہ اپیلوں کی سماعت موسم گرما کی تعطیلات کے بعد تک ملتوی کر دی۔
کیس کی سماعت جسٹس خادم حسین سومرو اور جسٹس محمد آصف نے کی، مجرم کی والدہ ثمینہ شاہ کی بریت کے خلاف درخواست بھی زیرِ سماعت آئی۔
سماعت کے دوران شاہنواز امیر کی جانب سے وکیل چوہدری عبدالعزیز جبکہ مقتولہ سارا انعام کے والد کی جانب سے رضوان عباسی عدالت میں پیش ہوئے۔
جسٹس ارباب محمد طاہر اور جسٹس انعام امین منہاس نے کیس کی سماعت کی۔
جسٹس خادم حسین سومرو نے استفسار کیا کہ کیا فریقین دلائل کے لیے تیار ہیں جس پر دونوں جانب کے وکلا نے آمادگی ظاہر کی، بعد ازاں وکیل چوہدری عبدالعزیز نے دلائل کا آغاز کرتے ہوئے سب سے پہلے ایف آئی آر کا متن پڑھا۔
وکیل نے مؤقف اختیار کیا کہ اس مقدمے میں ایاز امیر ابتدا ہی میں کیس سے ڈسچارج ہو گئے تھے اور اس حکم کو کسی فورم پر چیلنج نہیں کیا گیا۔
انہوں نے بتایا کہ ثمینہ شاہ کو بھی ٹرائل کورٹ نے عدم شواہد کی بنیاد پر بری کیا تھا تاہم اس وقت ان کے وکیل عدالت میں موجود نہیں تھے۔
عدالت نے آئندہ تاریخ کے حوالے سے فریقین سے رائے طلب کی جس پر رضوان عباسی نے سماعت آئندہ ہفتے یا موسم گرما کی تعطیلات کے بعد مقرر کرنے کی استدعا کی۔
اسلام آباداسلام آباد کی مقامی عدالت نے سارہ...
بعد ازاں عدالت نے کیس کی سماعت موسم گرما کی تعطیلات کے بعد تک ملتوی کر دی۔
واضح رہے کہ ستمبر 2022ء میں سارا انعام کو ان کے شوہر شاہنواز امیر نے قتل کر دیا تھا جبکہ ٹرائل کورٹ شاہنواز امیر کو سزائے موت سنا چکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ