نجی حج سکیم بحران ،امیر جماعت اسلامی حافظ نعیم الرحمان نے وزیر اعظم کو خط لکھ ڈالا
اشاعت کی تاریخ: 14th, May 2025 GMT
لاہور ( ڈیلی پاکستان آن لائن ) امیر جماعت اسلامی حافظ نعیم الرحمان نے وزیراعظم شہباز شریف سے نجی حج سکیم سے پیدا ہونے والے بحران کے حل کے لیے سعودی ولی عہد محمد بن سلمان سے خصوصی رابطہ کرنے کی اپیل کی ہے۔ انھوں نے خط کے ذریعے وزیراعظم کی فوری توجہ اس مسئلہ کی جانب مبذول کرائی ہے جس سے 67ہزار پاکستانیوں کے رواں سال حج کی سعادت سے محروم ہونے کے خدشات پیدا ہو گئے ہیں۔ انھوں نے وزیراعظم کو تجویز دی ہے کہ وہ سعودی ولی عہد سے براہ راست رابطہ کریں، اس سے مسئلہ آسانی سے حل ہو سکتا ہے۔ حکومت اعلیٰ سطحی کمیٹی فوری طور پر سعودی عرب بھیجے جو سعودی حکومت کے ساتھ مل کر انتظامات کا جائزہ لے اور ان کے مسائل کے حل کو یقینی بنائے۔
ویڈیو لیک ہونے کے بعد کنول شوزب کا رد عمل بھی سامنے آگیا
امیر جماعت اسلامی نے واضح کیا ہے کہ اطلاعات کے مطابق نائیجیریا کے 40 ہزار مزید حجاج کو کچھ دن پہلے اجازت دی گئی ہے، وزیراعظم کی بروقت مداخلت سے پاکستانی حجاج کو بھی اجازت مل سکتی ہے۔حج ٹور آپریٹرز کے مطابق پاکستان کا کوٹہ ختم نہیں ہوا، منیٰ اور عرفات میں جگہ بھی دستیاب ہے، اعلیٰ سطحی رابطے سے پاکستان کو بھی گنجائش مل سکتی ہے۔
حافظ نعیم الرحمان نے کہا کہ حکومت حجاج کی سعودی عرب بھجوائی گئی رقوم کا تحفظ کرے اور دینی فریضہ ادا نہ کیے جانے کی صورت میں ان رقوم کی واپسی کو یقینی بنائے۔ نجی حج سکیم بحران کی آزادانہ تحقیقات کا مطالبہ کرتے ہوئے انھوں نے کہا کہ انتظامی غفلت کے مرتکب افراد خواہ وہ سرکاری ملازم ہوں یا حج آرگنائزر کے خلاف تادیبی کارروائی عمل میں لائی جائے۔
واضح رہے کہ پاکستان میں حج پالیسی کی منظوری میں تاخیر، پرائیویٹ حج ٹور آپریٹرز کی سستی اور سعودی عرب میں نئے نظام کی تنفیذ کی وجہ سے ایک بڑا بحران پیدا ہو گیا ہے اور خدشہ ہے کہ پرائیویٹ حج سکیم کے تحت جانے والے 67 ہزار پاکستانی حجاج نہ صرف اس سعادت سے محروم رہیں گے بلکہ اپنی زندگی بھر کی جمع پونجی سے بھی ہاتھ دھو بیٹھیں گے۔
جاوید اختر نے پاک بھارت کشیدگی پر بات کرنے سے انکار کردیا
امیر جماعت اسلامی نے اس اندیشے کا اظہار کیا ہے کہ صورت حال برقرار رہی تو پرائیوٹ حج کمپنیوں کے لیے بھی بڑا مالی بحران پیدا ہو سکتا ہے اور 100 ارب سے زیادہ رقم ڈوب جانے کا بھی خطرہ ہے۔ انھوں نے وزیراعظم کو لکھا کہ حج کمپنیوں کی طرف سے فنڈ زسعودی عرب بھجوائے جاچکے ہیں، حج ٹور آپر یٹر ز ادائیگیوں کے ساتھ مکہ معظمہ اور مدینہ منورہ کے ہوٹلز سے معاہدہ کر کے رقوم بھیج چکے ہیں، جن کی واپسی ایک مشکل عمل ہے (سال 2023 اور 2024 کے حج کی بقایا رقوم ابھی تک واپس نہیں آسکی ہیں)۔ اس سے آئندہ سال بھی حج ٹور آپریٹرز اور حجاج کرام دونوں کے لیے مسائل ہوں گے، اور حکومت کے لیے بھی مشکل کا باعث بنیں گے۔وزیراعظم ذاتی دلچسپی لے کر مسئلہ کو حل کرائیں۔
190 ملین پاؤنڈ کیس، عمران خان، بشریٰ بی بی کی سزا معطلی کی درخواستیں سماعت کیلئے مقرر
مزید :.ذریعہ: Daily Pakistan
کلیدی لفظ: انھوں نے حج سکیم پیدا ہو حج ٹور کے لیے
پڑھیں:
آئندہ انتخابات میں جماعت اسلامی ملک کی بڑی سیاسی جماعت بن کر ابھرے گی،ڈاکٹر طارق سلیم
آئندہ انتخابات میں جماعت اسلامی ملک کی بڑی سیاسی جماعت بن کر ابھرے گی،ڈاکٹر طارق سلیم WhatsAppFacebookTwitter 0 11 August, 2025 سب نیوز
اسلام آباد(سب نیوز)امیر جماعت اسلامی پنجاب ڈاکٹر طارق سلیم نے کہا ہے کہ جماعت اسلامی کا نومبر میں لاہور میں ہونے والا اجتماع عام عوامی امنگوں کا تر جمان ثا بت ہو گا، جماعت اسلامی نو مبر میں ہو نے والے اجتماع عام سے قبل عوام کو در پیش مسائل اور ان کے حل کے لیے ملک بھر میں ہزاروں عوامی کمیٹیاں بنائے گی
جماعت اسلامی کی ملک و قوم کو مسائل کی دلدل سے نکالنے کیلئے جدوجہد کامیابی سے ہمکنار ہوگی، انھوں نے کہاجماعت اسلامی کے بارے میں قوم کا ذہن تبدیل ہو رہا ہے،عوام اپنے مسائل کے حل کیلئے جماعت اسلامی کو امید کی کرن سمجھتے ہیں، آئندہ انتخابات میں جماعت اسلامی ملک کی بڑی سیاسی جماعت بن کر ابھرے گی،اور ہم ملک و قوم کو چوروں اور لٹیروں سے نجات دلا کررہیں گے، جب تک پاکستان پرسودی نظام مسلط ہے معیشت ٹھیک ہوسکتی ہے نہ غربت مہنگائی اور بے روز گاری جیسے مسائل سے نجات مل سکتی۔ان خیالات کا اظہار انھوں نے جماعت اسلامی گجرات کے ممبر کنونشن سے خطاب کر تے ہو ئے کیا۔
اس موقع پرامیر جماعت اسلامی ضلع گجرات چوہدری انصر محمود دھول ایڈووکیٹ سیکرٹری جنرل ضلع محمد عمر صدیق،امیر شہر راجہ ساجد شریف، صدر جماعت اسلامی یوتھ ضلع گجرات چوہدری خرم شہزاد گورالہ نے بھی خطاب کیا۔ ڈاکٹر طارق سلیم نے کہا ہم رائے عامہ کو منظم کرکے محلے اور یونین کونسل کی سطح پر عوامی کمیٹیاں بنائیں گے تاکہ عوام کے مسائل فوری حل ہو سکیں۔جماعت اسلامی ظلم و جبر کے نظام کو جڑ سے اکھاڑ پھینکنے کیلئے عوام کو ساتھ ملا کر چلے گی، ملک میں مافیا کا راج ہے اور ایک طرح کا ٹھیکیداری نظام چل رہا ہے، اس فرسودہ نظام کو بدلنا اور پرامن مزاحمتی تحریک سے ملک میں انقلاب لانا ہوگا، پاکستان کے نوجوان انقلاب کے لیے سب سے بڑی امید ہیں، انہوں نے کہا کہ فارم 47سے لوگ مسلط کردیے جائیں اور حق داروں کو ان کا حق نہ ملے، ایسا مزید نہیں چلے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد ہائیکورٹ میں بانی پی ٹی آئی کے طبی معائنے کیلئے درخواست دائر اسلام آباد ہائیکورٹ میں بانی پی ٹی آئی کے طبی معائنے کیلئے درخواست دائر بھارت نے رات کے اندھیرے میں حملہ کرکے جنگ چھیڑی اور پھر پاکستان نے اسے مکمل کیا، بلاول بھٹو بھارت کی جانب سے دریائے ستلج میں پانی چھوڑے جانے کا خدشہ، پی ڈی ایم اے کا الرٹ جاری القادر ٹرسٹ نیب ریفرنس میں جائیداد نیلامی کے معاملے پر بڑی پیش رفت، اشتہاری ملزمان کی 3میں سے بنی گالا میں موجود ایک جائیداد... بھارت ایک بار پھر سفارتی آداب بھول گیا، پاکستانی سفارتکاروں کو ہراساں کرنے کا سلسلہ جاری نیپرا نے سیپکو اور حیسکو پر ساڑھے 9کروڑ روپے کے جرمانے عائد کردیےCopyright © 2025, All Rights Reserved
رابطہ کریں ہمارے بارے ہماری ٹیم
تحریک انصاف کا لاہور سے 300سے زائد کارکنان کی گرفتاری کادعویٰ