ہانیہ عامر نے جعلی خبریں پھیلانے والوں کو آڑے ہاتھوں لے لیا
اشاعت کی تاریخ: 15th, May 2025 GMT
پاکستان کی معروف و شوخ چنچل اداکارہ ہانیہ عامر نے جعلی خبریں پھیلانے والوں کو آڑے ہاتھوں لے لیا۔
فوٹوز اینڈ ویڈیوز شیئرنگ پلیٹ فارم انسٹاگرام پر 18.6 ملین فالوورز کے ساتھ پاکستان میں سب سے زیادہ فالو کی جانے والی اداکارہ نے اپنے نام سے منسوب جعلی خبروں اور سوشل میڈیا پوسٹ شیئر کرنے والوں کو اپنے منفرد انداز میں جواب دے دیا۔
اداکارہ نے اپنی انسٹااسٹوری میں ایک وائرل ویڈیو شیئر کی، جس میں موبائل فون کے کیمرے کی سیٹنگ کے حوالے سے ٹپس اینڈ ٹریک شیئر کی گئی تھی، تاہم مذکورہ ویڈیو پر ویوز اور لائکس حاصل کرنے کے لیے کانٹنٹ کری ایٹر نے ہانیہ عامر کا نام استعمال کیا۔
ہانیہ عامر نے ایک عام وائرل ویڈیو کے ذریعے جعلی خبروں جیسے سنجیدہ نوعیت کے مسئلے پر توجہ دلانے کی کوشش کی۔
انہوں نے انسٹااسٹوری میں لکھا کہ گوکہ یہ اتنا سنجیدہ نہیں ہے لیکن اسی طرح تم لوگ کچھ بھی لکھ کے کچھ بھی کہہ دیتے ہو اور خود ہی باتیں کرتے ہو۔
انہوں نے مزید لکھا کہ کوئی بھی کچھ بھی کہہ دیتا ہے اور مان جاتے ہو، آپس میں ہی کھیلتے رہتے ہو، کیا کر رہے ہو؟ ساتھ ہی انہوں نے فیکٹ چیک کرنے پر بھی زور دیا۔
خیال رہے کہ ہانیہ عامر پاکستان میں ہی نہیں بلکہ پڑوسی ملک بھارت میں بھی یکسر شہرت رکھتی ہیں۔ تاہم پاک بھارت کشیدگی کے دوران ان کا شمار بھی ان فنکاروں میں کیا گیا جو بائیکارٹ مہم کا نشانہ بننے۔ اسی دوران سوشل میڈیا پر متحریک رہنے والی ہانیہ عامر یک بعد دیگر جعلی خبروں کی زد میں آئیں۔
پہلے ان کے نام سے منسوب جعلی انسٹااسٹوری وائرل ہوئی جس میں پہلگام حملے کے تناظر میں بھارتی وزیراعظم نریندر مودی سے اپیل کی گئی تھی۔ تاہم ہانیہ عامر نے اس پر وضاحت دیتے ہوئے کہا کہ میرا اس پوسٹ سے کوئی تعلق نہیں، یہ ایک جعلی پوسٹ ہے۔
ابھی یہ معاملہ تھما ہی تھا کہ انسٹاگرام پر ہانیہ عامر کے بھارتی مداحوں کے لیے ایک دوسرے اکاؤنٹ کی افواہیں پھیلنا شروع ہوگئیں۔ اس معاملے پر بھی اداکارہ وضاحت دیتے ہوئے بتایا کہ میرا ایک ہی انسٹاگرام اکاؤنٹ ہے۔
Post Views: 2.ذریعہ: Daily Mumtaz
کلیدی لفظ: ہانیہ عامر نے
پڑھیں:
داؤد ابراہیم کے بھانجے کی پارٹی میں شرکت کا معاملہ، اداکارہ نورا فتیحی نے خاموشی توڑ دی
بالی ووڈ اداکارہ و رقاص نورا فتیحی نے اپنے خلاف گردش کرنے والی ان خبروں کی سختی سے تردید کی ہے جن میں دعویٰ کیا گیا تھا کہ وہ ممبئی میں منعقد ہونے والی مبینہ منشیات پارٹیوں میں شریک تھیں۔
نورا فتیحی نے انسٹاگرام پر جاری بیان میں ان خبروں کو ’جھوٹ‘ قرار دیتے ہوئے کہا کہ ان کا نام بلاجواز اس معاملے سے جوڑا جا رہا ہے۔
یہ بھی پڑھیں: بیوی کو نورا فتیحی جیسا بنانے کی ضد کا انجام کیا ہوا؟
انہوں نے لکھا کہ میں پارٹیز میں شرکت نہیں کرتی۔ میں مسلسل سفر میں ہوتی ہوں اور اپنا بیشتر وقت کام میں گزارتی ہوں۔ میرا ان افراد سے کوئی تعلق نہیں جن کا ایسی سرگرمیوں سے واسطہ ہو۔
اداکارہ کا کہنا تھا کہ میں چھٹی کے دن میں گھر، دبئی کے ساحل یا اپنے اسکول کے دوستوں کے ساتھ وقت گزارتی ہوں۔ میرا پورا دن و رات میرے کام، خوابوں اور اہداف پر صرف ہوتا ہے۔ نورا نے کہا کہ یہ پہلی بار نہیں کہ ان کے خلاف بے بنیاد پروپیگنڈا کیا گیا ہو۔ ماضی میں بھی جھوٹ کے ذریعے میری ساکھ کو نقصان پہنچانے کی کوشش کی گئی، مگر اس بار میں خاموش نہیں رہوں گی۔
نورا فتیحی کا کہنا تھا کہ براہِ مہربانی میرا نام اور تصویر ایسے معاملات میں استعمال نہ کی جائے جن سے میرا کوئی تعلق نہیں۔ اس کا بھاری خمیازہ بھگتنا پڑے گا۔
یہ بھی پڑھیں: نورا فتیحی کی ہلاکت کی خبریں، سچائی کیا ہے؟
نورا فتیحی کا بیان ان میڈیا رپورٹس کے بعد سامنے آیا جن میں دعویٰ کیا گیا تھا کہ وہ، شردھا کپور اور دیگر بالی ووڈ سلیبریٹیز مبینہ طور پر ایک گرفتار منشیات فروش محمد سلیم محمد سہیل شیخ المعروف ’سہیل‘ کی جانب سے منعقد کی گئی ریو پارٹیوں میں شریک ہوئے تھے۔
اطلاعات کے مطابق اس نے ممبئی پولیس کو بتایا کہ وہ یہ پارٹیوں بالی ووڈ اور فیشن انڈسٹری کی شخصیات کے لیے منعقد کرتا تھا، جن میں داؤد ابراہیم کے بھانجے علی شاہ پارکر نے بھی شرکت کی۔
یہ بھی پڑھیں: اداکار سعود کی نورا فتیحی سے ملاقات، اہلیہ نے ویڈیو کیوں وائرل کی؟
گزشتہ ماہ شیخ کو دبئی سے ڈی پورٹ کیا گیا تھا اور اس وقت وہ اینٹی نارکوٹکس سیل (ANC) کی گھاٹ کوپر یونٹ کی تحویل میں ہے۔ اے این سی کے اہلکاروں نے اس امکان کو رد نہیں کیا کہ شیخ کے اعترافی بیان میں نامزد کیے گئے سلیبریٹیز سے پوچھ گچھ کی جا سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ۔ نورا فتیحی نورا فتیحی پارٹی
پنجاب بھر کی عدالتوں میں سیکیورٹی انتظامات مزید سخت