جے یو آئی نے بھی بیرون ملک پاکستانیوں کو ای ووٹنگ کا حق دینے کا مطالبہ کردیا
اشاعت کی تاریخ: 15th, May 2025 GMT
اسلام آباد:
جے یو آئی کی جانب سے بھی بیرون ملک پاکستانیوں کو ای ووٹنگ کا حق دینے کا مطالبہ سامنے آ گیا۔
ایکسپریس نیوز کے مطابق قومی اسمبلی کے اجلاس میں وقفہ سوالات کے دوران جمعیت علمائے اسلام (جے یو آئی) کی جانب سے ای ووٹنگ اور قومی اسمبلی و سینیٹ میں بیرون ملک پاکستانیوں کو نمائندگی کا مطالبہ کردیا گیا۔
واضح رہے کہ اس سے قبل پاکستان تحریک انصاف (پی ٹی آئی) کی جانب سے بھی یہ مطالبات سامنے آ چکے ہیں۔
وقفہ سوالات کے دوران جے یو آئی کے رکن اسمبلی نور عالم خان نے سوال کیا کہ ہم یہاں اقلیتوں کو تو ایوانوں میں نمائندگی دیتے ہیں، مگر بیرون ملک پاکستانیوں کو کب ای ووٹنگ کا حق دیں گے؟۔
وزیر پارلیمانی امور ڈاکٹر طارق فضل چوہدری نے جے یو آئی کے رکن اسمبلی کے سوال کا جواب دیتے ہوئے کہا کہ بیرون ملک پاکستانیوں کو پاکستان آکر ووٹ ڈالنے کا حق حاصل ہے۔
انہوں نے مزید کہا کہ ایوانوں میں بیرون ملک پاکستانیوں کی نمائندگی سے متعلق یہ دونوں ایوان آئینی طورپر طے کرلیں۔
واضح رہے کہ قومی اسمبلی اجلاس میں وقفہ سوالات کے دوران وزارت خارجہ کی جانب سے اعتراف کیا گیا ہے کہ پاکستانی پاسپورٹ اس وقت دنیا میں کم ترین درجے پر ہے۔
.ذریعہ: Express News
کلیدی لفظ: بیرون ملک پاکستانیوں کو کی جانب سے جے یو آئی
پڑھیں:
سری لنکا کو تیسرا ون ڈے میں بھی شکست ، پاکستان نے کلین سویپ کردیا
data-id="863a0a8" data-element_type="widget" data-widget_type="theme-post-content.default">
راولپنڈی کرکٹ اسٹیڈیم میں کھلیے جانے والے تیسرے اور آخری ون ڈے میں پاکستان نے سری لنکا کو 6 وکٹوں سے ہرا کر سیریز میں کلین سوئپ کردیا۔
تیسرے اور آخری ون ڈے میچ میں پاکستان نے ٹاس جیت کر پہلے مہمان ٹیم کو بیٹنگ کی دعوت دی۔
سری لنکن ٹیم پہلےکھیلتے ہوئے 46 ویں اوور میں 211 رنز پر ہی ڈھیر ہوگئی۔
سری لنکا کی جانب سے سدیرا سمارا وکرما نے 48،کوشال مینڈس نے 34 ، پوون رتنائیکے نے 32 اور کامل مشارا نے 29 رنز بنائے۔
گرین شرٹس کی جانب سے محمد وسیم جونیئر نے3، حارث رؤف اور فیصل اکرم نے 2،2 کھلاڑیوں کو پویلین کی راہ دکھائی ۔
پاکستان نے 212 رنز کا ہدف 4 وکٹوں کے نقصان پر باآسانی پورا کرلیا۔
پاکستان کی جانب سے فخر زمان اور محمد رضوان نے نصف سنچریاں اسکورکیں۔ فخر 55 رنزبنا کر آؤٹ ہوئے،محمد رضوان 61 رنز بنا کر ناقابل شکست رہے جبکہ حسین طلعت نے بھی 43 رنز کی ناقابل شکست اننگز کھیلی۔
قبل ازیں گرین شرٹس نے پہلے ون ڈے میچ میں 6 رنز اور دوسرے میچ میں 8 وکٹوں سے کامیابی حاصل کی تھی۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن